පුවත් විශේෂාංග

බෙල්ලන්විල රජමහා විහාරයට 142 පාබල බලසේනාවේ දායකත්වය

02nd September 2024 15:25:52 Hours

142 වන පාබල බලසේනාවේ බලසේනාධිපති තුමාගේ උපදෙස් පරිදි සහ සිවිල් සම්බන්ධිකරණ නිලධාරිගේ අධීක්‍ෂණය යටතේ 74 වන ඇසළ මහා පෙරහැර මංගල්‍යයට පෙරාතුව බෙල්ලන්විල රජමහා විහාරස්ථානයේ නඩත්තු කටයුතු 2024 ජූලි 24 වන දින ආරම්භ කල අතර 2024 අගෝස්තු 6 දක්වා නඩත්තු කටයුතු සිදුකරන ලදි.

ශ්‍රී ලංකා යුද්ධ හමුදා පුරෝගාමී බලකායේදී ස්ත්‍රී පුරුෂ සමාජභාවය මත පදනම් වූ ප්‍රචණ්ඩත්වය අවම කිරීම පිළිබඳ දේශනයක්

02nd September 2024 15:04:44 Hours

කාන්තාවන්ට එරෙහි ස්ත්‍රී පුරුෂ සමාජභාවය පදනම් කරගත් ප්‍රචණ්ඩත්වය අවම කිරීම පිළිබඳ දේශනයක් 2024 ජූලි මස 31 දින 2 ශ්‍රී ලංකා යුද්ධ හමුදා පුරෝගාමී බලකායේදී පවත්වන ලදී. රාජ්‍ය ආයතන තුළ සමානාත්මතාවය සහ යුක්තිය ප්‍රවර්ධනය කිරීමේ අරමුණින් මෙම වැඩසටහන අතුරුගිරිය පොලිස් ස්ථානයේ ළමා හා කාන්තා කාර්යාංශයේ ස්ථානාධිපතිනි ප්‍රධාන පොලිස් පරීක්‍ෂක යෙස්මින් රානි මහත්මිය විසින් සිදුකරන ලදී.

141 පාබල බසේමු විසින් ධර්ම දේශනාව සහ වෙසක් දන්සලක් පවත්වයි.

14th August 2024 15:27:12 Hours

141 පාබල බලසේනාවේ බලසේනාධිපති කර්නල් ආර්.ආර්.ඩී.එස්.ධර්මවික්‍රම ගේ මඟපෙන්වීම යටතේ වෙසක් උත්සවයට සමගාමීව 141 පාබල බලසේනාවේ නිලධාරීන්ගේ සහ සෙසු නිලයන්ගේ සහයෝගය මත්තේ 2024 මැයි මස 22 වන දින බලසේනා පරිශ්‍රයේදී ධර්ම දේශනාවක් සහ පිසූ කොස් දන්සලක් සංවිධානය කරන ලද අතර, මෙම දන්සලට බැතිමතුන් 1000කට අධික පිරිසක් පැමිණ සිටියහ.

6 වන ශ්‍රී ලංකා කාලතුවක්කු හමුදාවෙන් ප්‍රජා සත්කාරක වැඩසටහනක්

09th August 2024 12:39:55 Hours

වෙසක් උත්සවය නිමිත්තෙන් 6 ශ්‍රී ලංකා කාලතුවක්කු හමුදාවේ අණදෙන නිලධාරී ලුතිනන් කර්නල් ජී.ආර්.ආර්.කේ.එස්. ජයරත්න ආර්එස්පී පීඑස්සී අයිජී ගේ උපදෙස් මත එම ඒකකයේ භටපිරිස් විසින් 2024 මැයි මස 18 දින කහටෝවිට - කුරවලාන ‘සෙවණ’ වැඩිහිටි නිවාසයේ නේවාසිකව සිටින ජ්‍යෙෂ්ඨ පුරවැසියන් 18 දෙනෙකු සහ එහි කාර්යය මණ්ඩලය සඳහා දිවා ආහාරය සමඟින් අත්‍යවශ්‍ය ද්‍රව්‍ය ලබාදීමේ ප්‍රජා සත්කාරක වැඩසටහනක් සංවිධානය කරන ලදී.

විරු කැකුළු පෙර පාසල- පනාගොඩ වෙසක් භක්ති ගීත වැඩසටහනක්

09th August 2024 12:27:13 Hours

2024 මැයි මස 15 වන දින විරු කැකුළු පෙර පාසල- පනාගොඩ හි වෙසක් භක්ති ගීත වැඩසටහනක් බෝධිරාජාරාම විහාරස්ථානයේ දී පැවැත්විණි. මෙම අවස්ථාවට ප්‍රධාන ආරාධිත අමුත්තා ලෙස පෙරපාසල භාර ජ්‍යෙෂ්ඨ සාමාජිකා සමංකා ප්‍රනාන්දු මහත්මිය ද සහභාගි විය.

14 පාබල සේනාංකය සදාචාර සහ මානසික සෞඛ්‍යය පිළිබඳ අවබෝධාත්මක පුහුණු දේශන පවත්වයි

09th August 2024 12:03:27 Hours

14 පාබල සේනාංක විසින් පාලනය වන 2 (සෙවි) ශ්‍රී ලංකා පාබල හමුදාවේ දේශන ශාලාවේ 2024 මැයි 8 වන දින පුහුණු වැඩසටහනට සමගාමිව සංවිධානය කරන ලද ආර්ථික ප්‍රශ්න විසඳීම, සෞඛ්‍ය සම්පන්න පවුල් ජීවිතයක් පවත්වාගෙන යාම, මානසික ආතතිය පාලනය කිරීම, මත්ද්‍රව්‍යවලට ඇබ්බැහි වීම පිටුදැකීම ඇතුළු විවිධ මාතෘකා ඔස්සේ ශ්‍රි ලංකා යුද හමුදා නිවාරණ වෛද්‍ය හා මානසික සෞඛ්‍ය අධ්‍යක්ෂ මණ්ඩලයේ විශේෂඥ මනෝ වෛද්‍ය බ්‍රිගේඩියර් ආර්.එම්.එම් මොනරාගල යූ.එස්.පී, උපදේශක සායනික මනෝවිද්‍යා ලුතිනන් කර්නල් යූ.ජී. මල්ලවාරච්චායි ආර්.එස්.පී.යන ජ්‍යෙෂ්ඨ නිලධාරින් විසින් දේශන පැවැත්විණි.

14 පාබල සේනාංක විසින් පාලනය වන සියලු ඒකක නියෝජනය කරමින් නිලධාරීන් 8 දෙනෙකු සහ සෙසු නිලයින් 160 දෙනෙකු ද මෙම දේශන සදහා සහභාගී විය.

8 ශ්‍රී ලංකා පාබල හමුදාවේ මුලිකත්වයෙන් නව නිවසකට මුල්ගල තබයි.

09th August 2024 11:21:31 Hours

කිරිඳිවැල, කුට්ටිවිල ප්‍රදේශයේ පදිංචි අසරණ පවුලක් වෙනුවෙන් නව නිවසක් ඉදිකිරීම සඳහා මුල්ගල් තැබීමේ උත්සවයක් 2024 මැයි මස 09 දින පැවැත්විය.

14 පාබල සේනාංක මූලස්ථානයේ රෙදි සෝදන ස්ථානයක් විවෘත කරයි.

02nd August 2024 13:08:47 Hours

14 වන පාබල සේනාංකයේ සේනාංකාධිපති මේජර් ජෙනරාල් කේ.ඒ.ඩබ්.එන්.එච් බණ්ඩාරනායක යූ.එස්.පී යන ජ්‍යෙෂ්ඨ නිලධාරිතුමන් ගේ සංකල්පයනට අනුව සේනාංකයේ භට පිරිස් සඳහා සුභසාධන පහසුකම් නංවාලීම සදහා පාබල සේනාංක මූලස්ථානයේ රෙදි සෝදන ස්ථානයක් 2024 මැයි 07 වන දින විවෘත කර ඇත.

142 පාබල බලසේනාවේ සේනාංකාධිපති රාජකාරි භාර ගනී

02nd August 2024 12:42:33 Hours

142 පාබල බලසේනාවේ 37 වන සේනාංකාධිපති ලෙස බ්‍රිගේඩියර් ඩීඑස්එස් රදලගේ ආර්ඩබ්ලිව්පී ආර්එස්පී යන ජ්‍යෙෂ්ඨ නිලධාරි 2024 මැයි 6 වන දින කොහුවල බලසේනා මූලස්ථානයේදී රාජකාරි භාර ගන්නා ලදී.

ආරක්ෂක සේනා (බටහිර) නව බ්‍රිගේඩියර් (පාලන/භකාස) තනතුරෙහි රාජකාරි භාරගනී.

02nd August 2024 12:19:26 Hours

ආරක්ෂක සේනා මූලස්ථානය (බටහිර) නව බ්‍රිගේඩියර් (පාලන/භකාස) ලෙස කර්නල් එස් ඩී එන් සී ද සිල්වා යන ජ්‍යෙෂ්ඨ නිළධාරි 2024 මැයි මස 03 වන දින සුබ මොහොතින් සිය තනතුරෙහි වැඩ භාර ගන්නා ලදී.