27th October 2020 20:08:51 Hours
ආරක්ෂක සේනා මුලස්ථානය මධ්‍යම බළප්‍රදේශයේ පිහිටි දුෂ්කර ගම්මානයක් වන බදුල්ල, හල්දුම්මුල්ල, කුමාරතැන්න ග්‍රාමයෙන් 2020.09.25 වන දින “ජනපති ගම සමඟ පිළිසඳර” වැඩසටහන ආරම්භ විය. එහිදී අතිගරු ජනාධිපතිතුමන් විසින් එම ගම්මානය කඩිනමින් සංවර්ධනය කිරීමට ජනතාව වෙත පොරොන්දු වු අතර වන අලින් ගම් වැදීම හේතුවෙන් හානියට පත් නිවසක් වෙනුවට යුද්ධ හමුදා ශ්‍රමදායකත්වයෙන් නව නිවසක් ඉදිකරීම සඳහා උපදෙස් ලබා දෙන ලදි.
19th October 2020 09:05:29 Hours
අතිගරු ජනාධිපති තුමන්ගේ සංකල්පයක් මත යුද්ධ හමුදාධිපති තුමන්ගේ උපදෙස් අනුව ආරක්ෂක සේනා මුලස්ථානය (මධ්‍යම) ආඥාපති තුමන්ගේ මඟපෙන්වීම යටතේ මෙම මූල බලප්‍රදේශයේ පිහිටා ඇති දුෂ්කර ගම්මාන කිහිපයක ගොවීන් පිරිසක් වෙත 2020.10.18 වන දින “තුරු මිතුරු නව රටක්” යන සංකල්පය යටතේ බීජ හා කෘෂි උපකරණ බෙදාදීමේ වැඩ සටහනක් පවත්වන ලදි.
11th October 2020 12:06:41 Hours
71 වන යුද්ධ හමුදා සංවත්සර සැමරුමට සමගාමීව ආරක්ෂක සේනා මූලස්ථානය (මධ්‍යම) ආඥාපති මේජර් ජෙනරාල් ඩබ්ලිව් ඩී සී කේ කොස්තා ආර්එස්පි යුඑස්පි යන ජ්‍යෙෂ්ඨ නිලධාරි තුමන් සහ ජ්‍යෙෂ්ඨ නිලධාරින්/නිලධාරින් මෙන්ම සෙසු නිලයින්ගේ සහභාගිත්වයෙන් උදෑසන යුද්ධ හමුදා ධජය ඔසවා යුද්ධ හමුදා ගීය වාදනයෙන් පසු දවසේ වැඩ ආරම්භ කරන ලදි.
08th October 2020 21:38:51 Hours
ආරක්ෂක සේනා මූලස්ථානය මධ්‍යම භට පිරිස් විසින් සකස් කල අර්තාපල් වගා බිමෙහි 2020 ඔක්තොබර් මස 08 වන දින උදෑසන අස්වනු නෙලීමේ කටයුතු ආර්ම්භ කරන ලදි.
04th October 2020 22:35:39 Hours
ආරක්ෂක සේනා මුලස්ථානය මධ්‍යම බළප්‍රදේශයේ පිහිටා දුෂ්කර ගම්මානයක් වන බදුල්ල, හල්දුම්මුල්ල, කුමාරතැන්න ග්‍රාමයෙන් 2020.09.25 වන දින “ජනපති ගම සමඟ පිළිසඳර” වැඩසටහන ආරම්භ විය. එහිදී අතිගරු ජනාධිපතිතුමන් විසින් එම ගම්මානය කඩිනමින් සංවර්ධනය කිරීමට ජනතාව වෙත පොරොන්දු වු අතර එහි ප්‍රථම අධියර ගම්මානයේ දිගුකාලීන අවශ්‍යතාවයක් වු කුමාරතැන්න විද්‍යාලය සංවර්ධනය කිරීම කෙරෙහි අවධානය යොමු කරමින් පාසලේ ගොඩනැඟිල්ලක් ඉදිකරීම සඳහා යුද්ධ හමුදාව වෙත උපදෙස් ලබා දෙන ලදි.
04th October 2020 22:29:00 Hours
ආරක්ෂක සේනා මූලස්ථානය මධ්‍යම ආඥාපති මේජර් ජෙනරාල් ඩබ්ලිව් ඩී සී කේ කොස්තා ආර්එස්පී යූඑස්පී යන ජ්‍යෙෂ්ඨ නිලධාරි තුමන්ගේ උපදෙස් පරිදි මෙම මුල බල ප්‍රදේශය තුල පිහිටි බණ්ඩාරවෙල,දියතලාව,හපුතලේ,වැලිමඩ ආශ්‍රිත ප්‍රදේශයන්හී පාපන්දු ක්‍රීඩාවේ නිරත වන ක්‍රීඩකයන් සහිත ක්‍රීඩා සමාජ වෙත ටැක්ග් බෝල් ක්‍රීඩාව හදුන්වා දීමේ වැඩසටහනක් 2020.10.03 වන දින උදෑසන 0800පැයේ සිට 1200 පැය දක්වා බණ්ඩාරවෙල ශාන්ත ජෝශප් ජාතික පාසල් ක්‍රීඩා පිටියේදී පවත්වන ලදි.
04th October 2020 22:23:24 Hours
“සෞභාග්‍යයේ දැක්ම” සංකල්පයට අනුව රාජ්‍ය අංශයට බඳවාගත් උපාධිධාරීන් 50000 ක් වෙනුවෙන් යුද්ධ හමුදාව විසින් දියත් කරනු ලබන පුහුණු වැඩසටහනේ අවසානය සනිටුහන් කරම්න් උපාධිධාරින් විසින් ආරක්ෂක සේනා මූලස්ථානය මධ්‍යම ආඥාපති මේජර් ජෙනරාල් ඩබ්ලිව් ඩී සී කේ කොස්තා ආර්එස්පී යූඑස්පී යන ජ්‍යෙෂ්ඨ නිලධාරි තුමන්හට අවසන් වැඩසටහන සඳහා ආරාධනය කරමින් ආරාධනාපත්‍ර ලබාදුන් අතර ආඥාපති තුමන්ගේ සහභාගීත්වයෙන් වැඩමුළුවේ අවසන් දේශනය හා සහතිකපත් බෙදාදීමේ උත්සවය 2020.10.03 වන දින මෙම මූලය යටතේ පාලනය වන පුහුණු පාසල් හී දි පවත්වන ලදි.
04th October 2020 21:14:24 Hours
71 වන සංවත්සරයට සමගාමීව සියලුම යුද්ධ හමුදා ධජයන්ට සෙත් පැතීමේ ආගමික උත්සවයක් ආරක්ෂක මාණ්ඩලික ප්‍රධානි සහ යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා ගේ ප්‍රධානත්වයෙන් සැප්තැම්බර් 28 දින උදෑසන මහනුවර ශ්‍රී දළදා මාලිගාවේදී පවත්වන ලදී. මෙම ආගමික උත්සවයේ පළමු අදියර වශයෙන් ‘මුලුතැන්’ සහ ‘ගිලන්පස’ පූජාවක් ද පැවැති අතර එහිදී පැවති සියළු සාම්ප්‍රදායික චාරිත්‍රයන් අවසානයේ යුද්ධ හමුදා ජ්‍යෙෂ්ඨ නිලධාරින් අභියස යුද්ධ හමුදාධිපතිතුමන් විසින් කරන ලද මූල්‍යමය පරිත්‍යාගය පිළිගත් දියවඩන නිලමේතුමන් විසින් 71 වන යුද්ධ හමුදා සංවත්සරය වෙනුවෙන් සිය සුභාෂිංශනයන් එක් කළේය.
04th October 2020 21:02:47 Hours
ඔක්තෝම්බර් මස 10 වන දිනට යෙදි තිබෙන 71 වන යුද්ධ හමුදා සංවත්සර සැමරුමට සමගාමීව සියලු යුද්ධ හමුදා ධජයන්ට සෙත්පතමින් සිදුකරනු ලැබූ දෙවැනි ආගමික උත්සවය යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා ගේ ප්‍රධානත්වයෙන් ඓතිහාසික අනුරාධපුර ජය ශ්‍රී මහා බෝ සමිදුන් අභියසදී සැප්තැම්බර් 30 දින උදෑසන පැවැත්විණි. යුද්ධ හමුදා මූලස්ථානය, ස්වේච්ඡා බලසේනා මූලස්ථානය, සියලු ආරක්ෂක සේනා මූලස්ථාන, සියලු ඉදිරි නඩත්තු පෙදෙස් මූලස්ථාන, සේනාංක, බලසේනා, රෙජිමේන්තු, ඒකක සහ යුද්ධ හමුදා පුහුණු පාසල් නියෝජනය කරමින් ධජ රැගත් යුද්ධ හමුදා සෙබළුන් සියගණනක් ජය ශ්‍රී මහා බෝධියේ පහල වැලි මළුව වටා තෙවරක් සක්මන් කොට මැද මළුවේදී එම ධජයන් ජ්‍යෙෂ්ඨ නිලධාරීන් වෙත භාරදුන්හ. සම්ප්‍රදායික ‘හේවිසි’ හා ‘මගුල් බෙර’ හඬ මධ්‍යයේ යුද්ධ හමුදාධිපතිතුමන් හා ජ්‍යෙෂ්ඨ නිලධාරින් බැතිබරව යුද්ධ හමුදා ධජයන් ජය ශ්‍රී මහා බෝ සමිදුන් වටා තැන්පත් කිරීමෙන් අනතුරුව ගරුතර මහා සංඝරත්නය සෙත් පිරිත් සජ්ඣායනා කොට සියළු යුද්ධ හමුදා ධජයන්ට ආශිර්වාද එක් කළහ.
21st September 2020 15:58:05 Hours
සිරස ගුවන් විදුලි නාලිකාවේ 25 වන සංවත්සරයට සමගාමීව “සිරස නිවස” වැඩසටහන යටතේ ආරක්ෂක සේනා මුලස්ථානය මධ්‍යම බළප්‍රදේශයේ පිහිටා ඇති පැරකුම්පුර ඇතිමලේ ප්‍රදේශයේ තෝරාගන්නා ලද දිලිඳු පවුලක් වන ආර් ඩී නන්දරත්න මහතා හට 18 ගැමුණු හේවා බළකා භඨපිරිස් ශ්‍රමධායකත්වය ලබා දි ඉකල නිවස 2020.09.15 වන දින සුභ මොහොතින් නිවාසලාභී පවුලේ අයිතියට පත් කරන ලදි.
