02nd March 2023 00:00:00 Hours
ශ්‍රීලංකා සංඥා බලකායේ 15 වන බලකාධිපති ලෙස රාජකාරි ඉටුකල මේජර් ජෙනරාල් එච්එම්එල්ඩී හේරත් ආර්එස්පී වීඑස්වී යූඑස්පී පීඑස්සී ජ්‍යෙෂ්ඨ නිලධාරි වසර 35 ක ආදර්ශමත් සේවා කාලයකින් පසුව 2023.03.02 දින යුද්ධ හමුදා සේවයෙන් විශ්‍රාම යන ලදී.
ඊට සමගාමීව තත් ජ්‍යෙෂ්ඨ නිලධාරි රෙජිමේන්තු මධ්‍යස්ථාන ප්‍රධාන දොරටුව අසලදී මධ්‍යස්ථාන සේනාවිධායක විසින් පිළිගැනීමෙන් පසු කඳවුරු මුරයක් පිරිනමන ලදී. ඉන් අනතුරුව තත් ජ්‍යෙෂ්ඨ නිලධාරි විසින් මියගිය රණවිරුවන් සිහිකරමින් මෙම රෙජිමේන්තු මධ්‍යස්ථාන රණවිරු ස්මාරකය වෙත පුෂ්පෝපහාර දක්වන ලදී. පසුව තත් ජ්‍යෙෂ්ඨ නිලධාරි වෙනුවෙන් සම්මාන මුරයක් පවත්වන ලදී.
තත් ජ්‍යෙෂ්ඨ නිලධාරීගේ විශ්‍රාම ගැනීම වෙනුවෙන් බලලත් නිලධාරි සහ සැරයන් නිවස්නය වෙතින් තේපැන් සංග්‍රහයක් පවත්වන ලදී. ඉන් පසුව සෙසුනිල භෝජනාගාරය තුළ සියළු නිලයින් වෙනුවෙන් දිවා භෝජන සංග්‍රහයක් පවත්වන ලද අතර, එහිදී එම ජ්‍යෙෂ්ඨ නිලධාරි විසින් අතීතය ආවර්ජනය කරමින් සියළු නිලයින් අමතන ලදී.
ඉන් අනතුරු රෙජිමේන්තු මධ්‍යස්ථාන කාර්යාලය ඉදිරිපිට සිට ප්‍රධාන දොරටුව දක්වා සියළුම නිලධාරීන් සහ සෙසුනිලයින් පෙලගස්වා තත් ජ්‍යෙෂ්ඨ නිලධාරි වෙත ආචාර දැක්වීමට කටයුතු කරන ලදී. පසුව තත් ජ්‍යෙෂ්ඨ නිලධාරිතුමන් ප්‍රධාන දොරටුව අසලදී සංඥා බලකා කඳවුර වෙත ආචාර කර කඳවුරු පරිශ්‍රයෙන් නික්ම යන ලදී.
අවසාන වශයෙන් එදිනම එම ජ්‍යෙෂ්ඨ නිලධාරි වෙනුවෙන් රෙජිමේන්තු මධ්‍යස්ථාන නිලධාරි නිවස්නයේදී රාත්‍රී භෝජන සංග්‍රහයක් පවත්වන ලදී.
