11th February 2020 16:56:36 Hours
ශ්‍රී ලංකා යුද්ධ හමුදා කාන්තා බලකායේ 16 වන මධ්‍යස්ථාන සේනාවිධායක ලෙස කර්නල් ආර් එම් ජේ බී රත්නායක ආර්එස්පී යන ජ්‍යෙෂ්ඨ නිළධාරී ආගමික වතාවත්වලට අනුකූලව සුබ මොහොතින් සිය ධූරයේ වැඩ ආරම්භ කරන ලදි.
11th February 2020 16:51:46 Hours
ශ්‍රී ලංකා යුද්ධ හමුදා කාන්තා බලකායේ මධ්‍යස්ථන සේනාවිධායක ලෙස කටයුතු කළ බ්‍රිගේඩියර් ඩබ්ලිව් එස් ඒ දිසානායක ආර්එස්පී ජ්‍යෙෂ්ඨ නිළධාරී සිය ධූරයෙන් සමුගැනීම වෙනුවෙන් හා මෙම බලකාය වෙත සිදු කරන ලද සේවය වෙනුවෙන් කෘතගුණ සලකනු වස් ශ්‍රීලයුකාබ සියලුම නිළධාරීන් හා සෙසු නිළයින්ගේ සහභාගීත්වයෙන් 2020 පෙබරවාරි මස 3 වන දින රෙජිමේන්තු මධ්‍යස්ථානයේදී සමුගැනීමේ තේ පැන් සංග්‍රහයක් පැවැත්විණි.
28th January 2020 16:33:57 Hours
ශ්‍රී ලංකා යුද්ධ හමුදා කාන්තා බළකා සේවා වනිතා ශාඛාවේ ගරු සභාපතිතුමිය වන රමණි දෙමටන්පිටිය මැතිණියගේ මගපෙන්වීම ඔස්සේ මුල්ලේරියාව රෝහලේ ප්‍රතිකාර ගනු ලබන කාන්තාවන් 40 දෙනෙකුගේ සුභසිද්ධිය උදෙසා පසුගිය ජනවාරි මස 25 වන සෙනසුරාදා දින විශේෂ වැඩසටහනක් පැවැත්වුණි.
28th January 2020 16:32:18 Hours
ශ්‍රී ලංකා යුද්ධ හමුදා කාන්තා බළකා සේවා වනිතා ශාඛාවේ 17 වන සභාපති තුමිය වශයෙන් රමණි දෙමටන්පිටිය මැතිණිය ධූරයේ වැඩභාරගැනීමෙන් අනතුරුව ශ්‍රී ලංකා යුද්ධ හමුදා කාන්තා බළකා රෙජිමේන්තු මධ්‍යස්ථානය වෙත පිළිගැනීම සහ 2020 වර්ෂයේ සේවා වනිතා ශාඛාවෙහි ප්‍රථම සැසි වාරය 2020 ජනවාරි මස 08 දින රෙජිමේන්තු මධ්‍යස්ථානයේ නිලධාරි නිවස්නයේදී පැවැත්වුණි.
23rd October 2019 10:14:37 Hours
1 වන ශ්‍රි ලංකා යුද්ධ හමුදා කාන්තා බළකායේ අණදෙන නිළධාරිණිය ලෙස මේජර් ඩී සී එන් බෝම්ඹුවල ජ්‍යෙෂ්ඨ නිළධාරිණිය 2019 ඔක්තෝම්බර් මස 21 වන දින වැඩභාර ගන්නා ලදී. මේජර් ජෙනරාල් එම් මුදන්නායක ආර්එස් පී යුඑස්පී, බළකාධිපති තුමන් ඇතුළු සියළුම නිළයින් ඇය වෙත සුභාශිංශන එකතු කරන ලදී.
23rd October 2019 10:08:55 Hours
7 වන ශ්‍රි ලංකා යුද්ධ හමුදා කාන්තා බළකායේ අණදෙන නිළධාරිණිය ලෙස මේජර් ජේ ආර් පී කේ ගල්හේන ජ්‍යෙෂ්ඨ නිළධාරිණිය 2019 ඔක්තෝම්බර් මස 17 වන දින වැඩභාර ගන්නා ලදී. මේජර් ජෙනරාල් එම් මුදන්නායක ආර්එස් පී යුඑස්පී, බළකාධිපති තුමන් ඇතුළු සියළුම නිළයින් ඇය වෙත සුභාශිංශන එකතු කරන ලදී.
14th October 2019 10:55:58 Hours
පළවන ශ්‍රී ලංකා යුද්ධ හමුදා කාන්තා බළකායේ 40 වන සංවත්සරය නිමිති කොටගෙන සංවිධානය කරන ලද වැඩසටහන් මාලාවක් 1 වන ශ්‍රි ලංකා යුද්ධ හමුදා කාන්තා බලකායේ අණදෙන නිලධාරිණී, මේජර් ජී එස් රන්කොට්ගේ ජ්‍යෙෂ්ඨ නිලධාරීණියගේ ප්‍රධානත්වයෙන් පවත්වන ලදී. සම්ප්‍රදායානුකූලව අණදෙන නිලධාරිණිය හට සම්මාන මුරයක් පිරිනැමීමෙන් ආරම්භ කරන ලද මෙම වැඩසටහන් මාලාව සියළු නිලයින්ගේ තේ පැන් සංග්‍රහය, කළුඅග්ගල කඳවුරු භූමියේදී පැවැත්වූ මා පිය වන්දනා වැඩසටහන, සංඝගත දක්ෂිණාව වෙත දහවල් දානය පිරිනැමීම හා සියළු නිලයන්ගේ දිවා භෝජන සංග්‍රහය යනාදි අංග රැසකින් සමන්විත විය.
14th October 2019 09:44:01 Hours
2019 ඔක්තෝබර් මස 01 වන දිනට යෙදුනු ලෝක ළමා දිනයට සමගාමීව මයිලඩි හි උරානි ප්‍රාථමික පාසැලේ ඉගෙනුම ලබන අඩු ආදායම්ලාභී දිළිදු පවුල් වල සිසු දරු දැරියන් සඳහා පාසැල් පොත් බෙදාදීමේ වැඩසටහනක් 7 වන ශ්‍රී ලංකා යුද්ධ හමුදා කාන්තා බළකායේ අණදෙන නිලධාරිණී මේජර් ඩී සී එන් බෝම්ඹුවල ජ්‍යෙෂ්ඨ නිලධාරිණියගේ ප්‍රධානත්වයෙන් පැවැත්විණි. මෙම අවස්ථාව සඳහා නිළධාරිණින්, සෙසුනිලයින්, උරානි ප්‍රාථමික පාසැලේ විදුහල්පති ඇතුළු ගුරු භවතුන් පිරිසක්ද සහභාගී විය.
31st July 2019 17:02:03 Hours
ශ්‍රී ලංකා යුද්ධ හමුදා කාන්තා බලකායේ 15 වන මධ්‍යස්ථාන සේනාවිධායක ලෙස කර්නල් ඩබ්ලිව් එස් ඒ දිසානායක ආර්එස්පී යන ජ්‍යෙෂ්ඨ නිලධාරි 2019 ජූලි මස 23 වන දින වැඩ භාරගන්නා ලදි.
25th July 2019 11:43:15 Hours
ශ්‍රී ලංකා යුද්ධ හමුදා කාන්තා බළකායේ (ශ්‍රීලයුකාබ) මධ්‍යස්ථාන සේනාවිධායක ලෙස කටයුතු කළ මේජර් ජෙනරාල් ආර් කේ බී එස් කැටකුඹුර ආර්එස්පී ජ්‍යෙෂ්ඨ නිලධාරී සිය ධුරයෙන් සමුගැනීම වෙනුවෙන් ශ්‍රීලයුකාබ සියළුම නිලධාරීන්ගේ සහභාගීත්වයෙන් 2019 ජූලි මස 05 වන දින විජයබාහු පාබල රෙජිමේන්තු මධස්ථානයේ ‘සැලියුට්’ උත්සව ශාලාවේදී සමුගැනීමේ උත්සවයක් පැවැත්විණි.
