12th April 2024 12:49:21 Hours
රෙම ශ්‍රීලපාහ සූර්යමංගල්‍යය උත්සවය 2024 ක්වූ බක් මස 10 වන දින යුද හමුදා උපකරණ මාස්ටර් ජෙනරාල් සහ ශ්‍රී ලංකා පාබල හමුදාවේ රෙජිමේන්තු අධිපති මෙන්ම දැනට යුද්ධ හමුදා වැඩබලන අධ්‍යක්ෂ ජෙනරාල් ප්‍රධාන මාණ්ඩලික මේජර් ජෙනරාල් මිහිදු පෙරේරා ආර්ඩබ්ලිව්පී ආර්එස්පී යූඑස්පී එන්ඩීසී ජ්‍යේෂ්ඨ නිලධාරී සහ පාබල හමුදා සේවා වනිතා සංගමයේ ගරු සභාපතිනි වජිරා පෙරේරා මැතිනියගේ ප්‍රධානත්වයෙන් පාබල හමුදා රසල්හයින් ක්‍රීඩාංගනයේදී උත්කර්ෂවත් අන්දමින් ජාතික ධජය හා රෙජිමේන්තු ධජය ඔසවා උත්සවත්ශ්‍රීයෙන් ආරම්භ කරන ලදි.
02nd April 2024 18:48:21 Hours
ශ්‍රී ලංකා පාබල හමුදා 17 වන රෙජිමේන්තු අධිපති මේජර් ජනරාල් ජිඑම්එන් පෙරේරා ආර්ඩබ්ලිව්පි ආර්එස්පි යුඑස්පි එන්ඩිසි ජ්‍යේෂ්ඨ නිලධාරී රෙජිමේන්තු අධිපති ධූරයේ රාජකාරී භාර ගැනීමෙන් පසු සාම්ප්‍රදායානුකූලව සිදුකරනු ලබන බළඇණි සංචාරයේ දෙවන අදියර සනිටුහන් කරමින් 2024 අප්‍රේල් මස 02 වන දින පළවන බළඇණිය ශ්‍රීලංකා පාබල හමුදාවේ නිරීක්ෂණ සංචාරයක් සිදුකරන ලදී.
01st April 2024 22:35:57 Hours
වර්ෂ 1945 දෙසැම්බර් මස 17 වන දින ශ්‍රීමත් ජෙනරාල් සර් ජෝන් කොතලාවල මැතිතුමාගේ නායකත්වයෙන් ආරම්භ කරන ලද ශ්‍රී ලංකා පාබල හමුදා සංගමය වර්තමානය වන විට ශ්‍රී ලංකා යුද්ධ හමුදාවේ ඉපැරණීම හමුදා සංගමය වේ. එහි 71 වෙනි වාර්ෂික මහා සමුළුව 2024 මාර්තු මස 30 දින පාබල හමුදා රෙජිමේන්තු මධ්‍යස්ථානයෙහිදී විශ්‍රාමික නිලධාරීන් ඇතුළු එහි සාමාජිකයන් විශාල පිරිසකගේ සහභාගීත්වයෙන් පවැත්වූ අතර, ප්‍රධාන ආරාධිත අමුත්තා වශයෙන් පාබල හමුදා සංගමයේ හිටපු සභාපතිවරයෙකු වන මේජර් ජෙනරාල් ටීටීආර් ද සිල්වා (විශ්‍රාමික) ආර්ඩබ්ලිව්පී ආර්එස්පී වීඑස්වී යුඑස්පී පීඑස්සී ජ්‍යේෂ්ඨ නිලධාරී සහභාගී විය.
26th March 2024 18:08:14 Hours
ශ්‍රී ලංකා පාබල හමුදා 17 වෙනි රෙජිමේන්තු අධිපති මේජර් ජෙනරාල් ජීඑම්එන් පෙරේරා අර්ඩබ්ලිව්පී ආර්එස්පී යූඑස්පී එන්ඩීසී ජ්‍යේෂ්ඨ නිලධාරී රෙජිමෙන්තු අධිපති ධූරයේ රාජකාරී භාරගැනීමෙන් පසු සාම්ප්‍රදායානුකූලව සිදුකරනු ලබන බළඇණි සංචාරයේ ප්‍රථම අදියර සනිටුහන් කරමින් 2024 මාර්තු මස 22 වන දින 12, 15, සහ 19 යන ශ්‍රීලපාහ බළඇණිවල ද, 2024 මාර්තු මස 23 වන දින 3,7,10, හා 9 (සෙව්) යන ශ්‍රීලපාහ බළඇණිවල ද, 2024 මාර්තු මස 24 වන දින 4, 6 හා 17 (සෙව්) යන ශ්‍රීලපාහ බළඇණිවල නිරීක්ෂණ සංචාරයන් සිදුකරන ලදී.
18th January 2024 19:06:55 Hours
ශ්‍රී ලංකා පාබල හමුදා රෙජිමේන්තුවේ 17 වැනි රෙජිමේන්තු අධිපති වශයෙන් අභිනවයෙන් පත්වූ මේජර් ජෙනරාල් ජීඑම්එන් පෙරේරා ආර්ඩබ්ලිව්පී ආර්එස්පී යූඑස්පී එන්ඩීසී ජ්‍යේෂ්ඨ නිලධාරී රෙජිමේන්තු අධිපති ලෙස රාජකාරී භාරගැනීම සඳහා 2024 ජනවාරි මස 16 වන දින රෙජිමේන්තු මධ්‍යස්ථානය වෙත පැමිණෙන ලදී.
16th January 2024 21:30:09 Hours
වසර 35 කට අධික යුද්ධ හමුදා සේවා කාලයක් සම්පූර්ණ කරමින් විශ්‍රාම දිවියට පා තැබූ ශ්‍රී ලංකා පාබල හමුදා රෙජිමේන්තු අධිපති මේජර් ජෙනරාල් එස්ආර්කේ හෙට්ටිආරච්චි ආර්ඩබ්ලිව්පී ආර්එස්පී වීඑස්වී යූඑස්පී එන්ඩීයූ පීඑස්සී ජ්‍යේෂ්ඨ නිලධාරී වෙත රෙජිමේන්තු ගෞරවාචාරය පුදකිරීමේ උත්සවය 2024 ජනවාරී මස 14 වන දින රෙජිමේන්තු මධ්‍යස්ථානයේ දී පවත්වන ලදී.
11th January 2024 19:21:57 Hours
ශ්‍රී ලංකා පාබල හමුදා රෙජිමේන්තු මධ්‍යස්ථානය වෙත ඇතුලුවීමට පිවිසුම් දොරටු දෙකකින් සමන්විත අතර, පාබල හමුදා රෙජිමේන්තු අධිපති මේජර් ජෙනරාල් එස්ආර්කේ හෙට්ටිආරච්චි ආර්ඩබ්ලිව්පී ආර්එස්පී වීඑස්වී එන්ඩීයූ පීඑස්සී ජ්‍යේෂ්ඨ නිලධාරීගේ සංකල්පයක් මත කඳවුරෙහි “බී” දොරටුව හා එම දොරටුවෙන් ඇතුලු වන ගමන් මාර්ග ප්‍රදේශය නවීකරණය කර එම ආසන්නයේ නවීන අංගෝපාංගවලින් සමන්විත මුරහලක් ස්ථාපනය කිරීමට උපදෙස් ලබාදෙන ලදී.
09th January 2024 22:08:40 Hours
නුදුරේදී යුද්ධ හමුදාවෙන් විශ්‍රාම යෑමට නියමිත පාබල හමුදා රෙජිමේන්තු අධිපති මේජර් ජෙනරාල් එස්ආර්කේ හෙට්ටිආරච්චි ඩබ්ලිව්ඩබ්ලිව්වී ආර්ඩබ්ලිව්පී ආර්එස්පී වීඑස්වී එන්ඩීයූ පීඑස්සී ජ්‍යේෂ්ඨ නිලධාරී විසින් සම්ප්‍රදායානුකූලව සිදුකරන ලද ශ්‍රීලපාහ බලඇණි සංචාරය 2024 ජනවාරි මස 06, 07 සහ 08 යන දිනයන්හිදී සිදුකරන ලදී.
31st December 2023 11:37:43 Hours
රෙජිමේන්තු අධිපතිගේ උදාරතර සංකල්පයක් මත දියත් කරන ලද පුර්ණ නිවාස ව්‍යාපෘතියේ II වන අදියර යටතේ ශ්‍රී ලංකා පාබල හමුදා රෙජිමේන්තුවේ සියලුම බලඇණි නියෝජනය වන පරිදි එක් බලඇණියක් විසින් නිවසක් නොමැති රණවිරුවකු වෙත නිවසක් ඉදිකර දීම සිදුකරනු ලබයි.
30th December 2023 15:25:56 Hours
කුරීරු ත්‍රස්තවාදයට එරෙහිව යුද වැද රට ජාතිය වෙනුවෙන් තම ජීවිත පුදකළ හා රණක්‍ෂිතයටපත් රණවිරුවන් හා විශ්‍රාමික මෙන්ම දැනට සේවයේ නියුතු සියළු නිලයින්ගේ සුබ සාධන කටයුතු ඉහළ නැංවීම සඳහා අරමුදල් රැස්කරගැනීමේ අරමුණින් සේවාවනිතා ශාඛාවේ ගරු සභාපතිනි උත්පලා හෙට්ටිආරච්චි මහත්මියගේ සංකල්පයක් මත රෙජිමේන්තු සංවර්ධන ව්‍යාපෘති යටතේ මෙම ගැලන්ට් බාර් ස්නැක්ස් නිෂ්පාදනාගාරයේ ඉදිකිරීම් කටයුතු 2023 ඔක්තෝබර් මස 26 වන දින ආරම්භ කරන ලදී.
