ශ්‍රී ලංකා ගුවන් හමුදා විද්‍යාපීඨයේ කනිෂ්ඨ අණ සහ මාණ්ඩලික පාඨමාලාවේ 4 වන සන්නද් රෙජිමේන්තු සංචාරය

2024 අගෝස්තු 03 වන දින, 4 වන සන්නාහ සන්නද්ධ රෙජිමේන්තුව විසින් ශ්‍රී ලංකා ගුවන් හමුදා විද්‍යාපීඨයේ 76 වන කනිෂ්ඨ අණ හා මාණ්ඩලික පාඨමාලාවේ ශිෂ්‍ය නිලධාරීන් සඳහා සත්කාරකත්වය සපයන ලදී. 4 වන සන්නාහ සන්නද්ධ රෙජිමේන්තුවේ මෙහෙයුම්, හැකියාවන් සහ උපකරණ පිළිබඳ අවබෝධයක් ලබා දෙමින් අන්තර් සේවා සහයෝගීතාව වර්ධනය කිරීමේ අරමුණින් පැමිණි ශිෂ්‍ය නිලධාරීන් 30 දෙනෙකු රෙජිමේන්තුව විසින් උණුසුම් ලෙස පිළිගනු ලැබීය.

සංචාරය ආරම්භ වූයේ අණදෙන නිළධාරියා සමඟ අන්තර් ක්‍රියාකාරී සැසියකින්. ඉන් අනතුරුව, 4 වන සන්නාහ සන්නද්ධ රෙජිමේන්තුවේ මෙහෙයුම් ඉතිහාසය පිළිබඳ සවිස්තරාත්මක අදහසක් ශිෂ්‍ය නිලධාරීන් වෙත ලබා දුන් අතර ඉන් අනතුරුව යුද ටැංකි දැනුවත් කිරීමේ වැඩසටහනක් ද පවත්වන ලදී.