18th August 2020 21:01:15 Hours
නිලධාරි ප්‍රගමන හා ප්‍රවර්ධන මධ්‍යස්ථාන සේනාවිධායක හා ශ්‍රීලංකා පාබල හමුදා රෙජිමේන්තු අධිපති මේජර් ජෙනරාල් කේජේ ජයවීර ආර්ඩබ්ලිව්පී ආර්එස්පී යුඑස්පී ආර්සීඩීඑස් ජ්‍යෙෂ්ඨ නිලධාරි තුමන් 12 වන රෙජිමේන්තු අධිපති ලෙස රාජකාරී භාරගැනීමේන් පසු මෙම රෙජිමට අයත් නිත්‍ය/ස්වෙච්ඡා එකකයන්හි රාජකාරී කර රණක්‍ෂිතයට පත් රණවිරුවන් රාජකාරී කරනු ලබන රෙජිමේන්තු මුලස්ථාන බළඇණිය බූස්ස කඳවුර වෙත 2020.08.17 වන දින සංචාරය සිදුකරන ලදි.
18th August 2020 08:02:37 Hours
ශ්‍රී ලංකා පාබල හමුදා රෙජිමේන්තු අධිපති මේජර් ජෙනරාල් කේජේ ජයවීර ආර්ඩබ්ලිව්පි ආර්එස්පි යුඑස්පි ආර්සිඩිඑස් ජ්‍යෙෂ්ඨ නිලධාරි තුමන් 12 වන රෙජිමේන්තු අධිපති ලෙස රජකාරි භාරගැනීමෙන් පසුව මෙම රෙජිමට අයත් නිත්‍ය බලඇණියන්හි පුරාගාමියා වු 1 වන බළඇණිය ශ්‍රී ලංකා පාබල හමුදාවේ සංචාරය 2020 අගෝස්තු මස 16 වන දින සිදුකරන ලදී. රෙජිමේන්තු අධිපති තුමන්ගේ පැමිණිම අණදෙන නිලධාරි ලුතිතන් කර්නල් ඊඑම්ඩබ්ලිව් බංඩාර ආර්ඩබ්ලිව්පි ආර්එස්පි ශ්‍රීලපාහ ජ්‍යෙෂ්ඨ නිලධාරි විසින් රෙජිමේන්තු අධිපති තුමන් යුද්ධ හමුදා චාරිත්‍රානුකුලව ගෞරවයෙන් ප්‍රධාන දොරටුව අසලදී පිළිගත් අතර, එතුමන් හට අභිමානවත් සම්මාන මුරයක් පරිනමන ලදී.
15th August 2020 12:59:02 Hours
වර්ෂ 1965 ක් අප්‍රේල් මස 26 වන දින අනුරාධපුර මහරෝහලෙදි උපත ලද මංගල දේශප්‍රිය විජේසුන්දර අනුරාධපුර ශාන්ත ජොශප් විද්‍යාලයෙන් සිප්සතර හැදෑරූ දීප්තිමත් ශිෂ්‍යයෙකු වූ අතර එම පාසලේ ක්‍රිඩා කටයුතු වලදි කැපිපෙනෙන දක්ෂතා දක්වා ඇති අතර පොදු කටයුතු වලදි ද කැපිපෙනෙන දිප්තිමත් ශිෂ්‍යෙයකු වශයෙන් තම පාසැල් දිවිය සාර්ථකව නිම කිරිමෙන් අනතුරු දේශයේ ස්වෛරීභාවය හා භෞමික අඛණ්ඩතාවය සුරැකීම වස් වර්ෂ 1986 මාර්තු මස 31 දින ශ්‍රී ලංකා යුද්ධ හමුදා නිත්‍ය හමුදාවට ආධුනික කෙඩෙට් නිලධාරියෙකු වශයෙන් බැඳී, මූලික පුහුණුව ඉතා සාර්ථකව හැදෑරීමෙන් පසු වර්ෂ 1987 මාර්තු මස 28 වන දින දෙවන ලුතිතන් වරයෙකු වශයෙන් අධිකාරියට පත්විමෙන් අනතුරුව ශ්‍රී ලංකා පාබල හමුදාවේ 3 වන බළඇණියට ඇතුළත් විය.
31st July 2020 23:04:01 Hours
ශ්‍රී ලංකා පාබල හමුදා රෙජිමේන්තුවේ අභිනවයෙන් පත් වු 12 වැනි රෙජිමේන්තු අධිපති මේජර් ජෙනරාල් කේජේ ජයවීර ආර්ඩබ්ලිවපි ආර්එස්පි යුඑස්පි ආර්සිඩිඑස් ජ්‍යෙෂ්ඨ නිලධාරි තුමන් වැඩ භාරගැනිම සදහා 2020.07.31 දින ශ්‍රී ලංකා පාබල හමුදා රෙජිමේන්තු මධ්‍යස්ථානයට පැමිණෙන ලදී.
30th July 2020 18:01:58 Hours
කුරුණෑගල මලියදේව විද්‍යාලයෙන් සිප්සතර හැදෑරූ දීප්තිමත් ශිෂ්‍යයෙකු හා දක්ෂ පැසිපන්දු ක්‍රීඩකයෙකු වූ හේරත් මුදියන්සේලාගේ ජයන්ත කුමාර ගුණරත්න තරුණයා දේශයේ ස්වෛරීභාවය හා භෞමිකඅඛණ්ඩතාවය සුරැකීමවස් වර්ෂ 1985 ඔක්තෝබර් මස 31 දින ශ්‍රී ලංකා යුද්ධ හමුදා නිත්‍ය බළසේනාවට ආධුනික කෙඩෙට් නිලධාරියෙකු වශයෙන් බැඳී, කෙඩෙට් නිලධාරී පාඨමාලා අංක 22 යටතේ යුද්ධ හමුදා විද්‍යාපීඨය දියතලාව හා නිලධාරි පුහුණු පාසල - පාකිස්ථානය වෙතින් මූලික පුහුණුව ඉතා සාර්ථකව හැදෑරීමෙන් පසු වර්ෂ 1986 ජුලි මස 24 වන දින දෙවන ලුතිතන් වරයෙකු වශයෙන් අධිකාරියට පත්විමෙන් අනතුරුව ශ්‍රී ලංකා පාබල හමුදාවේ 3වන බළඇණියට ඇතුළත් විය.
30th July 2020 17:49:35 Hours
ශ්‍රී ලංකා පාබල හමුදා ඉතිහාසය පුරාවෘත්තයන් පිරි ඉතිහාසයකි. එවන් යටගියාවක් තුල පාබල හමුදාව සතු එක් පුරාවෘත්තයක් වු හිටපු යුද්ධ හමුදාධිපතිවරයෙකු, රෙජිමේන්තු අධිපතිවරයෙකු මෙන්ම වර්තමානයේ ශ්‍රී ලංකා වරාය අධිකාරියේ සභාපති ධූරය හොබවන ජෙනරාල් දයා රත්නායක (විශ්‍රාමික) ඩබ්ලිව්ඩබ්ලිව්වී ආර්ඩබ්ලිව්පී ආර්ඒස්පී වීඒස්වී ඒන්ඩීයූ පීඒස්සී ජ්‍යෙෂ්ඨ නිලධාරින් අද දින මෙම රෙජිමේන්තුවෙහි සුවිශේෂි කටයුත්තක මුලාරම්භය සනිටුහන් කරන ලදී. මෙම ජ්‍යෙෂ්ඨ නිලධාරි තුමන්ගේ යුද්ධ හමුදා දිවිය තුල තිබු සංකල්පයක් මත රෙජිමේන්තුවේ කාර්යාල කටයුතු විධිමත්ව පවත්වාගෙන යෑමට සියළු පහසුකමි විලින් සපිරි තෙමහල් කර්යාල ගොඩනැගිල්ලක් ඉදිකිරිමට සැලසුම් කර තිබුනි. එම අදහස යම් කලකට පසුව හෝ ඵලදරණු ලැබීය.
27th July 2020 15:09:24 Hours
අතිතයේ මෙන්ම වත්මනෙහි ශ්‍රී ලංකා පාබල හමුදාව ක්‍රීඩා දක්ෂතා වලින් යුද්ධ හමුදාව තුළ මෙන්ම ජාතික මට්ටමෙන් හා ජාත්‍යන්තර මට්ටමෙන් ඉතා ඉහළ මට්ටමක සිටින මෙම අවස්ථාවේ මෙම තත්වය තව දුරටත් ඉහලට ගෙනයාමේ අටියෙන් හා මෙම රෙජිමේන්තුවෙහි ක්‍රීඩා කටයුතු නව මානයකට යොමු කරමින් අභිනවයෙන් ඉදිකෙරුණු ටෙනිස් ක්‍රීඩා පිටිය හා ස්කෝෂ් ක්‍රීඩාගාරය විශිෂ්ඨ ක්‍රීඩකයෙකු මෙන්ම ක්‍රීඩාව පිළිබද හසල දැනුම සහ අත්දැකිම් වලින් පිරිපුන් ආරක්‍ෂක මාණ්ඩලික ප්‍රධානි හා යුද්ධ හමුදාධිපති ලුතිතන් ජෙනරාල් ශවේන්ද්‍ර සිල්වා ඩබ්ලිව්ඩබ්ලිව්වි ආර්ඩබ්ලිව්පි ආර්එස්පි විඑස්වි යුඑස්පි එන්ඩිසි පිඑස්සි ජ්‍යෙෂ්ඨ නිලධාරි තුමන්ගේ සුරතින් සුභ මොහොතින් විවෘත කර නිලධාරින් සහ සෙසුනිලයින්ගේ පරිහරණය සදහා 2020.07.22 වන දින පවරා දෙනු ලැබිම අප රෙජිමේන්තුවට තවත් සුවිශේෂි සංධිස්ථානයකි.
08th July 2020 15:59:10 Hours
ශ්‍රී ලංකා පාබල හමුදා රෙජිමේන්තුව වෙනුවෙන් වසර 30 කට අධික කාලයක් අනගිභවනීය සේවයක් ඉටු කිරීමෙන් පසු තම යුද හමුදා ජීවිතයෙන් විශ්‍රාම ගන්නා ලද බ්‍රිගේඩියර් එන්කේ වඩුගොඩපිටිය ආර්එස්පී පීඑස්සී, බ්‍රිගේඩියර් එස්පී විජේසූරිය ආර්ඩබ්ලිව්පී ආර්එස්පී, බ්‍රිගේඩියර් යූආර් අබේරත්න ආර්ඩබ්ලිව්පී ආර්එස්පී, බ්‍රිගේඩියර් එච්එම්එන්බී හේරත් යන ජ්‍යෙෂ්ඨ නිලධාරීන් විශ්‍රාම යාම නිමිත්තෙන් රෙජිමේන්තු අධිපති මේජර් ජෙනරාල් එච්එම්ජේකේ ගුණරත්න ඩබිලිවිඩබිලිවිවී ආර්ඩබ්ලිව්පී ආර්එස්පී එන්ඩීසී පීඑස්සී ජ්‍යෙෂ්ඨ නිලධාරී තුමන්ගේ උපදෙස් මත රෙජිමේන්තු මධ්‍යස්ථාන සේනාවිධායක තුමන්ගේ මග පෙන්වීම හා නියෝජ්‍ය සේනාවිධායක තුමන්ගේ පූර්ණ අධීක්‍ෂණය යටතේ 2020.07.07 වන දින සන්ධ්‍යා කාලයේදී නිලධාරී නිවස්නයේ දී භෝජන සංග්‍රහයක් පවත්වන ලදී. මෙම අවස්ථාව සදහා රෙජිමේන්තු මහකාරක සභාවේ ජ්‍යෙෂ්ඨ නිලධාරීන් සහ එම මැතිණියන්ද අනෙකුත් ජ්‍යෙෂ්ඨ නිලධාරීන්, නිලධාරීන් හා ඔවුන්ගේ භාර්යාවන්ද සහභාගී වන ලදී. මෙම රාත්‍රී භෝජන සංග්‍රහය අවසානයේදී විශ්‍රාම ගන්නා ලද ජ්‍යෙෂ්ඨ නිලධාරීන්ගේ සේවය ඇගයීම වස් සමරු තිළිණයන් පිළිගන්වා ඔවුන්ගේ ඉදිරි අනාගතයට ශ්‍රීලපාහ රෙජිමේන්තු අධිපති තුමන් ඇතුලු සියළු නිලධාරීන් විසින් සුභ ප්‍රාර්ථනා කරන ලදී.
01st July 2020 19:46:27 Hours
වර්ෂ 1968 ක් ජුලි මස 15 වන දින කොළඹ 07 මැකාති රෝහලෙදි උපත ලද චන්න දුලාන් වීරසුරිය කොල්ලුපිටිය මහානාම විද්‍යාලයෙන් සිප්සතර හැදෑරූ දීප්තිමත් ශිෂ්‍යයෙකු වූ අතර එම පාසලේ ක්‍රිඩා කටයුතු වලදි කැපිපෙනෙන දක්ෂතා දක්වා ඇති අතර පොදු කටයුතු වලදි ද කැපිපෙනෙන දිප්තිමත් ශිෂ්‍යෙයකු වශයෙන් තම පාසැල් දිවිය සාර්ථකව නිම කිරිමෙන් අනතුරුව දේශයේ ස්වෛරීභාවය හා භෞමික අඛණ්ඩතාවය සුරැකීම වස් වර්ෂ 1986 ඔක්තෝබර් මස 27 දින ශ්‍රීලංකා යුද්ධ හමුදා නිත්‍ය බළසේනාවට ආධුනික කෙඩෙට් නිලධාරියෙකු වශයෙන් බැඳී, මූලික පුහුණුව ඉතා සාර්ථකව හැදෑරීමෙන් පසු වර්ෂ 1987 ජුලි මස 23 වන දින දෙවන ලුතිතන් වරයෙකු වශයෙන් අධිකාරියට පත්විමෙන් අනතුරුව ශ්‍රී ලංකා පාබල හමුදාවේ 1 වන බළඇණියට ඇතුළත් විය.
01st July 2020 19:25:51 Hours
වර්ෂ 1967 ක් නොවැම්බර් මස 26 වන දින ගාල්ල රෝහලෙදි උපත ලද ට්‍රිස්ලි ජගත් කොඩිතුවක්කු ගාල්ල ඇලෝෂියස් විද්‍යාලයෙන් සිප්සතර හැදෑරූ දීප්තිමත් ශිෂ්‍යයෙකු වූ අතර එම පාසලේ ක්‍රිඩා කටයුතු වලදි කැපිපෙනෙන දක්ෂතා දක්වා ඇති අතර පොදු කටයුතු වලදි ද කැපිපෙනෙන දිප්තිමත් ශිෂ්‍යෙයකු වු මෙතුමා පාසැල් කාලයේ කණිෂ්ඨ හා ජ්‍යෙෂ්ඨ ශීෂ්‍ය භඨ කණ්ඩායම් වල ශීෂ්‍ය භඨයෙකු වශයෙන් තම පාසැල් දිවිය සාර්ථකව නිම කිරිමෙන් අනතුරු දේශයේ ස්වෛරීභාවය හා භෞමික අඛණ්ඩතාවය සුරැකීම වස් වර්ෂ 1986 ඔක්තෝබර් මස 27 දින ශ්‍රීලංකා යුද්ධ හමුදා නිත්‍ය බළසේනාවට ආධුනික කෙඩෙට් නිලධාරියෙකු වශයෙන් බැඳී, මූලික පුහුණුව ඉතා සාර්ථකව හැදෑරීමෙන් පසු වර්ෂ 1987 ජුලි මස 23 වන දින දෙවන ලුතිතන් වරයෙකු වශයෙන් අධිකාරියට පත්විමෙන් අනතුරුව ශ්‍රී ලංකා පාබල හමුදාවේ 3 වන බළඇණියට ඇතුළත් විය.
