ලෝක කාන්තා දිනයට සමගාමීව කාන්තා දින වැඩමුළුවක් සිංහ රෙජිමේන්තු මධ්‍යස්ථානයේදී 2018/03/10 දින හිටපු ගරු උප සභාපතිණියක වන රෝමා රාජගුරු මැතිණියගේ හා වත්මන් ගරු සභාපතිණී රුවිණී සුජීවා වික්‍රමරත්න මැතිණියගේ ප්රධානත්වයෙන් පැවැත්විණි. මෙම වැඩමුළුව සඳහා සිංහ සේවාවනිතා ශාඛාවේ සාමාජිකාවන්, මධ්‍යස්ථාන සේනාවිධායක තුමන් හා මාණ්ඩලික නිලධාරීන් විශාල පිරිසක් සහභාගී විය.
සිංහ රෙජිමෙන්තු සේවාවනිතා ශාඛාව මගින් පරිත්‍යාග ලබාදීමේ වැඩසටහනක් 2018/02/25 දින සිංහ රෙජිමෙන්තු මධ්‍යස්ථානයේ දී සිංහ සේවා වනිතා ශාඛාවේ හිටපු ගරු සභාපතිණියක වන රාණී ජයතිලක මැතිනණියගේ ප්රධානත්වයෙන් සිදුකරණ ලදී. මෙම අවස්ථාව සදහා සිංහ සේවාවනිතා ශාඛාවේ ගරු සභාපතිනී රුවිනි සුජීවා වික්‍රමරත්න මැතිනිය, සිංහ රෙජිමේන්තු මධ්‍යස්ථාන සේනා විධායක බ්‍රිගේඩියර් ඒ පි පල්ලාවෙල ආර්ඩබ්ලිව්පි ආර්එස්පි ජ්‍යෙෂ්ඨ නිලධාරී ඇතුලු නිලධාරීන් රැසක්ද සේවාවනිතා ශාඛාවේ ක්‍රියාකාරී සාමාජිකාවන් හා ඔවුන්ගේ දුවාදරුවන්ද සහභාගි වන ලදී.
සිංහ රෙජිමේන්තු සේවාවනිතා ශාඛාව මගින් පරිත්‍යාග ලබාදීමේ වැඩසටහනක් 2018.01.27 වන දින සිංහ රෙජිමේන්තු මධ්‍යස්ථානයේදී රණවිරු සේවා අධිකාරියේ ගරු සභාපතිණි හා සෙනෙහස අධ්‍යාපන කේන්ද්‍රයේ නිර්මාතෘ සහ සභාපතිනි අනෝමා ෆොන්සේකා මැතිනියගේ ප්රධානත්වයෙන් සිදුකරන ලදී.
ශ්‍රී ලංකා සිංහ රෙජිමේන්තු සේවා වනිතා ඒකකය මාතර, කඹුරුපිටිය පිහිටි අභිමංසල 2 සුවසහන නිකේතනයේ සංචාරයක නිරත වූ අතර, 12 වන බලඇණිය ශ්‍රී ලංකා සිංහ රෙජිමේන්තුව සමඟ එක්ව එහි වෙසෙන රණක්ෂිතයට පත් රණවිරුවන් වෙනුවෙන් ත්‍යාග පාර්සල් ප්‍රධානයක් හා දිවා භෝජන සංග්‍රයහයක් ද පැවැත්වීමෙන් අනතුරුව ඔවුන්ගේ ප්‍රයෝජනය සඳහා වටිනා භාණ්ඩ පරිත්‍යාග කරන ලදී.
