03rd March 2020 00:32:48 Hours
දිර්ඝ ඉතිහාසයකට උරුමකම් හිමි ශ්‍රී ලංකා පාබල හමුදා සෙබලුන්ගේ සුභසාධනය වෙනුවෙන් ඉදිකරනු ලැබු මෙම තෙමහල් ගොඩනැගිල්ල අති දැවැන්තවු තවත් එක් සුභසාධන ව්‍යාපෘතියකි. පාබල මේලා වෙළඳ ප්‍රදර්ශණය හා සැණකෙලියෙන් උපයගන්නා ලද මුල්‍ය අරමුදලින් ගොඩනැංවීම ආරම්භකල මහල් තුනකින් සමන්විත මෙම ගොඩනැගිල්ලේ බිම් මහල සෙසුනිල භෝජනාගාරයකින් ද, පළමු මහල සෙසුනිලයින් වෙනුවෙන් විවෘත වන ජන අවන්හලක් හා රූපවාහිනි නැරඹුම් මැදිරියකින් ද, දෙවන මහල පුද්ගලයින්1000ක ප්‍රමාණයකට එකවර අසුන් ගතහැකි දේශන ශාලාවකින් ද සමන්විත ලෙස නිර්මාණය කර ඇත.
21st February 2020 00:36:14 Hours
මුලික අධ්‍යාපනය හැදෑරීම සදහා රත්නපුර හික්ගස්වත්ත ප්‍රාථමික විද්‍යාලයට ඇතුලත් වු මෙතුමන් වැඩිදුර අධ්‍යාපනය හැදෑරීම සදහා රත්නපුර ශීවලි මධ්‍ය මහා විද්‍යාලයට ඇතුලත්විය. විද්‍යාලයේ දීප්තිමත් ශිෂ්‍යයෙකු වූ මෙතුමන් දක්ෂ ක්‍රිකට් ක්‍රීඩකයෙකු ලෙස හා මලල ක්‍රීඩකයෙකු ලෙස කැපිපෙනෙන දක්ෂතා දක්වා ඇති අතර කළුකත් වසන්ත රත්නායක ද ආබ්‍රෙව් තරුණයා දේශයේ ස්වෛරීභාවය හා භෞමික අඛණ්ඩතාවය සුරැකීම වස් වර්ෂ 1986 අගෝස්තු මස 04 දින ශ්‍රී ලංකා යුද්ධ හමුදා නිත්‍ය බළසේනාවට ආධුනික කෙඩෙට් නිලධාරියෙකු වශයෙන් බැඳී, මූලික පුහුණුව ඉතා සාර්ථකව හැදෑරීමෙන් පසු වර්ෂ 1988 පෙබරවාරි මස 04 වන දින දෙවන ලුතිතන් වරයෙකු වශයෙන් අධිකාරියට පත්විමෙන් අනතුරුව ශ්‍රී ලංකා පාබල හමුදාවේ 1 වන බළඇණියට ඇතුළත් විය.
20th January 2020 19:09:41 Hours
ශ්‍රි ලංකා යුද්ධ හමුදාවේ පෞඩ ඉතිහාසයකට උරුමකම් කියන පැරණිතම රෙජිමේන්තුව වන ශ්‍රි ලංකා පාබල හමුදාවේ විශ්‍රාමික ජ්‍යෙෂ්ඨ නිළධාරින්ගේ සුහද හමුව අති උත්කර්ෂවත් අන්දමින් දෙවන වරටත් 2020 ජනවාරි මස 18 වන දින රෙජිමේන්තු මධ්‍යස්ථාන නිළධාරි නිවස්නයේදි පවත්වන ලදි.
31st December 2019 15:33:35 Hours
මාතෘ භූමියේ ස්වෛරිභාවය වෙනුවෙන් සිය ප්‍රාණදානය කැපකල අභිත පාබල විරුවන්ගේ පවුල්වල සුභසාධනය සදහාත් කායදානය කැප කල හා දැනට සේවයේ නියුතු පාබල හමුදා සාමාජිකයින්ගේ සුභ සාධන කටයුතු පුළුල් කිරිම සදහාත් අරමුදල් රැස් කිරිමේ උදාර අරමුණ පෙරදැරිව වත්මන් පාබල හමුදා රෙජිමේන්තු අධිපති මේජර් ජෙනරාල් එල්එම් මුදලිගේ ආර්ඩබ්ලිව්පි ආර්එස්පි එන්ඩියු ජ්‍යෙෂ්ඨ නිලධාරි තුමන්ගේ පුර්ණ මග පෙන්විම යටතේ සංවිධානය වු මෙම දැවැන්ත වෙළද ප්‍රදර්ශනය හා සැණකෙළිය දෙසැම්බර් මස 27 සහ 28 දෙදින පුරා හික්කඩුව මහජන ක්‍රිඩාංගනයේදි පැවැත්විය.
23rd November 2019 17:49:52 Hours
වර්ෂ 1965 ක් අප්‍රේල් මස 26 වන දින අනුරාධපුර මහරෝහලෙදි උපත ලද මංගල දේශප්‍රිය විජේසුන්දර අනුරාධපුර ශාන්ත ජොසප් විද්‍යාලයෙන් සිප්සතර හැදෑරූ දීප්තිමත් ශිෂ්‍යයෙකු වූ අතර එම පාසලේ ක්‍රිඩා කටයුතු වලදි කැපිපෙනෙන දක්ෂතා දක්වා ඇති අතර පොදු කටයුතු වලදි ද කැපිපෙනෙන දිප්තිමත් ශිෂ්‍යෙයකු වශයෙන් තම පාසැල් දිවිය සාර්තකව නිම කිරිමෙන් අනතුරු දේශයේ ස්වෛරීභාවය හා භෞමික අඛණ්ඩතාවය සුරැකීම වස්වර්ෂ 1986 මාර්තු මස 31 දින ශ්‍රීලංකා යුද්ධ හමුදා නිත්‍ය බළසේනාවට ආධුනික කෙඩෙට් නිලධාරියෙකු වශයෙන් බැඳී, මූලික පුහුණුව ඉතා සාර්ථකව හැදෑරීමෙන් පසු වර්ෂ 1987 මාර්තු මස 28 වන දින දෙවන ලුතිතන් වරයෙකු වශයෙන් අධිකාරියට පත්විමෙන් අනතුරුව ශ්‍රී ලංකා පාබල හමුදාවේ 3 වන බළඇණියට ඇතුළත් විය.
23rd November 2019 17:14:44 Hours
වර්ෂ 1965 ක් වු නොවැම්බර් මස 30 දින කළුතර මහරෝහලේදී උපත ලද කලුවන්ගේ ජයනාත් ජයවීර මුලික වශයෙන් කෑගල්ල මහා විද්‍යාලයෙන් සිප්සතර හැදෑරූ දීප්තිමත් ශිෂ්‍යයෙකු වූ අතර එම පාසලේ ක්‍රිඩා කටයුතු වලදි කැපිපෙනෙන දක්ෂතා දක්වා ඇති අතර පොදු කටයුතු වලදි ද කැපිපෙනෙන දිප්තිමත් ශිෂ්‍යෙයකු වශයෙන් තම පාසැල් දිවිය සාර්ථකව නිම කිරිමෙන් අනතුරුව දේශයේ ස්වෛරීභාවය හා භෞමික අඛණ්ඩතාවය සුරැකීම වස් වර්ෂ 1986 මාර්තු මස 31 දින ශ්‍රී ලංකා යුද්ධ හමුදා නිත්‍ය බළසේනාවට ආධුනික කෙඩෙට් නිලධාරියෙකු වශයෙන් බැඳී, මූලික පුහුණුව ඉතා සාර්ථකව හැදෑරීමෙන් පසු වර්ෂ 1987 පෙබරවාරි මස 21 වන දින දෙවන ලුතිතන් වරයෙකු වශයෙන් අධිකාරියට පත්විමෙන් අනතුරුව ශ්‍රී ලංකා පාබල හමුදාවේ 3 වන බළඇණියට ඇතුළත් විය.
23rd November 2019 16:30:02 Hours
ශ්‍රී ලංකා යුද්ධ හමුදා මුලස්ථානයේ උපදෙස් අනුව නිලධාරින්ගේ පුද්ගලික හැකියාවන්, දැනුම හා නායකත්ව ගුණාංග වර්ධනය කිරිම සදහා රෙජිමේන්තු මට්ටමින් ක්‍රියාත්මක කරනු ලබන නිලධාරි පුහුණු සැලැස්ම යටතේ, ශ්‍රී ලංකා පාබල හමුදා රෙජිමේන්තුවට අයත් නිලධාරින් වෙනුවෙන් 2019 වර්ෂය සදහා පවත්වනු ලබන මෙම වසරේ අවසන් පුහුණු දින වැඩ සටහන ශ්‍රිලපාහ රෙජිමේන්තු අධිපති මේජර් ජෙනරාල් එල්එම් මුදලිගේ ආර්ඩබ්ලිව්පි ආර්එස්පි එන්ඩියු ජ්‍යෙෂ්ඨ නිලධාරිගේ පුර්ණ මාර්ගෝපදේශණයෙන් සහ සහභාගිත්වයෙන් වර්ෂ 2019 ක්වු නොවැම්බර් මස 22 වන දින රෙජිමේන්තු මධ්‍යස්ථාන පරිශ්‍රය - පනාගොඩ හීදි ඉතා සාර්ථකව පවත්වනු ලැබීය.
17th November 2019 08:44:50 Hours
ශ්‍රි ලංකා යුද්ධ හමුදාවට වසර 70 ක් සපිරෙන වකවානුවක මෑත ඉතිහාසය තුල නව පරිච්ඡේදයක් ඇති කරමින් ශ්‍රි ජයවර්ධනපුර ඉදිකරන ලද නව යුද්ධ හමුදා මූලස්ථාන පරිශ්‍රය තුල ස්ථාපිත වීම සනිටුහන් කරමින් සංවිධානය කරනු ලබන තුන් ප්‍රයාමය, පාපැදි සවාරිය, පා ගමන හා සමනල කදු තරණය කිරීමේ වැඩසටහනක් වත්මන් යුද්ධ හමුදාධිපති තුමන් වන ලුතිතන් ජෙනරල් එල්එච්එස්සි සිල්වා ඩබ්ලිව්ඩබ්ලිව්වි ආර්ඩබ්ලිවිපි ආර්එස්පි විඑස්වි යුඑස්පි එන්ඩිසි පිඑස්සි ජ්‍යෙෂ්ඨ නිළධාරි තුමන්ගේ මග පෙන්වීම යටතේ, ආසේමු (බටහිර) ආඥාපති තුමන් හා ශ්‍රී ලංකා පාබල හමුදාවේ රෙජිමේන්තු අධිපති තුමන් වන මේජර් ජෙනරාල් එල්එම් මුදලිගේ ආර්ඩබ්ලිව්පි ආර්එස්පි එන්ඩිසි ජ්‍යෙෂ්ඨ නිළධාරි තුමන්ගේ අධීක්‍ෂණය යටතේ සහ 53 වන සේනාංකයේ සේනාංකාධිපති තුමන් වන මේජර් ජෙනරල් පිජේ ගමගේ ආර්ඩබ්ලිව්පි ආර්එස්පි යුඑස්පි එන්ඩියු ජ්‍යෙෂ්ඨ නිළධාරි තුමන්ගේ සංකල්පයක් මත එමෙන්ම ශ්‍රි ලංකා පාබල හමුදාවේ නියොජ්‍ය සේනාවිධායක තුමා වන ලුතිතන් කර්නල් ජේකේආර්පි ජයසිංහ ආර්ඩබ්ලිව්පි ආර්එස්පි යුඑස්පි ශ්‍රීලපාහ, 4 වන ශ්‍රි ලංකා පාබල හමුදාවේ වත්මන් අණදෙන නිළධාරි මේජර් අයිආර් හේවාපතිරන ආර්එස්පි පිඑස්සි ශ්‍රිලපාහ ජ්‍යෙෂ්ඨ නිළධාරි තුමන්ලාගේ පුරෝගාමි දායකත්වයෙන් 2019.11.09 වන දින සිට 11 වන දින දක්වා අධියර 03 ක් යටතේ පවත්වන ලදි.
04th November 2019 10:32:43 Hours
ශ්‍රී ලංකා පාබල හමුදා රෙජිමේන්තු අධිපති මේජර් ජෙනරාල් එල්එම් මුදලිගේ ආර්ඩබ්ලිව්පී ආර්එස්පී එන්ඩීයු ජ්‍යේෂ්ඨ නිලධාරි තුමන් 2019 නොවැම්බර් මස 02 දින 6 වන බළඇණිය ශ්‍රී ලංකා පාබල හමුදා කදවුරෙහි සංචාරයක නියැලෙන ලද අතර 6 ශ්‍රීලපාහ අණදෙන නිලධාරි මේජර් එම්ඒඒපී පෙරේරා ආර්ඩබ්ලිව්පී ආර්එස්පී පිඑස්සී ශ්‍රීලපාහ විසින් රෙජිමේන්තු අධිපති තුමා ඉතා උණුසුම් අන්දමින් පිලිගන්නා ලදී. පසුව අණදෙන නිලධාරි තුමන් විසින් ඒකකයේ වත්මන් තත්වය, ඒකකයේ අනාගත අභිලාෂයන් පිලිබද මනා හැදින්වීමක් රෙජිමේන්තු අධිපති තුමා වෙත ඉදිරිපත් කරන ලදි.
29th October 2019 20:22:51 Hours
ශ්‍රි ලංකා ක්‍රිඩා ක්ෂෙත්‍රයේ ජාතික මට්ටමේ මෙන්ම ජාත්‍යන්තර මට්ටමේ විවිධ ක්‍රිඩා ඉසව් නියෝජනය කරමින් තම මව්බිම වෙනුවෙන් යුද්ධ හමුදාව ඉටු කරනු ලබන්නේ ඉතා විශිෂ්ඨ සේවයක් බැව් අවිවාදිතය.ඒ අතරින් ශ්‍රි ලංකා පාබල හමුදාව හට අතීතයේ සිට ලැබි ඇත්තේ ප්‍රමුඛත්වයකි.මේ සදහා ශ්‍රි ලංකා පාබල හමුදා ක්‍රිඩා සංචිතය සදහා දක්ෂ ක්‍රිඩකයින් සොයා ගැනිමේ අදිටනින් අන්තර් ඒකක මලළ ක්‍රිඩා තරගාවලි මෙන්ම සාමුහික ක්‍රිඩා තරගාවලිද මෙම රෙජිමේන්තුව විසින් සංවිධානය කරනු ලැබේ.
