ශ්‍රී ලංකා සිංහ රෙජිමේන්තු සේවා වනිතා ශාඛාවේ (SLSR-SVB) වාර්ෂික මහ සභා රැස්වීම 2022 ජනවාරි 30 වන දින සිංහ රෙජිමේන්තුවේ අධිපති මෙන්ම ආරක්ෂක සේනා ආඥාපති (බටහිර) මේජර් ජෙනරාල් කිත්සිරි ලියනගේ ගේ උපදෙස් පරිදි අඹේපුස්ස, සිංහ රෙජිමේන්තු මධ්‍යස්ථානයේ ප්‍රධාන ශ්‍රවණාගාරයේදී, COVID-19 පැතිරීම වැළැක්වීම සඳහා නියම කර ඇති සියලුම සෞඛ්‍ය මාර්ගෝපදේශ පිළිපදිමින් පැවැත්විණ.
ශ්‍රී ලංකා සිංහ රෙජිමේන්තු සේවා වනිතා ශාඛාවේ (SLSR-SVB) සාමාජිකාවන් 2022 ජනවාරි 30 වන දින වාර්ෂික මහා සභා රැස්වීමේ (AGM) කටයුතු නිමාවෙන් අනතුරුව පාන්ගොල්ල සුවතා නිකේතනය ‘අබිමන්සල’ වෙත පැමිණ එහි නේවාසිකව ප්‍රතිකාර ලබන රණවිරුවන්ගේ සුවදුක් විමසන ලදි.
සිංහ රෙජිමේන්තු මධ්‍යස්ථානයට ආසන්න බෝතලේ අඹේපුස්ස ලිපිනයෙහි පිහිටි විශේෂ අවශ්‍යතා සහිත දරුවන් හට රැකවරණය සලසන ‘අපේ ළමයි’ ළමා නිවාසයෙහි පිවිසුම් මාර්ගය සුද්ධ පවිත්‍ර කිරීම, ළමා නිවාස භූමිය සුද්ධ පවිත්‍ර කිරීම හා එම ගොඩනැගිලි වල තීන්ත ආලේප කිරීම මුලස්ථාන බළඇණියේ භඨ පිරිස් වල ශ්‍රම දායකත්වයෙන් 2020.10.01 වන දිනට පෙර දින වලදී සිදු කරන ලදී.
සිංහ රෙජිමේන්තු සේවා වනිතා ශාඛාවේ මහ සභා රැස්වීම හා සුහද හමුවක් 2020.08.29 වන දින සිංහ රෙජිමේන්තු මධ්‍යස්ථානයේදී සිංහ රෙජිමේන්තු සේවා වනිතා ශාඛාවේ සභාපතිණී ඉන්දු සෙනෙවිරත්න මැතිණියගේ ප්‍රධානත්වයෙන් සිදුකරන ලදී. මෙම අවස්ථාව සදහා සිංහ සේවා වනිතා ශාඛාවේ ජ්‍යෙෂ්ඨ සාමාජිකාවන්, සාමාජිකාවන් විශාල පිරිසක් සහභාගී වන ලදී.
අදාල උත්සව අවස්ථාවේදී සිංහ සේවා වනිතා ශාඛාවේ තනතුරු සදහා නව කමිටු සාමාජිකාවන් පත්කර ගැනීම සිදුකරන ලදී.
වටිනා ඖෂධීය පැළෑටි ආරක්ෂා කිරීමේ අරමුණින් ක්‍රියාත්මක කරනලද මෙම ව්‍යාපෘතිය තුලින් 'ඇහැල', 'කොහොඹ', 'බෙලි', 'මී' 'කුඹුක්', 'නෙල්ලි', 'කලුවර', 'සඳුන්', 'මා දමි' වැනි දේශීය ඖෂධීය ශාක වර්ග 450 කට අධික ප්‍රමාණයක් 2020 ජූලි මස 01 වන බදාදා දින අඹේපුස්ස පිහිටි ශ්‍රී ලංකා සිංහ රෙජිමේන්තු මධ්‍යස්ථානයේ දී ආරම්භ කරන ලදී.
ආරක්ෂක සේනා මූලස්ථානය - බටහිර ආඥාපති හා සිංහ රෙජිමේන්තු අධිපති මේජර් ජෙනරාල් එච්ජේ සෙනවිරත්න ආර්ඩබ්ලිව්පී ආර්එස්පී එන්ඩීයූ ජ්‍යෙෂ්ඨ නිළධාරි තුමන්ගේ සහ සිංහ සේවාවනිතා ශාඛාවේ ගරු සභාපතිණී ඉන්දු සෙනවිරත්න මැතිණියගේ ප්‍රධානත්වයෙන් 2020.06.13 වන දින වැඩමුළුවක් පවත්වන ලදී. මෙම අවස්ථාව සඳහා සිංහ සේවාවනිතා ශාඛාවේ ජ්‍යෙෂ්ඨ සාමාජිකාවන්/ සාමාජිකාවන් රැසක්ද මධ්‍යස්ථාන සේනාවිධායක බ්‍රිගේඩියර් ඩීඑම්පීඩී දිසානායක ආර්ඩබ්ලිව්පී ජ්‍යෙෂ්ඨ නිළධාරි/ නිළධාරින් විශාල පිරිසක් සහභාගී විය.
සිංහ සේවාවනිතා ශාඛාවේ ගරු සභාපතිණි ප්‍රියමාලි මුදන්නායක මැතිණියගේ ප්‍රධානත්වයෙන් සිංහ රෙජිමේන්තුවට අයත් නිළධාරී/සෙසු නිළයින්ගේ දුවාදරුවන් 49 දෙනකු සදහා 2019.12.28 වන දින සිට 2019.12.30 වන දින දක්වා අනාගත නායකත්වය සදහා දරුවන් සවිබළ ගැන්වීමේ නේවාසික වැඩමුළුවක් පහත සදහන් මාතෘකා ආවරණය වන පරිදි ප්‍රවීණ ම‍නෝවිදයා උපදේශක චන්දන ගුණවර්ධන මහතා විසින් සිංහ රෙජිමේන්තු මධ්‍යස්ථානයේදී සිදුකරන ලදී.
සිංහ රෙජිමේන්තු සේවාවනිතා ශාඛාවේ මහා සභා රැස්වීම 2019.12.28 වන දින සිංහ රෙජිමේන්තු මධ්‍යස්ථානයේදී සිංහ රෙජිමේන්තු සේවාවනිතා ශාඛාවේ ගරු සභාපතිණි ප්‍රියමාලි මුදන්නායක මැතිණියගේ ප්‍රධානත්වයෙන් සිදුකරන ලදී. මෙම අවස්ථාව සදහා සිංහ රෙජිමේන්තු මධ්‍යස්ථාන සේවාවිධායක බ්‍රිගේඩියර් ඒපී පල්ලාවෙල ආර්ඩබ්පී ආර්එස්පී ජ්‍යෙෂ්ඨ නිළධාරී තුමා ඇතුළු නිළධාරීන් රැසක් ද සේවාවනිතා ශාඛාවේ ක්‍රියාකාරී සාමාජිකාවන්, සෙසු නිළ භාර්යාවන් විශාල පිරිසක්ද සහභාලී වන ලදී.
ක්‍රියාන්විත කටයුතු වල නිරතව සිටියදී මියගිය, අබාධිත තත්වයට පත්වූ සහ දැනට සේවයේ යෙදීසිටින රණවිරුවන්ගේ දු දරුවන් හට සහ සිවිල් සේවා මහතුන්ගේ දූ දරුවන් හට ශිෂ්‍යත්ව ලබාදීමේ වැඩසටහනක් 2019.09.28 වන දින ශ්‍රී ලංකා සිංහ රෙජිමේන්තු මධ්‍යස්ථානයේ පැවැත්විණි.
ශ්‍රී ලංකා සිංහ රෙජිමේන්තු අධිපති මේජර් ජෙනරාල් එම්කේඩි පෙරේරා ආර්ඩබ්පී ආර්එස්පී වීඑස්වි යුඑස්පී එන්ඩියු ජ්‍යෙෂ්ඨ නිලධාරීගේ අධීක්ෂණය යටතේ සහ සිංහ සේවාවනිතා ශාඛාවේ ගරු සභාපතිනි ශිරෝමි මාසකෝරාල මැතිණියගේ මගපෙන්වීම අනුව අනාගත නායකත්වය සදහා දරුවන් සවිබල ගැන්වීමේ පුහුණු වැඩසටහනක් පුද්ගල විභවතා සංවර්ධන හා මනෝවිද්‍යා පුහුණු උපදේශක චන්දන ගුණවර්ධන මහතාගේ මෙහයවීමෙන් 2019 අගෝස්තු මස 27 වන දින සිට 2019 අගෝස්තු මස 31 වන දින දක්වා සිංහ සේවාවනිතා ශාඛාව මගින් සංවිධානය කරන ලදී.
