මේජර් ජෙනරාල් කේවීඒන්පී ප්‍රේමරත්න ආර්ඒස්පී යුඒස්පී පීඒස්සී
සේනාංකාධිපති
23 පාබල සේනාංකය
23 වන පාබල සේනාංකයේ සේනාංකාධිපති වශයෙන් රාජකාරි සිදු කරනු ලබන මේජර් ජෙනරාල් කේවීඑන්පී ප්‍රේමරත්න ආර්ඒස්පී යුඒස්පී පීඑස්සී ජ්‍යෙෂ්ඨ නිලධාරීතුමන් මාතර ශාන්ත සර්වේසස් විද්‍යාලයෙන් තම අධ්‍යාපන කටයුතු හැදෑරීමෙන් පසු,1990 ජූලි මස 14 වන දින දියතලාව ශ්‍රී ලංකා යුද හමුදා විද්‍යාපීඨයේ පාඨමාලා අංක 34 යටතේ ශ්‍රී ලංකා යුද්ධ හමුදාවට එක් වුනි. එහිදී මූලික යුද්ධ හමුදා පුහුණුව සාර් ථකව නිම කිරීමෙන් පසු 1992 ජුනි මස 06 වන දින දෙවන ලුතිතන්වරයෙකු වශයෙන් අධිකාරියට පත්වශ්‍රී ලංකා කාලතුවක්කු රෙජිමේන්තුව වෙත ඇතුලත්ව තම යුද්ධ හමුදා දිවිය ආරම්භ කරන ලදී.
මෙම ජ්‍යෙෂ්ඨ නිලධාරි කාලතුවක්කු ඒකකයන්හි කණිෂ්ඨ නිලතල මෙන්ම ජ්‍යෙෂ්ඨ නිලතලද හොබවා ඇති අතර, රණකාමී සක්‍රීය ක්‍රීයාන්විත රාජකාරීන් වෙනුවෙන් පිරිනමන ලබන විශිෂ්ඨ පදක්කම් වන රණ ශූර පදක්කම කණිෂ්ඨ නිලධාරියෙකු වශයෙන් රාජකාරී කරන කාලසීමාවේදිම ලබාගැනීම කැපී පෙණෙන කරුණකි.තවද, වසර 33 ක සේවා දිවිය තුල එතුමන්ගේ නොකැලැල් සේවය ඇගයීම වෙනුවෙන් උත්තම සේවා පදක්කමින් ද පිදුම් ලැබඇත.
මෙම ජ්‍යෙෂ්ඨ නිලධාරි යුද්ධ හමුදා දිවියේ විවිධ වු අණදීමේ තනතුරු වලින් හෙබි ඉතා කීර්තීමත් සේවාවක් ඉටුකල යුද්ධ හමුදාව තුල පිළිගැනීමට ලක් වු ජ්‍යෙෂ්ඨ නිලධාරි වරයෙකි.
මෙම ජ්‍යෙෂ්ඨ නිලධාරි යුද්ධ හමුදා දිවියේ අණදීමේ හොබවන ලද තනතුරු පහත දැක්වේ.
- බතරොයි අණදෙන නිලධාරි - 6 වන කාරක රෙජිමේන්තුව ශ්‍රි ලංකා කාලතුවක්කු හමුදාව
- දෙවන අණදෙන නිලධාරි - 16 වන කාලතුවක්කු හමුදාව
- අණදෙන නිලධාරි- 16 වන කාලතුවක්කු හමුදාව
- නිලධාරී උපදේශක - ශ්‍රී ලංකා හමුදා ඇකඩමිය, දියතලාව
- බලසේනාමේජර් - 211 පාබල බලසේනාව
- අධ්‍යක්ෂක මාණ්ඩලික නිලධාරී අධ්‍යයන මධ්‍යස්ථානය - ශ්‍රී ලංකා හමුදා ඇකඩමිය, දියතලාව
- ප්‍රධාන මාණ්ඩලික නිලධාරි 1 (මෙහෙයුම්) -ක්‍රියාන්විත මෙහෙයුම් අධ්‍යක්ෂක මණ්ඩලය, ශ්‍රී ලංකා යුධ හමුදා මූලස්ථානය.
- බළසේනාධිපති - 551 පාබල බළසේනා මුලස්ථානය
- යුධ හමුදාපති යුධ සහයක (2011-2013)
- ආරක්ෂක මාණ්ඩලික ප්‍රධානී ලේකම් (2013-2014)
- ප්‍රධාන උපදේශක - ශ්‍රී ලංකා හමුදා ඇකඩමිය, දියතලාව
- අණදෙන නිලධාරී - කැඩෙට් නිලධාරි පුහුණු අංශය, ශ්‍රී ලංකා හමුදා ඇකඩමිය, දියතලාව
- හමුදා නිරීක්ෂක නිලධාරි - බටහිර සහරාහි (2008-2009) එක්සත් ජාතීන්ගේ දූත මණ්ඩලය
- අධ්‍යක්ෂක - ජනමාධ්‍ය අධ්‍යක්ෂක මණ්ඩලය
- බ්‍රිගේඩියර් ප්‍රමානි - ආරක්ෂක සේනා මුලස්ථානය (බටහිර)
ඔහුගේ දීර්ඝ යුද්ධ හමුදා සේවා කාලය තුල ඔහු දේශීය/විදේශීය පුහුණු පාඨමාලා ගණනාවක්ම හදාරා ඇති අතර එම පාඨමාලා කිහිපයක් පහත දැක්වේ.:
- අණ හා මාණ්ඩලික පාඨමාලාව - යුද්ධ හමුදා අණ හා මාණ්ඩලික විද්‍යාලය, සපුගස්කන්ද
- කාලතුවක්කු තරුණ නිලධාරී පාඨමාලාව - ඉන්දියාව
- උසස් කාලතුවක්කු පාඨමාලාව - පකිස්ථානය
- ප්‍රථිත්‍රස්ත ප්‍රථිපත්ති සහ උපායමාර්ග පාඨමාලාව - ඇමරිකා ඒක්සත් ජනපදය
යුද්ධ හමුදාව තුළ ලබා ගත් පුහුණූව හා දැනුමට අමතරව, මෙම ජ්‍යෙෂ්ඨ නිලධාරී ලබා ගෙන ඇති විශය භාහිර සුදුසුකම් බොහෝය. එම අධ්‍යාපනික සුදුසුකම් නම් වශයෙන්,
- උපාය මාර්ගික ආරක්ෂක අධ්‍යයනය පිළිබද ශාස්ත්‍රපති උපාධිය - ඇමරිකා ඒක්සත් ජනපදය
- තවද මෙම ජ්‍යෙෂ්ඨ නිලධාරි "ප්‍රති කැරැල්ලට බාහිර කොන්දේසි වෙනස් කිරීමේ බලපෑම, ශ්‍රී ලාංකේය අත්දැකීම" නම් ග්‍රන්ථයේ කතුවරයාද වේ.
