01st February 2025 19:37:02 Hours
57 වන පාබල සේනාංකයේ කර්නල් ප්‍රමානි ලෙස කර්නල් ඒඩබ්ලිව්වීඩී අබේසිංහ ආර්එස්පී යූඑස්පී අයිජී ජ්‍යෙෂ්ඨ නිලධාරි තුමන් 2025 ජනවාරි 21 වන දින උතුම් ත්‍රිවිධ රත්නයේ ආශිර්වාදය ඇතිව සුභ මොහොතකින් රාජකාරි භාර ගන්නා ලදී.
01st February 2025 19:27:16 Hours
613 පාබල බලසේනාවේ අණදෙන නිලධාරියාගේ මඟ පෙන්වීම සහ ශ්‍රී ලංකා සිංහ රෙජිමේන්තුවේ 9 වන බලඇණියේ වැඩබලන අණදෙන නිලධාරීගේ අධීක්ෂණය යටතේ, නායකත්ව පුහුණු වැඩමුළුවක් 2025 ජනවාරි 23 වන දින සාර්ථකව පවත්වන ලදී. රුහුණු විශ්ව විද්‍යාලයේ තාක්ෂණ පීඨයේ සිසුන් 271 දෙනෙකු සඳහා වූ නැඹුරුවීමේ වැඩසටහනේ කොටසක් ලෙස පවත්වන ලද මෙම උත්සවය කඹුරුපිටිය විශ්ව විද්‍යාල පරිශ්‍රයේදී පැවැත්විණි.
01st February 2025 19:15:04 Hours
බ්‍රිගේඩියර් එම් ජේ උබේසේකර, ආර්එස්පී පීඑස්සී,ජෙෂ්ඨ නිලධාරි 142 පාබල බලසේනාවේ 37 වන බලසේනාධිපති ලෙස 2025 ජනවාරි 17 වන දින ආගමික ආශිර්වාද මධ්‍යයේ බලසේනාධිපති නිල වශයෙන් රාජකාරි ආරම්භ කරන ලදී.
01st February 2025 18:59:02 Hours
61 වන පාබල සේනාංකයේ සේනාංකාධිපති මේජර් ජෙනරාල් කේ.ටී.පී. ද සිල්වා ආර්.එස්.පී. එන්.ඩී.යූ.එස්.සී. ගේ දූරදර්ශී නායකත්වය යටතේ, ජංගම දුරකථන භාවිතා කරමින් ඡායාරූපකරණය පිළිබඳ තෙදින වැඩමුළුවක් 2025 ජනවාරි 21 සිට 23 දක්වා 61 වන පාබල සේනාංක මූලස්ථානයේදී සාර්ථකව පවත්වන ලදී. මෙම වැඩමුළුවේ අරමුණ වූයේ හමුදා නිලධාරීන්ගේ අසමසම ක්‍රියාකාරකම් ඉස්මතු කිරීම සඳහා මාධ්‍යයක් ලෙස ඡායාරූපකරණය ප්‍රවර්ධනය කිරීම සහ සහභාගිවන්නන් අතර නිර්මාණශීලිත්වය, ස්වයං ප්‍රකාශනය සහ කුසලතා සංවර්ධනය පෝෂණය කිරීමයි.
01st February 2025 18:52:40 Hours
2025 ජනවාරි 22 වන දින 14 වන බලඇණියේ විජයබාහු පාබල රෙජිමේන්තු දේශන ශාලාවේදී භයානක මත්ද්‍රව්‍ය වැළැක්වීම පිළිබඳ දැනුවත් කිරීමේ වැඩමුළුවක් පවත්වන ලදී. පුනරුත්ථාපන කාර්යාංශයේ කොළඹ දිස්ත්‍රික් 1 වන සේනාංකයේ ජ්‍යෙෂ්ඨ පුනරුත්ථාපන නිලධාරී ලුතිනන් ක ර් න ල් ඩබ්ලිව් ඒ එන් ඩී ජයසුන්දර මහතා සහ අන්තරායකර මත්ද්‍රව්‍ය පාලනය සඳහා වූ ජාතික මණ්ඩලයේ දුල්ෂානි තාරක මහානාම මහත්මිය සහ දිල්හාරා වරාගොඩ මහත්මිය සමඟ සැසිය මෙහෙයවන ලදී.
17th January 2025 12:11:27 Hours
රජයේ සංකල්පයක් යටතේ ආරම්භ කරන ලද “Clean Sri Lanka” වැඩසටහනේ කොටසක් වශයෙන්, 2025 ජනවාරි මස 16 වන දින 0730 සිට 1130 දක්වා මාතර, දෙවිනුවර සහ දික්වැල්ල ප්‍රාදේශීය ලේකම් කාර්යාලවල වෙරළ පිරිසිදු කිරීමේ ව්‍යාපාරයක් “පොහොසත් රටක් ලස්සන ජිවිතයක්” යන තේමාව යටතේ පවත්වන ලදී.
මෙම වැඩසටහන කර්මාන්ත හා ව්‍යවසායකත්ව සංවර්ධන අමාත්‍ය සුනිල් හඳුන්නෙත්ති මහතාගේ ප්‍රධානත්වයෙන්, කාන්තා හා ළමා කටයුතු අමාත්‍ය සරෝජා සවිත්‍රි පෝල්රාජ් මහත්මිය, පාර්ලිමේන්තු මන්ත්‍රී අජන්තා ගම්මැද්දගේ මහත්මිය, මාතර දිස්ත්‍රික් ලේකම් ගනේෂ අමරසිංහ මහතා සහ අනෙකුත් රජයේ නිලධාරීන්ගේ සහභාගීත්වයෙන් පැවැත්විණි.
14th January 2025 11:44:26 Hours
ර‍ජය විසින් ආරම්භකරන ලද, ‘ක්ලීන් ශ්‍රී ලංකා’ වැඩසටහනට සමගාමීව වෘත්තීය අධ්‍යාපන නියෝජ්‍ය අමාත්‍ය සහ ගාල්ල දිස්ත්‍රික් පාර්ලිමේන්තු මන්ත්‍රී නලින් හේවගේ මහතාගේ ප්‍රධානත්වයෙන් ""පොහොසත් රටක්, ලස්සන ජීවිතයක්” යන තේමාව යටතේ බෙන්තොට සිට ගොවියාපාන ප්‍රදේශය දක්වා වෙරළ තීරය ආවරණය වන පරිදි වෙරළ පිරිසිදු කිරීමේ වැඩසටහනක් 2025 ජනවාරි මස 12 දින ගාල්ලේදී පවත්වන ලදී.
14th January 2025 11:35:41 Hours
අතිගරු ජනාධිපතිතුමාගේ දැක්ම යටතේ ආරම්භ කරන ලද ‘ක්ලීන් ශ්‍රී ලංකා’ වැඩසටහනට සමගාමීව බත්තරමුල්ල ඩෙන්සිල් කොබ්බෑකඩුව මාර්ගය දෙපස කසළ ඉවත් කිරීමේ සහ පිරිසිදු කිරීමේ වැඩසටහනක් 144 පාබල බළසේනාව විසින් ක්‍රියාත්මක කරන ලදී.
14th January 2025 11:13:46 Hours
2025 ජනවාරි මස 08 වන දිනට යෙදී ඇති බදාදා පුහුණුවීම් දිනයට සමගාමීව 4 ශ්‍රී ලංකා කාලතුවක්කු හමුදා දේශන ශාලාවේදී ‘බෝවන රෝග වලින් ආරක්‍ෂා වීම හා දැනුවත් වීම’ යන මාතෘකාව යටතේ දේශනයක් පවත්වන ලදී.
14th January 2025 10:50:48 Hours
61 වන පාබල සේනාංකයේ සේනාංකාධිපති මේජර් ජෙනරාල් කේ ටී පී ද සිල්වා ආර්එස්පී එන්ඩියු පීඑස්සී, සහ 61 සේනාංකයේ ජ්‍යෙෂ්ඨ නිලධාරීන් සමඟ 2025.01.06 වන දින 573 පාබල සේනාංකයේ නිරීක්ෂණ චාරිකාවක නිරත විය.
