12th March 2021 10:55:02 Hours
කිලිනොච්චි ආරක්‍ෂක සේනා මුලස්ථානයේ නව ආඥාපති ලෙස සිය ධූරයේ රාජකාරි ආරම්භ කල මේජර් ජෙනරල් හරේන්‍ද්‍ර රණසිංහ 2021 පෙබරවාරි මස 24 වන දින 6 වන ශ්‍රී ලංකා යුද්ධ හමුදා යුධොපකරණ බලකාය විසින් පාලනය කරනු ලබන ප්‍රාදේශීය පතුරොම් ගබඩාව, කොකාවිල් වෙත සිය ප්‍රථම නිල සංචාරය සිදු කරන ලදී. එහිදි ඒකක වැ:බ අණදෙන නිලධාරි මේජර් සංජීව පැස්කුවෙල් යුඑස්පි ඒටිඕ එල්එස්සි විසින් ආඥාපති තුමන් පිලිගන්නා ලදී.
එම අවස්ථාව සඳහා 57 වන සේනාංකාධිපති මේජර් ජෙනරල් ප්‍රියන්ත ජයවර්ධන, බ්‍රිගේඩියර්(පාලන/භකාස), 573 බලසේනාධිපති, අණදෙන නිලධාරිවරුන් සහ කිලිනොච්චි ආරක්‍ෂක සේනා මුලස්ථානයේ ජ්‍යෙෂ්ඨ මාණ්ඩලික නිලධාරීන් ඇතුළු පිරිසක්ද එම සංචාරය සඳහා සහභාගි වන ලදී.
