01st February 2025 19:15:04 Hours
බ්‍රිගේඩියර් එම් ජේ උබේසේකර, ආර්එස්පී පීඑස්සී,ජෙෂ්ඨ නිලධාරි 142 පාබල බලසේනාවේ 37 වන බලසේනාධිපති ලෙස 2025 ජනවාරි 17 වන දින ආගමික ආශිර්වාද මධ්‍යයේ බලසේනාධිපති නිල වශයෙන් රාජකාරි ආරම්භ කරන ලදී.
තවද නව බලසේනාධිපතිවරයා මාණ්ඩලික නිලධාරීන් විසින් උණුසුම් ලෙස පිළිගත් අතර 14 වන බලඇණිය විජයබාහු පාබල රෙජිමේන්තුවේ භට පිරිස් විසින් කඳවුරු සම්මාන මුරයක් බලසේනාධිපති තුමන් හට පිරිනමන ලදි. ඉන් අනතුරැව එතුමන් විසින් බලසේනාවේ අනාගතය පිළිබඳ තම දැක්ම බෙදා ගනිමින් නිලධාරීන් සහ සෙසු නිලයින් අමතනු ලැබීය.
එමේන්ම මෙම උත්සවයට බලසේනාවේ මාණ්ඩලික නිලධාරි සහ 5 වන ක්ෂේත්‍ර ඉංජිනේරු රෙජිමේන්තුවේ, 6 වන ගජබා රෙජිමේන්තුවේ සහ 14 වන විජයබාහු පාබල රෙජිමේන්තුවේ අණදෙන නිලධාරීන් සහභාගී විය.
