යුධොපකරන පුහුණු පාසල

යුධොපකරණ පුහුණු පාසල ඉතිහාසය

වර්ෂ 1990 අග භාගයේ දී එල්ටිටිඊ ත්‍රස්තවාදීන් විසින් “පාසිලාන් 2000” යනුවෙන් මෝටාර් විදිනයක් දේශීය වශයෙන් නිෂ්පාදනය කර ශ්‍රි ලංකා සන්නද්ධ හමුදාවලට එරෙහිව භාවිතා කරන ලදී. මෙම අවිය මගින් කි:ග්‍රෑම් 50 ක් පමණ බර වූ බෝම්බ විශේෂයක් මීටර් 500 ක් පමණ දුරවිදීමට හැකියාව තිබුණි. මෙම අවිය උපයෝගී කර ගනිමින් ත්‍රස්තවාදීන් විසින් මුලතිව්, සිලාවතුර හා කරෙයිනගර් නාවික කඳවුර වෙත ද ප්‍රහාර එල්ල කරන ලදී.

මෙම ප්‍රහාරයන් මැඩපැවැත්වීම සඳහා සතුරාට එරෙහිව අනතුරක් සිදුකළ හැකි බෝම්බ විදිනයක් හා බෝම්බයක් නිපදවීමට ඇති හැකියාව සොයා බලන ලෙස එවකට 2 සේනාංකාධිපතිව සිටි මේජර් ජෙනරාල් ඩිඑල් කොබ්බෑකඩුව විසින් පවරන ලදුව එවකට ලුතිතන් කර්නල් ඩිඑස්ජි කෙම්පිටිය ඒටීඕ (විශ්‍රාමිකව සිට මියගිය බ්‍රිගේඩියර් ඩිඑස්ජි කෙම්පිටිය යුඑස්පී ඒටීඕ) සහ සාලියපුර ශ්‍රිලවියාඉ මුලික වැඩපලේ එවකට අණදෙන නිලධාරිව සිටි ලුතිතන් කර්නල් එම්ආර්ජි පියසෝම (දැනට විශ්‍රාමික) නිලධාරිගේ ද සහය ඇතුව අඩී 08 ක් දිග ට්‍රැක්ටර් ට්‍රෙිලරයක් මත සවි කරන ලද විෂ්කම්භය අඟල් 08 ක් වු මෝටාර් විදිනයක් සහ මුඵ බර කි:ග්‍රෑ 15 ක් වු මීටර් 800 දුර විදීමට හැකි බෝම්බයක් නිෂ්පාදනය කරන ලදී. එම මෝටාර් විදිනය සහ බෝම්බය නිෂ්පාදනය සඳහා දායක වූ ඉහත නම් සඳහන් ජ්‍යෙෂ්ඨ නිලධාරින් දෙදෙනා අනුස්මරණය කිරීම සඳහා ඔවුන්ගේ නම්වල මුල් අකුරු දෙක යොදා ගනිමින“කෙම්පියා” ලෙස නම් කරන ලදී.

මෙම පර්යේෂණ වල ප්‍රතිඵලයක් ලෙස වර්ෂ 1992 වු ජුනි මස 12 වන දින ආරම්භ කරන ලද යුධොපකරණ කර්මාන්ත ශාලාව දොඹගොඩ ස්ථාපනය කිරීමට මූලකව කටයුතු කරන ලද්දේ බ්‍රිගේඩියර් ඩිඑස්ජි කෙම්පිටිය යූඑස්පී ඒටීඕ විසිනි. එතුමා ඇතුඵ නිලධාරි 01, බළලත් නිලධාරි 01, කොනොනි 05 ක් සහ සාසෙ 09 දෙනෙකුගෙන් සමන්විත කාර්ය මණ්ඩලයකින් මෙම කර්මාන්ත ශාලාව ආරම්භ වී ඇති අතර, මෙහි ප්‍රතිඵලයක් වශයෙන් පහත සඳහන් අවි සහ බෝම්බ ත්‍රස්තවාදීන්ට එරෙහිව මෙම කාර්මාන්ත ශාලාව තුළදී නිෂ්පාදනය කර ඇත.

අ. මිමි 198 කේ 08 මෝටාර් විදින ගණනින් 04
ආ. මිමි 99 කේ 04 මෝටාර් විදින (බැරල් 05) ගණනින් 01

මෙලෙස යුධොපකරණ කර්මාන්ත ශාලාවක් වශයෙන් ඇරඹි මෙම කඳවුර ශ්‍රි ලංකා යුද්ධ හමුදා ඉතිහාසයේ විශාල පෙරළියක් ඇති කරමින් යුධ අවි සහ උණ්ඩ නිෂ්පාදනය කිරීම ආරම්භ කර ඇත. ශ්‍රි ලංකාවේ මෑත ඉතිහාසයේ යුධ අවි නිෂ්පාදනය කළ පළමු අවස්ථාව මෙය වන අතර එය යුධොපකරණ බලකායේ සාමාජිකයන් වශයෙන් අපහට ඉමහත් අභිමානයක් ගෙනදෙන ලදී. මූලිකව නිෂ්පාදනය කරන ලද බර අවි වන කේ. 08 (කෙම්පියා) අවි සහ ඊට අදාළ උණ්ඩ වත්මන්ව භාවිතා නොවේ. ඊට අමතරව ෙට්‍රිප්ෆ්ලෙයාර්ස් ව්‍යාපෘතියද සාර්ථක ලෙස ක්‍රියාත්මක විය. එවකට සිටි යුද්ධ හමුදාවේ ෙජ්්‍යෂ්ඨ නිලධාරින්ගේ දැච් අවධානයට යොමුව තිබූ මෙම කර්මාන්ත ශාලාව අවස්ථාවන් ගණනාවක දී ඔවුන්ගේ නිරික්‍ෂණයන චාරිකාවන්ට ලක්විය. අදට ද මෙම රෙජිමේන්තු භූමියේ ඉදිරිපස එම අවි නැගී සිටින්නේ තම ප්‍රතාපවත් බව කියාපාමිනි.

වර්ෂ 1993 පෙබරවාරි මස 12 දින සිට නිලධාරි අණදෙන වරයෙකු යටතේ පාලනය වනු ලැබූ මෙම කඳවුරෙහි මුල්ම නිලධාරි අණදෙන වශයෙන් කටයුතු කරන ලද්දේ කපිතන් එච්එල් ගුරුගේ ශ්‍රිලයුයුබ වේ. එතැන් පටන් නිලධාරි අණදෙනවරුන් සතර දෙනෙකු යටතේ පාලනය වි ඇති මෙම කඳවුර 1997 ජනවාරි මස 16 දින සිට අණදෙන නිලධාරි වරයෙකු යටතේ පාලනය වනු ලැබූ අතර, ප්‍රථම අණදෙන නිලධාරි වශයෙන් මේජර් ටිඑම්එස්එච්බි මඩුගල්ල ශ්‍රිලයුයුබ (විශ්‍රාමික ලුතිතන් කර්නල්) කටයුතු කරන ලදී. එතැන් පටන් අණදෙන නිලධාරින් තිදෙනෙකු යටතේ පාලනය වනු ලැබූ මෙම කඳවුර 1999 ජුනි මස 01 දින සිට සේනාවිධායකවරයෙකු යටතේ පාලන වනු ලැබූ අතර, ඒ සඳහා ද මුලිකත්වය ගන්නා ලද්දේ එවකට ලුතිතන් කර්නල් එන්බී නිකහැටිය ඒටීඕ ශ්‍රියුයුබ (විශ්‍රාමික කර්නල්) වේ. එතැන් පටන් මේ දක්වා සේනාවිධායකවරුන්, කාර්ය නියුක්ත සේනාවිධායකවරුන් සහ වැඩ බලන සේනාවිධායකවරුන් සිටී.

වර්ෂ 1991 දී ලුතිතන් කර්නල් ජේපීඒ ජයවර්ධන - ශ්‍රිලයුයුබගේ (විශ්‍රාමික බ්‍රිගේඩියර්) ඇරයුමින් 1 වන සේනාංකාධිපති මේජර් ජෙනරාල් ජේආර්එස් ද සිල්වා (විශ්‍රාමික) විසින් පනාගොඩ දී ආරම්භ කරන ලද යුධොපකරණ පුහුණු පාසැල වර්ෂ 1995.05.20 දින දොඹගොඩ කර්මාන්ත ශාලාව පිහිටි භූමියේ ස්ථාපනය කර ඇත.

මෙලෙස වසර 18 ක සාඩම්බර ඉතිහාසයක පියසටහන් අතර, පුහුණු පාසැල ඉහළම ස්ථානයක් කරා ළඟා කරවීම සඳහා දායකත්වය සැපයූ සියලුම දෙනාගේ දැඩි කැපවීම හේතුවෙන් අද යුද්ධ හමුදා පුහුණු පාසැල් අතර පරිණත වෘත්තීය පුහුණු මධ්‍යස්ථානයක් වශයෙන් සියලු ඒකක ඇතුළත්වන පරිදි උපකරණ පාලන නිලධාරි පාඨමාලා, උපකරණ පාලක සැරයන් මේජර් පාඨමාලා, ගබඩාකරු සහ වෙඩිදුව්‍ය ගබඩාකරු පාඨමාලා, මැහුම් පාඨමාලා, මෙන්ම ආධුනික පාඨමාලාවන් ද විශාල සංඛ්‍යාවක් පවත්වමින් විශේෂ ස්ථානයක් හිමි කරගැනීමට සමත්ව ඇත. මීට අමතර ව විශ්ව විද්‍යාල සිසුන් සඳහා නායකත්ව පුහුණු කිරිමේ පාඨමාලා සාර්ථක ලෙස නිමකරමින් ඔවුන් අතරේද විශිෂ්ට ස්ථානයක් හිමි කර ගෙන සිටි.

යුධොපකරන පුහුණු පාසලෙහි අණදෙන නිළධාරින්

යුද්ධ හමුදා යුධොපකරණ පුහුණු පාසැලේ සේනාවිධායකවරු