රුහුණු විශ්ව විද්‍යාලයේ තාක්ෂණ පීඨ සිසුන්ගේ කුසලතා වැඩි දියුණු කිරීම සඳහා නායකත්ව පුහුණු වැඩමුළුවක්

613 පාබල බලසේනාවේ අණදෙන නිලධාරියාගේ මඟ පෙන්වීම සහ ශ්‍රී ලංකා සිංහ රෙජිමේන්තුවේ 9 වන බලඇණියේ වැඩබලන අණදෙන නිලධාරීගේ අධීක්ෂණය යටතේ, නායකත්ව පුහුණු වැඩමුළුවක් 2025 ජනවාරි 23 වන දින සාර්ථකව පවත්වන ලදී. රුහුණු විශ්ව විද්‍යාලයේ තාක්ෂණ පීඨයේ සිසුන් 271 දෙනෙකු සඳහා වූ නැඹුරුවීමේ වැඩසටහනේ කොටසක් ලෙස පවත්වන ලද මෙම උත්සවය කඹුරුපිටිය විශ්ව විද්‍යාල පරිශ්‍රයේදී පැවැත්විණි.

මෙම වැඩසටහන සදහා 9 වන බලඇණිය ශ්‍රී ලංකා සිංහ රෙජිමේන්තුවේ උපදේශකයින් විසින් පැවැත්වු අතර, එයට සහභාගිවු සිසුන් හට ඔවුන්ගේ අධ්‍යයන හා වෘත්තීය ගමන් සඳහා සහාය වීමට හා වටිනා අවබෝධයක්, ප්‍රායෝගික නායකත්ව කුසලතා ලබා දුන්නේය.