ශ්‍රී ලංකා යුද්ධ හමුදා පැරා කමිටුව මගින් වාර්ෂිකව පවත්වනු ලබන අන්තර් රෙජිමේන්තු යුද්ධ හමුදා සවි ඉසිලීමේ ශූරතාවලිය 2022 ජූලි 16 වන දින ‘රන්විරු සෙවණ’ රාගම හිදී පැවැත්විය.
සවි ඉසිලීමේ ශූරතාව ශ්‍රී ලංකා පාබල හමුදාව විසින් දිනා ගන්නා ලද අතර ශ්‍රී ලංකා සිංහ රෙජිමේන්තුව එහි 2 වන ස්ථානය සහ ගැමුණු හේවා බලකාය 3 වන ස්ථානය හිමිකරගත්හ.
ශ්‍රී ලංකා යුද්ධ හමුදා අන්තර් රෙජිමේන්තු පැරා ක්‍රීඩා තරඟාවලියේ තවත් එක් අංගයක් ලෙස 2022 - යුද්ධ හමුදා පැරා පාපැදි සහ රෝද පුටු මැරතන් ධාවන තරඟ 2022 ජූනි මස 03 වන දින අනුරාධපුර, රඹෑව නගරයේදී ආරම්භ විය.
මෙවර පැරා පාපැදි සහ රෝද පුටු මැරතන් ධාවන තරඟය අනුරාධපුර ගජබා රෙජිමේන්තු (GR) මූලස්ථාන බලඇණිය විසින් සංවිධානය කරන ලදී.
2022 - යුධ හමුදා අන්තර් රෙජිමේන්තු පැරා රෝද පුටු ටෙනිස් තරඟාවලිය 2022 ජූලි මස 11 දින සිට 12 දින දක්වා පනාගොඩ පිහිටි ශ්‍රී ලංකා පාබල රෙජිමේන්තු ටෙනිස් පිටියේ දී ශ්‍රී ලංකා කාලතුවක්කු රෙජිමේන්තුව විසින් සංවිධානය කරන ලදී.
ශ්‍රී ලංකා කාලතුවක්කු හමුදාව (SLA), ශ්‍රී ලංකා පාබල හමුදාව (SLLI), ශ්‍රී ලංකා සිංහ රෙජිමේන්තුව (SLSR), ගැමුණු හේවා බලකාය (GW), ගජබා රෙජිමේන්තුව (GR), විජයබාහු පාබල රෙජිමේන්තුව (VIR), විශේෂ බලකා රෙජිමේන්තුව (SF) සහ ශ්‍රී ලංකා ජාතික ආරක්ෂක බළමුළුව (SLNG) පැරා ක්‍රීඩකයින් මෙම තරඟාවලිය සඳහා එක් විය.
ශ්‍රී ලංකා සංඥා බලකා රෙජිමේන්තු මධ්‍යස්ථානයේදී ඉකුත් සඳුදා (21) දින ආරම්භ වූ අන්තර් රෙජිමේන්තු කැරම් තරඟාවලියේ ත්‍යාග ප්‍රදානෝත්සවය සිකුරාදා (25) දින පනාගොඩ යුද්ධ හමුදා ශාරීරික අභ්‍යාස පුහුණු පාසලේදී පැවැත්විණි.
ඉතා උද්යෝගිමත් හා උනන්දුවක් දක්වන වොලිබෝල් ක්‍රීඩකයින්ගේ අපේක්ෂාවන් සපුරාලමින් ශ්‍රී ලංකා යුද හමුදා ස්වේච්ඡා බලකාය විසින් 2019 සැප්තැම්බර් 23 සිට 25 දක්වා කොළඹ සුගදාදා ගෘහස්ථ ක්‍රීඩාංගණයේදී අන්තර් රෙජිමේන්තු වොලිබෝල් ශූරතාවලිය 2019 සාර්ථකව පවත්වන ලදී.
