16th April 2024 17:32:42 Hours
4 සන්නාහ සන්නද්ධ රෙජිමේන්තුව 2024 අප්‍රේල් 16 වැනි දින බහුවිධ ප්‍රජා සේවා කටයුතු සිදු කරන ලදී.
එම ඒකකයේ ස්වේච්ඡා සාමාජිකයින් විසින් උදෑසන ත්‍රිකුණාමලය මහ රෝහලට අවශ්‍ය රුධිරය පරිත්‍යාග කරන ලදී.
මේ අතර එදිනම පොත් ප්‍රදානය කිරීමේ වැඩසටහනක්ද පැවැත්විණි. මොරවැව විද්‍යාවර්ධන විද්‍යාලයේ 1 සිට 5 ශ්‍රේණිය දක්වා සියලුම සිසුන් සඳහා අධ්‍යයන වර්ෂය සඳහා අවශ්‍ය ලිපි ද්‍රව්‍ය ඇතුළු පොත් ඇසුරුම් 47ක් මෙම උත්සවයේදී ලබා දෙන ලදී. ඕස්ට්‍රේලියාවේ සිටින ශ්‍රී ලාංකික විදේශිකයෙකු වන නාරද සමරසිංහ මහතා විසින් මෙම සුහද කටයුතු සඳහා අරමුදල් සපයන ලදී. මෙම අවස්ථාවට 4 වන සන්නාහ සන්නද්ධ රෙජිමේන්තුවේ අණදෙන නිලධාරී සහ නියෝජිතයින් සහභාගී විය.
