25th June 2019 21:41:53 Hours
ශ්‍රී ලංකා පාබල හමුදා රෙජිමේන්තුව විසින් දියත් කරනු ලබන විවිධ වැඩසටහන් අතුරින් නිලධාරින් හා සෙසුනිලයින්ගේ සුභසාධනය වෙනුවෙන් කරනු ලබන ව්‍යාපෘථින් සහ වැඩසටහන් ප්‍රධාන ස්ථානයක් ගනු ලබයි. එහෙත් ඉන් ඉදිරියට ගමන් කරමින් සිවිල් ජනතාවගේද සුභසාධනය වෙනුවෙන් වැඩසටහන් ක්‍රියාත්මක කිරීමට පියවර තබා ඇත. ඒ අනුව රෙජිමේන්තු අධිපති තුමන්ගේ සංකල්පයක ප්‍රථිපලයක් ලෙස සහ එතුමාගේ මග පෙන්වීම යටතේ අම්පාර දිස්ත්‍රික්කයේ පිහිටි අඩු පහසුකම් සහිත ලාතුගල කනිෂ්ඨ විද්‍යාලයට දීර්ඝ කාලයක් අඩුපාඩුවක්ව පැවති පෙරදිග තුර්ය වාදක කණ්ඩායමට අවශ්‍ය භාණ්ඩ පරිත්‍යාගයක් 2019.06.23 දින ශ්‍රීලපාහ රෙජිමේන්තු අධිපති මේජර් ජෙනරාල් ජේආර් කුලතුංග ආර්එස්පි එන්ඩිසි පිඑස්සි ජ්‍යෙෂ්ඨ නිලධාරි තුමන්ගේ ප්‍රධානත්වයෙන්හා 24 සේනාංකයේ සේනාංකාධිපති වන මේජර් ජෙනරාල් එල්එම් මුදලිගේ ආර්ඩබ්ලිව්පි ආර්එස්පි එන්ඩියු ජ්‍යෙෂ්ඨ නිලධාරි තුමන්ගේ සහභාගිත්වයෙන් සිදු කරන ලදි.
25th June 2019 21:13:21 Hours
ශ්‍රී ලංකා පාබල හමුදා රෙජිමේන්තුවේ පස්වන සාමාජිකයා ලෙසින් 1987.08.15 මහනුවර පල්ලේකැලේහිදි බිහිවු 5 (සෙව්) ශ්‍රීලපාහ ඒකකය මේ වන විට වසර 32 ක දීර්ඝ ඉතිහාසයකට උරුමකම් කියනු ලබයි. ඉතා පෞඩ ඉතිහාසයකට උරුමකම් කියන මෙම බළඇණීයේ අතීත මතක සටහන් සහ තොරතුරු ඉතිහාස ගත කිරිම කාලින අවශ්‍යතාවයක්ව පැවතිනි. ඒ අනුව මෙම තොරතුරු ඇතුලත් බළඇණි ඉතිහාස ග්‍රන්ථය එළිදැක්විම වර්ෂ 2019 ක් වු ජුනි මස 21 වන දින මහනුවර කුණ්ඩසාලේ ශ්‍රී ලංකා ජාත්‍යන්තර බෞද්ධ විද්‍යාපීඨ ශ්‍රවනාගාරයේදි ප්‍රධාන ආරාධිත අමුත්තා වශයෙන් සහභාගිවු වත්මන් ශ්‍රීලපාහ රෙජිමේන්තු අධිපති මේජර් ජෙනරාල් ජේආර් කුලතුංග ආර්එස්පී එන්ඩීසී පීඑස්සී ජ්‍යෙෂ්ඨ නිලධාරි තුමන්ගේ ප්‍රධානත්වයෙන් සහ මේජර් ජෙනරාල් එච්එම්ජේකේ ගුණරත්න ඩබ්ලිව්ඩබ්ලිව්වී ආර්ඩබ්ලිව්පී ආර්එස්පී එන්ඩීසී පීඑස්සී, වත්මන් මධ්‍යස්ථාන සේනාවිධායක කර්නල් ඩීඒකේ දිසානායක ඩබ්ලිව්ඩබ්ලිව්වී ආර්ඩබ්ලිව්පී ආර්එස්පී ජ්‍යෙෂ්ඨ නිලධාරින්ගේ සහභාගිත්වයෙන් අති උත්කර්ෂවත් අන්දමින් සිදුකරන ලදී.
07th June 2019 10:51:42 Hours
ප්‍රෞඩ ඉතිහාසයකට හිමිකම් කියන ශ්‍රි ලංකා පාබල හමුදාවට අයත් නිලධාරීන් හා සෙසුනිලයින් වෙනුවෙන් සිදුකරනු ලබන සුභසාධක ව්‍යාපෘතින්ගෙන් තවත් එක් පැතිකඩක් වු දිවයිනෙහි විවිධ ප්‍රදේශවල ඉදිකරනු ලබන නිවාඩු නිකේතනයන්ට අමතරව අභිනවයෙන් එක් වු අංග සම්පුර්ණ සුවපහසු නිවාඩු නිකේතනය බොධිකන්ද ප්‍රදේශයේ හලංගොඩ වැව් ඉස්මත්තේ ස්වභාව සෞන්දර්යයෙන් අනුන භූමි භාගයක පාබල හමුදා රෙජිමේන්තු මධ්‍යස්ථානය පනාගොඩ පිහිටි පෞරාණික ගොඩනැගිලි වල දක්නට ලැබෙන ප්‍රෞඩත්වය මෙන්ම ගාම්බිරත්වය ඒ ආකාරයෙන්ම ආරක්‍ෂා කරගනිමින් ඉදිකර තිබිම සුවිශේෂි ලක්‍ෂණයකි.
08th May 2019 16:30:18 Hours
රෙජිමේන්තු මුලස්ථාන බලඇණිය බුස්ස කදවුරෙහි රණක්ෂිතයට පත් සෙනින් සදහා අංග සම්පුර්ණ සෙසුනිළ භෝජනාගාරයක අවශ්‍යතාවය පැවති අතර ශ්‍රි ලංකා පාබල හමුදා රෙජිමේන්තු අධිපති මේජර් ජෙනරාල් ජේආර් කුලතුංග ආර්එස්පී එන්ඩීසී පීඑස්සී ජ්‍යෙෂ්ඨ නිලධාරි රෙජිමේන්තු අධිපති වශයෙන් රාජකාරි භාර ගැනිමේන් අනතුරුව බුස්ස පිහිටි රෙජිමේන්තු මුලස්ථාන බළඇණියේ සිදුකරනු ලැබු නිරික්ෂණ චාරිකාවේදි පවතින සෙසුනිළ භෝජනාගාරය නවීකරණය කරන ලෙස ලබාදුන් උපදෙස් හා මගපෙන්විම අනුව
10th April 2019 18:32:51 Hours
සුර්යා මීන රාශියේ සිට මේෂ රාශිය දක්වා ගමන් කිරිමත් සමඟ පැතිරෙන කොවුල් නාදයත් සමගින් උදාවන සිංහල හා හින්දු අලුත් අවුරුද්ද මෙවරත් ශ්‍රී ලංකා පාබල හමුදා රෙජිමේන්තු මධ්‍යස්ථානයටද උදා විය. වර්ෂ 2019ක් වු බක් මස 09 වන දින පැවැත්වු පාබල හමුදා අවුරුදු උත්සවයේ ප්‍රධාන ආරාධිත අමුත්තන් ලෙසින් රෙජිමේන්තු අධිපති තුමන් වන මේජර් ජෙනරාල් ජේආර් කුලතුංග ආර්එස්පී එන්ඩීසී පීඑස්සී ජ්‍යෙෂ්ඨ නිලධාරි තුමන් හා තුෂාරි කුලතුංග මැතිණිය සහභාගි වන ලද අතර, මේජර් ජෙනරාල් එල්එම් මුදලිගේ ආර්ඩබ්ලිව්පී ආර්එස්පී එන්ඩීයු යන ජ්‍යෙෂ්ඨ නිලධාරි තුමන් හා මධ්‍යස්ථාන සේනාවිධායක විසින් ප්‍රධාන ආරාධිතයින් ඉතා ගෞරවයෙන් පිළිගන්නා ලදී.
07th April 2019 12:10:48 Hours
වසර 34 ක අඛණ්ඩ යුද හමුදා සේවයක් සපුරමින් යුද්ධ හමුදාවට නිවැරදි නායකත්වයක් ලබාදෙමින් අභිමානවත් සේවයක් නිමාකර යුද හමුදා සේවයෙන් විශ්‍රාම යන අභිත සෙන්පති, මේජර් ජෙනරාල් ඒඑල්එස්කේ පෙරේරා ආර්ඩබ්ලිව්පී ආර්එස්පී යුඑස්පී එන්ඩීයු ජ්‍යෙෂ්ඨ නිලධාරි තුමන් 2019.04.06 වන දින ශ්‍රී ලංකා පාබල හමුදා රෙජිමේන්තු මධ්‍යස්ථනායට පැමිණෙන ලදී. වර්ෂ 1964 අප්‍රේල් මස 07 දින හොරණ ප්‍රදේශයේ ගෞරවණීය පවුලක පුත්‍රයෙකු වශයෙන් අඹවල ලියනගේ සුදත් කළ්‍යාණප්‍රිය පෙරේරා හොරණ මහ රෝහලේදී උපත ලද අතර මෙම ජ්‍යෙෂ්ඨ නිලධාරි තම මූලික අධ්‍යාපනය පානදුර ශ්‍රී සුමංගල විද්‍යාලය වෙතින් හදාරා වර්ෂ 1985 ජුනි මස 10 දින කෙඩෙට් නිලධාරි යෙකු වශයෙන් ශ්‍රී ලංකා යුද්ධ හමුදාවට බැදි ඇති අතර තම මුලික යුධ සහ ශ්‍රාත්‍රිය අධ්‍යාපනය පාඨමාලා අංක 21 යටතේ ශ්‍රී ලංකා යුධ හමුදා විද්‍යාපීඨය වෙතින් හදාරා වර්ෂ 1986 පෙබරවාරි මස 09 දින 2/ලුතිතන් වරයෙකු ලෙස අධිකාරියට පත්ව 3 ශ්‍රීලපාහ ඒකකයට ඇතුලත් වන ලදී.
07th April 2019 11:05:02 Hours
වසර 34 ක අඛණ්ඩ යුද හමුදා සේවයක් සපුරමින් යුද්ධ හමුදාවට නිවැරදි නායකත්වයක් ලබාදෙමින් අභිමානවත් සේවයක් නිමාකර යුද හමුදා සේවයෙන් විශ්‍රාම යන අභිත සෙන්පති, මේජර් ජෙනරාල් ආර්ඒ නුගේරා ඩබ්ලිව්ඩබ්ලිව්වී ආර්ඩබ්ලිව්පී ආර්එස්පී යුඑස්පී එන්ඩීයු ජ්‍යෙෂ්ඨ නිලධාරි තුමන් 2019.04.05 වන දින ශ්‍රී ලංකා පාබල හමුදා රෙජිමේන්තු මධ්‍යස්ථනායට පැමිණෙන ලදී. වර්ෂ 1964 අප්‍රේල් මස 06 දින කොළඹ ප්‍රදේශයේ ගෞරවණීය පවුලක පුත්‍රයෙකු වශයෙන් රැල්ෆ් ඇන්තනි නුගේරා කළුබෝවිල මහ රෝහලේදී උපත ලද අතර, මෙම ජ්‍යෙෂ්ඨ නිලධාරි තම මූලික අධ්‍යාපනය කොළඹ ශාන්ත පීටර් විද්‍යාලය වෙතින් හදාරා වර්ෂ 1985 ජුනි මස 10 වන දින කෙඩෙට් නිලධාරි යෙකු වශයෙන් ශ්‍රී ලංකා යුද්ධ හමුදාවට බැදි ඇති අතර තම මුලික යුධ සහ ශ්‍රාත්‍රිය අධ්‍යාපනය පාඨමාලා අංක 21 යටතේ ශ්‍රී ලංකා යුධ හමුදා විද්‍යාපිටය වෙතින් හදාරා 1986 ජනවාරි මස 25 දින 2/ලුතිතන් වරයෙකු ලෙස අධිකාරියට පත්ව 3 ශ්‍රීලපාහ ඒකකයට ඇතුලත් වන ලදී.
05th April 2019 21:26:37 Hours
වර්ෂ 1945 දෙසැම්බර් මස 17 වන දින ශ්‍රීමත් ජෙනරාල් සර් ජෝන් කොතලාවල මැතිතුගේ නායකත්වයෙන් ආරම්භ කරන ලද ශ්‍රී ලංකා හමුදා සංගමය වර්තමානය වන විට ශ්‍රී ලංකා යුද්ධ හමුදාවේ ඉපැරණීම හමුදා සංගමය වන අතර, එහි 68 වන වාර්ෂික සමුලුව 2019 මාර්තු මස 30 දින රෙජිමේන්තු මධ්‍යස්ථානයෙහිදී විශ්‍රාමික නිලධාරින් ඇතුලු එහි සාමාජිකයන් විශාල පිරිසකගේ සහභාගීත්වයෙන් පවත්වන ලදී.
15th March 2019 20:23:37 Hours
ශ්‍රී ලංකා පාබල හමුදා රෙජිමේන්තු අධිපති මේජර් ජෙනරාල් ජේආර් කුලතුංග ආර්එස්පී එන්ඩීසී පීඑස්සී ජ්‍යෙෂ්ඨ නිලධාරි තුමන්ගේ පුර්ණ මගපෙන්විම අනුව හා බ්‍රිගේඩියර් ජිඑම්සිකේබී ඒකනායක ඩබ්ලිව්ඩබ්ලිව්වී ආර්ඩබ්ලිව්පි ආර්එස්පි පිඑස්සි ජ්‍යෙෂ්ඨ නිලධාරිගේ පූර්ණ අධික්ෂණය යටතෙහි ශ්‍රීලපාහ ඒකකයන් යටතේ රාජකාරි කරනු ලබන වෙඩිතැබීම් සහ චෙස් ක්‍රීඩාව සබැදිව සහජ දක්ෂතා ඇති ක්‍රිඩකයින් හට තම දක්ෂතා පිළිබිඹු කිරිමට අවස්ථාව ලබාදිම තුලින් රෙජිමේන්තු චෙස් සහ වෙඩිතැබීම් සංචිතය වෙත දක්ෂ ක්‍රීඩකයින් තෝරාගැනිමේ අරමුණින් 2019 වර්ෂයෙහි අන්තර් ඒකක සංග්‍රාමික වෙඩිතැබීමේ තරගාවලිය 2019 ජනවාරි මස 19 වන සිට ජනවාරි මස 29 වන දින දක්වා දියතලාව ක්ෂෙත්‍ර වෙඩිපිටියේදී සහ අන්තර් ඒකක චෙස් තරගාවලිය 2019 පෙබරවාරි මස 10 සහ 11 දෙදින පුරා ප්‍රගුණ හා සැගවුනු වෙඩික්කරු පුහුණු පාසල දියතලාවෙහිදී පවත්වන ලදි. විශේෂයෙන්ම මෙම චෙස් තරගාවලිය පාබල හමුදා ක්‍රීඩා ඉතිහාසයෙහි පවත්වන ලද ප්‍රථම චෙස් තරගාවලිය වූ අතර, පවත්වන ලද අන්තර් ඒකක වෙඩිතැබීමේ තරගාවලිය දස වසරකට පසු පවත්වන ලද ප්‍රථම තරගාවලිය වේ. මෙම තරගාවලි දෙකෙහිම ජයග්‍රහනයන් ලබාගත් ඒකක වෙත සහ විෂේශ කුසලතාවයන් ප්‍රදර්ශණය කරන ලද ක්‍රීඩකයින් වෙත කුසලාන, පදක්කම් සහ සහතිකපත් ප්‍රධානෝත්සවය 2019 මාර්තු මස 15 දින ශ්‍රී ලංකා පාබල හමුදා රෙජිමේන්තු මධ්‍යස්ථානයෙහි දි ඉතා උත්කර්ශවත් අයුරින් පවත්වන ලදි.
27th February 2019 22:01:28 Hours
ශ්‍රී ලංකා පාබල හමුදා රෙජිමේන්තු අධිපති මේජර් ජෙනරාල් ජේආර් කුලතුංග ආර්එස්පී එන්ඩීසී පීඑස්සී ජ්‍යෙෂ්ඨ නිලධාරි තුමන්ගේ පුර්ණ මගපෙන්විම අනුව හා ශ්‍රීලපාහ ක්‍රිකට් කමිටු සභාපති බ්‍රිගේඩියර් එම්පී ගුණසිංහ ආර්එස්පී ජ්‍යෙෂ්ඨ නිලධාරි තුමන්ගේ අධික්ෂණය යටතේ ශ්‍රීලපාහ ඒකකයන්හි සිටින ක්‍රිකට් ක්‍රිඩාව සදහා සහජ දක්ෂතා ඇති ක්‍රිඩකයින් හට තම දක්ෂතා පිළිබිඹු කිරිමට අවස්ථාව ලබාදිම තුලින් රෙජිමේන්තු ක්‍රිකට් සංචිතය වෙත දක්ෂ ක්‍රිඩකයින් තෝරාගැනිමේ අරමුණ පෙරදැරිව සංවිධානය කරන ලද ශ්‍රීලපාහ අන්තර් ඒකක සැහැල්ලු පන්දු ක්‍රිකට් තරගාවලිය, වර්ෂ 2019 ක් වු පෙබරවාරි මස 15 දින සිට 19 දින දක්වා රෙජිමේන්තු මධ්‍යස්ථාන රසල් හයින් ක්‍රීඩාංගනයේදි සාර්ථකව පවත්වන ලදී.
