75 වන ශ්‍රී ලංකා යුද්ධ හමුදා සංවත්සරයට සමගාමීව ශ්‍රී ලංකා සන්නාහ සන්නද්ධ බළකායේ හෘදයාංගම ප්‍රජා සත්කාරය

ශ්‍රී ලංකා යුධ හමුදාවේ 75 වන සංවත්සරය නිමිත්තෙන්, ශ්‍රී ලංකා සන්නාහ සන්නද්ධ බළකාය විසින් 2024 සැප්තැම්බර් 26 වන දින, මානසික හා ශාරීරික ආබාධ සහිත පුද්ගලයින් සඳහා වෙන් වූ ප්‍රීතිපුර නිවස්නය - වත්තල දී ප්‍රජා සත්කාරක ව්‍යාපෘතියක් සංවිධානය කරන ලදී.

භට පිරිස් විසින් පරිශ්‍රයේ පිරිසිදුතාව හා අලංකරනය සඳහා සිදුකල ශ්‍රමදානයකින් දිනය ආරම්භ විය. ඉන් අනතුරුව බළකා කැලිප්සෝ සංගීත කණ්ඩායම මගින් විනෝදාස්වාද වැඩසටහනක් පැවැත්වූ අතර එහිදී සියළු නේවාසිකයින් හට උසස් ප්‍රණිත තේ පැන් සංග්‍රහයක් පිරිනමන ලදි. සැසියක් ද පවත්වන ලදී. මෙය සියල්ලන්ටම අමතක නොවන සහ අනර්ඝ අත්දැකීමක් විනි.