2025 අගෝස්තු 23 වන දින සන්ධ්‍යාවේදී, ජනප්‍රිය ‘සී ප්ලස්‘ වාද්‍ය වෘන්දය සහභාගී වන විචිත්‍රවත් ගායන ප්‍රසංගයක් පැවැත්වූ ඉංජිනේරු සේවා බළකා රෙජිමේන්තු මධ්‍යස්ථානය සංගීතයෙන් හා ප්‍රීතියෙන් ජීවයට පත් විය. ඉංජිනේරු සේවා බළකා කර්නල් සේනාවිධායක මේජර් ජෙනරාල් කේ ඒ එන් රසික කුමාර එන්ඩීසී පීඑස්සී ගේ මඟ පෙන්වීම යටතේ මෙම සංගීත සන්ධ්‍යාව සංවිධානය කරන ලදී. මෙම සිත් ඇදගන්නාසුළු සංගීත සන්ධ්‍යාව සහයෝගීතාවය සහ සුහදතාවයෙන් පිරුණු අමතක නොවන සන්ධ්‍යාවක් සඳහා සම්භාවනීය අමුත්තන්, ගෞරවනීය හමුදා නිලධාරීන් සහ ඔවුන්ගේ පවුල් එක්රැස් කළේය.
