12th August 2021 17:24:35 Hours
ආරක්ෂක සේනා (මධ්‍යම) නව ආඥාපති ලෙස අභිනවයෙන් රාජකාරි කටයුතු ආරම්භ කල මේජර් ජෙනරාල් එච් එල් වී එම් ලියනගේ ආර්ඩබ්ලිව්පී ආර්එස්පී එන්ඩීයු යන ජ්‍යෙෂ්ඨ නිලධාරි තුමන් 2021.08.09,10 සහ 11 තෙදින තුල කිරිවෙහෙර හා කතරගම දේවාලය වැඳපුදා ගනිමින් 12 පාබල සේමු, 121 පාබල බසේමු, 122 පාබල බසේමු සහ ඒ යටතේ ඇති ඒකකයන් වෙත නිරික්‍ෂණ සංචාරයක නිරත වන ලදි.
ආඥාපති තුමන් ඓතිහාසික කිරිවෙහෙර හා කතරගම දේවාලය වැඳපුඳාගෙන ආශිර්වාද ලබාගත් අතර, ආරක්ෂක සේනා මූලස්ථානය (මධ්‍යම) යටතේ ඇති 12 වන පාබල සේනාංක මූලස්ථානය, 121 පාබල බලසේනා මුලස්ථානය, 122 බසේමු, 23 ගජබා රෙජිමේන්තුව, 3 වන ජාතික ආරක්ෂක බලමුළුව, 20 ශ්‍රි ලංකා සිංහ රෙජිමේන්තුව, 18 ගැමුණු හේවා රෙජිමේන්තුව යන ස්ථානයන්හී නිරීක්‍ෂණ සංචාරයේ නිරත වන ලදි.
මෙම අවස්ථාව සඳහා 12 වන පාබල සේනාංක මූලස්ථානයේ සේනාංකාධිපති මේජර් ජෙනරාල් ආර් ඒ ඩී පී රණවක ආර්ඩබ්පී ආර්එස්පී යූඑස්පී එන්ඩීයූ යන ජ්‍යෙෂ්ඨ නිලධාරි තුමන්, 121 පාබල බලසේනා මුලස්ථානයේ බලසේනාධිපති බ්රිගේඩියර් ඩී යූ එන් සේරසිංහ ආර්ඩබ්පී ආර්එස්පී ජ්‍යෙෂ්ඨ නිලධාරි, 122 පාබල බලසේනා මුලස්ථානයේ බලසේනාධිපති බ්රිගේඩියර් ජෙ එස් බී ඩබ්ලිව් පල්ලේකුඹුර ආර්ඩබ්ලිව්පි ආර්එස්පි පිඑස්සි යන ජ්‍යෙෂ්ඨ නිලධාරි මෙන්ම, ඒකක අණදෙන නිලධාරීන් හා අනෙකුත් නිලධාරීන් පිරිසක්ද සහභාගිවන ලදි.
