සිංහ රෙජිමේන්තු සේවාවනිතා ශාඛාවේ සභාපතිනී ඉදුනිල් ජයකොඩි මැතිණියගේ ප්‍රධානත්වයෙන් 2025 ජුනි 30 වන දින අභිමංසල 3 - කුරුණෑගල සුවහසහන මධ්‍යස්ථානයේ නේවාසිකව ප්‍රථිකාර ලබන රණවිරුවන්ගේ සුවදුක් විමසා බැලීම සදහා රෝහල් සංචාරයක් සිදුකරන ලදී.
2025 ජුනි මස 6 වන දින, ශ්‍රී ලංකා සිංහ රෙජිමේන්තු සේවා වනිතා ශාඛාවේ සභාපතිනි ඉඳුනිල් ජයකොඩි මහත්මිය, ආබාධිත රණවිරුවන් විසින් නිර්මාණය කරන ලද නිෂ්පාදන ප්‍රදර්ශනය කිරීමට සහ අලෙවි කිරීම සඳහා වෙන්වූ “සිංහ දිරිය පියස” ව්‍යාපෘති මධ්‍යස්ථානයෙහි නිල සංචාරයක නිරත වූවාය.
සිංහ සේවා වනිතා ශාඛාවේ සභාපතිනි ඉඳුනිල් ජයකොඩි මහත්මියගේ සංකල්පයකට අනුව 2025 වර්ෂයේ යෙදී තිබෙන පොසොන් පුන් පොහොය දිනට සමගාමීව ලේ දන්දීමේ වැඩසටහනක් 2025 ජූනි මස 06 වන දින රෙජිමේන්තු මධ්‍යස්ථානයේදී පවත්වන ලද අතර මෙම අවස්ථාව සදහා ආරක්ෂක සේනා මූලස්ථානය (බටහිර) නියෝජ්‍ය ආඥාපති හා සිංහ රෙජිමේන්තු අධිපති මේජර් ජෙනරාල් ජේකේආර් ජයකොඩි ආර්ඩබ්පී යූඑස්පී ජ්‍යෙෂ්ඨ නිළධාරී තුමන් සහභාගි විය.
සිංහ සේවා වනිතා ශාඛාවේ සභාපතිණී ඉදුනිල් ජයකොඩි මැතිණියගේ සංකල්පයකට අනුව රෙජිමේන්තු අධිපති මේජර් ජෙනරල් රොහාන් ජයකොඩි ජ්‍යෙෂ්ඨ නිළධාරී තුමාගේ ප්‍රධානත්වයෙන් 2025 වර්ෂයේ යෙදී තිබූ වෙසක් පුර පසලොස්වක පොහොය දිනට සමගාමීව සුමධුර ධර්මදේශණයක් විචිත්‍ර ධර්ම කථික අතුරුගිරිය සීවලී අසපුව විහාරාධිපති පූජ්‍යපාද පදලංගල ධම්මදේව ස්වාමින් වහන්සේ විසින් 2025 මැයි මස 17 වන දින රෙජිමේන්තු මධ්‍යස්ථානයේදී රණවිරුවන් උදෙසා සිදුකරන ලදී.
ශ්‍රී ලංකා සිංහ රෙජිමේන්තු සේවා වනිතා ශාඛාවේ සභාපතිනි ඉඳුනිල් ජයකොඩි මහත්මියගේ මඟපෙන්වීම යටතේ 2025 අප්‍රේල් මස 25 දින නෙළුන්දෙණිය වැඩිහිටි නිවාසයේ නේවාසිකව සිටින ජ්‍යෙෂ්ඨ පුරවැසියන් 22 දෙනෙකු සඳහා පරිත්‍යාග වැඩසටහනක් පවත්වනු ලැබීය.
සිංහ සේවා වනිතා ශාඛාවේ සභාපතිනියගේ මඟ පෙන්වීම හා උපදෙස් අනුව 2025 මාර්තු 1 දින මී උණ රෝගයෙන් අවාසනාවන්ත ලෙස මියගිය 5 වන බළඇණීය ශ්‍රී ලංකා සිංහ රෙජිමේන්තුවේ රාජකාරී කරනු ලැබූ කෝප්‍රල් කුමාරසිංහ ඒබීඒ රණවිරුවාගේ දරුවන් තිදෙනාට උපකාර කිරීම සඳහා සිංහ සේවා වනිතා ශාඛාවේ සාමාජිකාවන් විසින් වියළි සලාක පරිත්‍යාග කරන ලදී.
ශ්‍රී ලංකා සිංහ රෙජිමේන්තු සේවා වනිතා ශාඛාව 2025 මාර්තු 13 වන දින ශ්‍රී ලංකා සිංහ රෙජිමේන්තු මධ්‍යස්ථානයේදී එහි සභාපතිනි ඉඳුනිල් ජයකොඩි මහත්මියගේ මඟ පෙන්වීම යටතේ ජාත්‍යන්තර කාන්තා දිනය වෙනුවෙන් වැඩසටහනක් සංවිධානය කල අතර, එහි ප්‍රධාන ආරාධිත අමුත්තා වශයෙන් 58 වන පාබල සේනාංකයේ සේනාංකාධිපති සහ ශ්‍රී ලංකා සිංහ රෙජිමේන්තුවේ රෙජිමේන්තු අධිපති මේජර් ජෙනරාල් ජේකේආර් ජයකොඩි ආර්ඩබ්ලිව්පී යුඑස්පි ජ්‍යෙෂ්ඨ නිලධාරි තුමන් මෙම අවස්ථාවට සහභාගී විය.
සිංහ සේවා වනිතා ශාඛාවේ නව සභාපතිනී ඔමිලා ජයවර්ධන මහත්මිය 2022 මැයි 23 වැනි දින අඹේපුස්ස ප්‍රදේශයේ පිහිටි ශ්‍රී ලංකා සිංහ රෙජිමේන්තු මධ්‍යස්ථානයේ දී සරල උත්සවයක් දී වැඩ භාර ගන්නා ලදී.
කාර්යාල පරිශ්‍රයට පැමිණි නව සභාධිපතිනිය එම ශාඛාවේ ලේකම් ජීවනී විමලසේන මහත්මිය විසින් උණුසුම් ලෙස පිළිගනු ලැබීය. මෙම අවස්ථාවට සහභාගී වූ සිංහ සේවා වනිතා ශාඛාවේ ජ්‍යෂ්ට සාමාජිකාවන් කිහිප දෙනෙකුම එම අවස්ථාවට සහභාගී වී සිටියහ.
ශ්‍රී ලංකා සිංහ රෙජිමේන්තු සේවා වනිතා ශාඛාවේ (SLSR-SVB) වාර්ෂික මහ සභා රැස්වීම 2022 ජනවාරි 30 වන දින සිංහ රෙජිමේන්තුවේ අධිපති මෙන්ම ආරක්ෂක සේනා ආඥාපති (බටහිර) මේජර් ජෙනරාල් කිත්සිරි ලියනගේ ගේ උපදෙස් පරිදි අඹේපුස්ස, සිංහ රෙජිමේන්තු මධ්‍යස්ථානයේ ප්‍රධාන ශ්‍රවණාගාරයේදී, COVID-19 පැතිරීම වැළැක්වීම සඳහා නියම කර ඇති සියලුම සෞඛ්‍ය මාර්ගෝපදේශ පිළිපදිමින් පැවැත්විණ.
ශ්‍රී ලංකා සිංහ රෙජිමේන්තු සේවා වනිතා ශාඛාවේ (SLSR-SVB) සාමාජිකාවන් 2022 ජනවාරි 30 වන දින වාර්ෂික මහා සභා රැස්වීමේ (AGM) කටයුතු නිමාවෙන් අනතුරුව පාන්ගොල්ල සුවතා නිකේතනය ‘අබිමන්සල’ වෙත පැමිණ එහි නේවාසිකව ප්‍රතිකාර ලබන රණවිරුවන්ගේ සුවදුක් විමසන ලදි.
