ඒකකයට බඳවාගත් වෘත්තීය සෙබළුන් සඳහා මූලික බඳවා ගැනීමේ පුහුණු පාඨමාලා යුද්ධ හමුදා පුහුණු පාසල් මගින් පවත්වන ලදී. ඔවුන්ගේ ප්‍රවර්ධන පාඨමාලා සහ සරඹ, ශාරීරික අභ්‍යාස වැනි අනෙකුත් අදාළ පුහුණු කිරීම් කාලතුවක්කු සහ අනෙකුත් රෙජිමේන්තුවල සෙසු නිල උපදේශකයින් විසින් පවත්වන ලදී. පාබල හමුදාව, පනාගොඩ යුධ හමුදා කඳවුරේ පිහිටා ඇත. පසුව 1980 දී දියතලාව හමුදා විද්‍යාපීඨයේ මූලික හමුදා පුහුණුවෙන් පසු එම ඒකකයට එක් වූ කනිෂ්ඨ නිලධාරීන් (දෙවන ලුතිනන්වරුන්) විසින් පුහුණු වැඩසටහන් ආරම්භ කරන ලදී.
ඉංජිනේරු සේවා වෘත්තීය පාසල මුලින්ම කාර්ය සේවා ශ්‍රී ලංකා ඉංජිනේරු පුහුණු පාසල ලෙස කාර්ය සේවා ශ්‍රී ලංකා ඉංජිනේරු රෙජිමේන්තු මූලස්ථාන පරිශ්‍රයේදී 1990 දෙසැම්බර් 03 දින ආරම්භ කරන ලදී. එහි ප්‍රථම සේනාවිධායක ලෙස ලුතිනන් කර්නල් එන් ගුණතිලක පත් කරන ලදී.
ආරම්භයේ දී, ඒකකයේ පුහුණු පාසල සීමිත සෙබළුන් සංඛ්‍යාවක් සඳහා බඳවා ගැනීමේ පුහුණු පාඨමාලා, ප්‍රවර්ධන පාඨමාලා සහ මූලික පාඨමාලා පවත්වන ලදී. පාසලේ ශීඝ්‍ර ප්‍රගතිශීලී සංවර්ධනය සහ කාලයත් සමඟ පාසල විසින් පවත්වනු ලබන පාඨමාලා සංඛ්‍යාව ක්‍රමක්‍රමයෙන් වැඩි වීම හේතුවෙන් ඉංජිනේරු සේවා වෘත්තීය පාසල 1998 දී කොස්ගම සාලාව තුනී ලෑලි සංස්ථා පරිශ්‍රයේ වෙනත් ස්ථානයකට ගෙන යන ලදී. පනාගොඩ පිහිටි ඉංජිනේරු සේවා බළකායේ රෙජිමේන්තු මූලස්ථානය, සෙබළුන් 130 දෙනෙකු සඳහා බඳවා ගැනීමේ පුහුණු පාඨමාලාවක් පැවැත්වීමෙන් අනතුරුව, 2000 වර්ෂයේ දී, පාසල අනුරාධපුර තිසාවැව, 2 ඉංජිනේරු සේවා රෙජිමේන්තු පරිශ්‍රයේ ස්ථානගත කරන ලදී. මේ වන විට ඉංජිනේරු සේවා වෘත්තීය පාසල අනෙකුත් යුද හමුදා පුහුණු ආයතන අතර සුවිශේෂී ස්ථානයක් ලබා ගත් අතර වාර්ෂිකව බඳවා ගන්නා සෙබළුන් 450 ක් සඳහා පුහුණු පාඨමාලා ද, සෙසු නිලයන් 250 ක් සඳහා උසස්වීම් පාඨමාලා ද, අනෙකුත් රෙජිමේන්තුවල සෙසු නිලයන් 200 ක් සඳහා වෘත්තීය පාඨමාලා ද පවත්වනු ලැබීය.
2002 වර්ෂයේදී, ඉංජිනේරු සේවා වෘත්තීය පුහුණු පාසල අනුරාධපුරයේ තලාව, ගලයාය ප්‍රදේශයේ ස්වාධීන වෘත්තීය පාසලක් ලෙස ස්ථිරව ස්ථානගත කරන ලදී. වර්තමානයේ ඉංජිනේරු සේවා වෘත්තීය පාසල වාර්ෂිකව භට පිරිස් 1500 කට අධික සංඛ්‍යාවක් සඳහා විවිධ පාඨමාලා පවත්වනු ලබන අතර, බඳවා ගැනීමේ පුහුණු පාඨමාලා 03 බැගින්, බඳවාගැනීම් 300 බැගින්, උසස්වීම් පාඨමාලා 04 බැගින් සෙසු නිලයන් 100 කින් සමන්විත වේ. මේ වන විට නිලධාරීන්/ ජ්‍යෙකොනොනි සඳහා ඒකක නඩත්තු පාඨමාලාවක්, ජ්‍යෙකොනොනි, ජලනල නඩත්තු පාඨමාලා, විදුලි කාර්මික පාඨමාලා, වඩු කාර්මික පාඨමාලා, ජල පොම්ප සහ ජනන යන්ත්‍ර නඩත්තු පාඨමාලා සිදුකරනු ලබන ශ්‍රී ලංකා යුද හමුදාවේ හොඳින් ස්ථාපිත වෘත්තීය පාසලක් බවට පත්ව ඇත.
කපිතන් එස්වී ලීලාරත්න ප්‍රථම ප්‍රධාන උපදේශකවරයා වූ අතර, කපිතන් වයිකේඑස් රංගික ප්‍රථම විධායක අධිකාරි වූ අතර කපිතන් (උපා) ඩබ්ලිව්එම් චන්ද්‍රදාස පළමු උපකරණ පාලන නිලධාරි විය. බනි 11 ජයරත්න ඊකේඑස් ඉංජිනේරු සේවා වෘත්තීය පාසලෙහි පළමු රෙජිමේන්තු සැරයන් මේජර් ලෙස රාජකාරි ඉටු කළේය.
වර්තමානයේ ලුතිනන් කර්නල් ජීපීජේපී පෙරේරා ඉසේබ ඉංජිනේරු සේවා වෘත්තීය පාසලේ වැඩබලන සේනාවිධායක ලෙස කටයුතු කරයි.
