4 වන සන්නද්ධ රෙජිමේන්තුව සිය වසර 33 ක විශිෂ්ටත්වය සමරයි

2024 සැප්තැම්බර් 24 වන දින, 4 වන සන්නාහ සන්නද්ධ රෙජිමේන්තුව, එහි 33 වන සංවත්සරය ක්ලැපන්බර්ග් යුද්ධ හමුදා කඳවුරේදී අභිමානවත්ව සමරනු ලැබීය.

සැප්තැම්බර් 18 වැනි දින බෝධි පූජාවකින් ආරම්භ වූ අතර, සැප්තැම්බර් 19 වැනි දින දානමය පිංකමකින් අනතුරුව සැප්තැම්බර් 20 වැනි දින සර්ව ආගමික උත්සවයක් ද, සැප්තැම්බර් 23 වැනි දින මියගිය විරුවන්ට උපහාර පිදීමේ රණවිරු ගුණානුස්මරණයක්ද පැවැත්විණි.

සංවත්සර දිනයේදී රෙජිමේන්තු නිලධාරින් සහ සෙසු නිලයින් විසින් අණදෙන නිළධාරී හට උත්කර්ෂවත් සම්මාන පෙළපාලියක් පවත්වන ලදී. පෙළපාලිය අතරතුර, වසර තුළ පුහුණුවීම්, පරිපාලනය සහ ක්‍රීඩා අංශයන්හි දක්ෂතා දැක්වූ බලඝණ සහ නිලයින් සඳහා සම්මාන ප්‍රදානයක්ද සිදුකරන ලදි.

33 වන සංවත්සරය සනිටුහන් කිරීම සදහා, අණදෙන නිලධාරී විසින් පැළයක් රෝපණය කළ අතර, නව නිලධාරී නවාතැන් ගොඩනැගිල්ලක සඳහා මුල්ගල තැබීය. ඉන් අනතුරුව අණදෙන නිලධාරි විසින් සියළු නිල දිවා භෝජන සංග්‍රහයක් සදහා සහභාගී වී ඉන් අනතුරුව නිලධාරි නිවස්නයේ පැවති සුහද හමුවෙන් අනතුරුව සංවත්සර දින සැමරුම අවසන් විය.