සේවා වනිතා

V වන අධියර යටතේ රණසේවාඅම විසින් ඉදිකරනු ලබන නව නිවාස ව්‍යාපෘතිය සඳහා මෙම රෙජිම වෙතින් පහත නම් සඳහන් අයවලුන් තෝරා පත්කරගෙන ඇති අතර, එක් නිවසක් ඉදිකිරීම වෙනුවෙන් වැයවන සම්පූර්ණ මුදල රු: 1,500,000.00 ක් බැවින් රණසේවා අම වෙතින් රු: 1,200,000.00 ක්ද ශ්‍රීලපාහ රෙජිමේන්තුව වෙතින් රු: 300,000.00 ක්ද (නිවාස 04 සදහා රු: 1,200,000.00 ක්) ලබාදෙන ලෙස උපදෙස් ලබාදී ඇති අතර, එම මුදලින් රු: 600,000.00 ක මුදලක් රෙආස රෙම ශ්‍රීලපාහ වෙතින් සහ ඉතිරි රු: 600,000.00 ක මුදල සේවා වනිතා ශාඛාව වෙතින් ලබාදීම සඳහා ශ්‍රීලපාහ සේවා වනිතා ශාඛාවේ ගරු සභාපති තුමිය විසින් උපදෙස් ලබාදීමෙන් පසු අදාල නිවාස ලාභින් 04 දෙනා හට (එක් අයෙකුට 150,000.00 ක් බැගින්) රු: 600,000.00 ක මුදලට අදාල ප්‍රේෂණපත් 2020.08.20 වන දින 0930 පැයට ශ්‍රීලපාහ රෙජිමේන්තු මධ්‍යස්ථානයේදි ගරු සභාපතිතුමිය වන අනුජා ජයවීර මහත්මියගේ සුරතින් පරිත්‍යාග කරන ලදි. තවද, එම අවස්ථාව සඳහා රෙම ශ්‍රීලපාහ නියෝජ්‍ය සේනාවිධායක කර්නල් ජේකේආර්පි ජයසිංහ ආර්ඩබ්ලිව්පි ආර්එස්පි යුඑස්පි යන ජ්‍යෙෂ්ඨ නිලධාරී සහ සේවා වනිතා ශාඛාවේ සම්බන්ධිකරණ නිලධාරී ඇතුළු සෙසු සාමාජිකයින් පිරිසක්ද සහභාගී වන ලදි.

ශ්‍රීලපාහ සේවා වනිතා ශාඛාවේ ගරු සභාපති තුමිය වන අනුජා ජයවීර මහත්මියගේ උපදෙස් හා මගපෙන්විම යටතේ රෙම ශ්‍රීලපාහට අයත් ජ්‍යෙෂ්ඨ නිලධාරි/ නිලධාරි සහ සෙසුනිලයින්ගේ බිරින්දෑවරුන් 130 දෙනෙකු වෙනුවෙන් කොළඹ ජාතික රෝහලේ පියයුරු පිළිකා පිළිබද විශේෂඥ ශල්‍ය වෛද්‍ය සංජීව අනුරුද්ධ සෙනවිරත්න මහතා විසින් කාලීන වෛද්‍ය වැඩමුළුවක් 2020.08.10 වන දින 0900 පැයට රෙම ශ්‍රීලපාහ කොනොනි සමාජ ශාලාවේදි පවත්වන ලදී. එම අවස්ථාව සදහා ශ්‍රීලපාහ සේවා වනිතා ශාඛාවේ ගරු සභාපති තුමිය, ගරු උප සභාපති තුමිය වන සුජිවා ශ්‍රීමති ආබෘෘ මහත්මිය ඇතුළු ජ්‍යෙෂ්ඨ සාමාජිකාවන් සහ සාමාජිකාවන් පිරිසක් සහභාගි වන ලදී.

ශ්‍රී ලංකා පාබල හමුදා සේවාවනිතා ශඛාවේ වත්මන් ගරු සභාපති තුමිය වන චායා ගුණරත්න මැතිණියගේ උපදෙස් හා මගපෙන්වීම් යටතේ රෙම ශ්‍රීලපාහ සේවාවනිතා ශාඛාවේ හිටපු ගරු සභාපති තුමිය වන ක්‍රිෂානි මුදලිගේ මැතිණිය සහ ජ්‍යෙෂ්ඨ සාමාජිකාවන් වන ක්‍රිෂාන්ති වඩුගොඩපිටිය මැතිණිය සහ දීපිකා අබේරත්න මැතිණිය සමු ගැනීම වෙනුවෙන් 2020.07.19 වන දින 1100 පැයට රෙම ශ්‍රීලපාහ නිලධාරී නිවස්නයේදී සමුගැනීමේ සාදයක් පවත්වන ලදී. එම අවස්ථාව සදහා ශ්‍රීලපාහ සේවාවනිතා ශාඛාවේ වත්මන් සභාපති තුමිය සහ ගරු උපසභාපති තුමිය වන අනුජා ජයවීර මහත්මිය ඇතුලු ජ්‍යෙෂ්ඨ සාමාජිකාවන් පිරිසක් සහභාගී වන ලදී. තවද පාබල හමුදා රෙජිමේන්තු මධ්‍යස්ථාන සේනාවිධායක බ්‍රිගේඩියර් ඩීඒකේ දිසානායක ඩබිලිවිඩබිලිවිවී ආර්ඩබිලිවිපී ආර් එස්පී යන ජ්‍යෙෂ්ඨ නිලධාරී අතුළු නිලධාරීන් පිරිසක්ද රෙම ශ්‍රීලපාහ සේවාවනිතා ශාඛාවේ සම්බන්ධීකරණ නිලධාරී ඇතුළු සෙසු සාමාජිකයන් පිරිසක් ද සහභාගී වන ලදී.

ශ්‍රීලපාහ සේවාවනිතා ශාඛාව වෙතින් දියත් කරනු ලබන ප්‍රජාසත්කාර වැඩසටහන් අතුරින් තවත් එක් දිගුවක් ක්‍රියාවට නංවන ලදි. ඒ අනුව සේවාවනිතා ශාඛාවේ ගරු සභාපති තුමිය වන ක්‍රිෂානි මුදලිගේ මහත්මියගේ උපදෙස් හා මග පෙන්වීම යටතේසේවාවනිතා ශාඛාවේ මූල්‍යමය දායකත්වයෙන් සහ 4 ශ්‍රීලපාහ ඒකකයේ ශ්‍රම දායකත්වය ඇතිව 4 ශ්‍රීලපාහ ඒකකයට අයත් මියගිය සෙ/314797 කෝප්‍රල් පුෂ්ප කුමාර අයිඑම්ආර් යන කොනොනිගේ ලගම ඥාතියා වෙනුවෙන් අංක 76/2, රණවන, තෝරයාය, කුරුණෑගල ප්‍රදේශයේ අංග සම්පූර්ණ නව නිවසක් ඉදිකරන ලද අතර, එම නිවස 2020.03.05 වන දින 1030 පැයට යෙදුන සුභ මොහොතින් ගරු සභාපති තුමියගේ සුරතින් විවෘත කරන ලදි. එම අවස්ථාව සදහා සේවාවනිතා ශාඛාවේ ජ්‍යෙෂ්ඨ සාමාජිකාවන් පිරිසක් සහ රෙජිමේන්තු මධ්‍යස්ථාන නියෝජ්‍ය සේනාවිධායක තුමා, 4 ශ්‍රීලපාහ අණදෙන නිලධාරී තුමන් ඇතුළු නිලධාරීන් පිරිසක් ද ශ්‍රීලපාහ සේවාවනිතා ශාඛාවේ සම්බන්ධීකරන නිලධාරී ඇතුළු සාමාජිකයින් පිරිසක්ද සහභාගී වන ලදි.