4 සන්නද්ධ රෙජිමේන්තුව විසින් ආරම්භ කරන ලද අසරණ පවුලක් සඳහා නව නිවසක් ඉදිකිරීම

ත්‍රිකුණාමලය, මොරවැව ප්‍රදේශයේ පදිංචි අසරණ පවුලක් සඳහා නව නිවසක් ඉදිකරදීම සඳහා මුල්ගල තැබීමේ උත්සවය 2024 අගෝස්තු 01 වැනි දින උදෑසන ආගමික වතාවත් මධ්‍යයේ පැවැත්විණි.

22 පාබල සේනාංකයේ, සේනාංකාධීපති මේජර් ජෙනරල් අනිල් පීරිස් ආර්එස්පී යූඑස්පී පීඑස්සී ගේ අධීක්ෂණය යටතේ යුද්ධ හමුදාවේ ප්‍රජා සේවා ක්‍රියාකාරකම්වල කොටසක් ලෙස 4 වන සන්නාහ සන්නද්ධ රෙජිමේන්තුව විසින් මෙම පිංවත් ව්‍යාපෘතිය භාර ගනු ඇත. ස්විට්සර්ලන්තයේ වෙසෙන දානපතියන් වන ප්‍රභාත් පෙරේරා මහතා සහ එම මහත්මිය ව්‍යාපෘතිය සඳහා අනුග්‍රහය දක්වයි.

4 වන සන්නාහ සන්නද්ධ රෙජිමේන්තුවේ අණදෙන නිලධාරී, ප්‍රදේශයේ ප්‍රභූන් කිහිප දෙනෙකු, 4 වන සන්නාහ සන්නද්ධ රෙජිමේන්තුවේ නිළධාරීන් සහ සෙසු නිලයින් මෙම අවස්ථාවට සහභාගී වූහ.