කර්නල් සේනාවිධායකගේ සන්නද්ධ බළකා පුහුණු මධ්‍යස්ථානය සහ 3 වන සන්නද්ධ රෙජිමේන්තු සංචාරය

2024 අගෝස්තු 12 වන දින, ශ්‍රී ලංකා සන්නාහ සන්නද්ධ බළකායේ කර්නල් සේනාවිධායක සහ බටහිර ආරක්ෂක සේනා ආඥාපති මේජර් ජෙනරල් එස් ඩබ්ලිව් එම් ප්‍රනාන්දු ඩබ්ලිව්ඩබ්ලිව්වී ආර්ඩබ්ලිව්පී ආර්එස්පී වීඑස්වී යුඑස්පී එන්ඩීසී පීඑස්සී සන්නාහ සන්නද්ධ බළකා පුහුණු මධ්‍යස්ථානයේ (සබපුම) සහ 3 වන සන්නද්ධ රෙජිමේන්තුවේද සංචාරයක නිරත විය.

සබපුම හි දී, කර්නල් සේනාවිධායක කඳවුරු මුරයක් සමඟින් පිළිගනු ලැබූ අතර, පුහුණු මධ්‍යස්ථානයේ සේනාවිධායක කර්නල් ඒ එච් ආර් හසන්ත ආර්එස්පී පීඑස්සී විසින් උණුසුම් ලෙස පිළිගනු ලැබීය. සිය සංචාරය අතරතුර, කර්නල් සේනාවිධායක විසින් සියලුම නිලයන් අමතමින්, තීක්‍ෂණ බුද්ධිය බෙදාහදා ගත් අතර, නිලධාරීන් සහ භට පිරිස් සඳහා සංවිධානය කරන ලද තේ පැන් සංග්‍රහයකට ද සහභාගී විය. සමරු තිළිණයක් සහ සමූහ ඡායාරූපයක් පිළිගැන්වීමෙන් මෙම අවස්ථාව සනිටුහන් විය. මීට අමතරව, බ්‍රිගේඩියර් ඒ පී සී ආර් ප්‍රේමතිලක ආර්එස්පී යූඑස්පී එන්ඩීසී, මධ්‍යස්ථාන සේනාවිධායක ශ්‍රීලසසබ සහ බ්‍රිගේඩියර් ඒ ඒ ඩී පී කුලතිලක යූඑස්පී එන්ඩීසී පීඑස්පී, සන්නද්ධ බලසේනාවේ බලසේනාධිපති මෙම සංචාරයට ගෞරව දැක්වීම සඳහා පැමිණ සිටියහ.

සබපුම සංචාරයෙන් අනතුරුව, කර්නල් සේනාවිධායකවරයා 3 වන සන්නද්ධ රෙජිමේන්තුව වෙත ගිය අතර, එහිදී ඔහුට කඳවුරු මුරයක් පිරිනමන ලදී. රෙජිමේන්තු භට පිරිස් සමඟ සමූහ ඡායාරූපයක් සහ මියගිය රණවිරුවන් අනුස්මරණය කිරීම සඳහා රෙජිමේන්තුවේ ස්මාරකය වෙත පුෂ්පෝපහාර දැක්වීම ඔහුගේ ක්‍රියාකාරකම් අතර විය. ඔහු භට පිරිස් අමතා කළ දේශනය අතරතුර දිරිගැන්වීමේ වචන පිරිනැමූ අතර සෙබළුන්ගේ දරුවන්ට පැන්සල් එකතුවක් පිරිනැමීය. ඒ වෙනුවෙන් 3 වන සන්නද්ධ රෙජිමේන්තුව ඔහුට සමරු ඵලකයක් තිළිණ කළා. සහභාගී වූවන් අතර සුහදත්වය සහ ආවර්ජනය වර්ධනය කරමින් තේ පැන් සංග්‍රහයකින් සංචාරය අවසන් විය.

සන්නාහ සන්නද්ධ බළකාය තුළ ඇති බැඳීම් ශක්තිමත් කිරීමට සහ එහි සාමාජිකයන්ගේ උරුමය සහ දායකත්වයට ගෞරව කිරීමට කර්නල් සේනාවිධායකගේ කැපවීම මෙම සංචාරයන් දෙකෙන්ම අවධාරනය කරන ලදී.