මැදින්පුර පසොලොස්වක පොහොය දින බෞද්ධ ආගමික වශයෙන් සාසනික ඉතිහාසයට අනුව බුදුරජාණන් වහන්සේගේ බුද්ධත්වයෙන් පසු කිඹුල්වත් නුවරට වැඩම කිරීම, යමාමහ පෙරහර පෑම,රාහුල කුමරු පැවිදි කිරීම සහ නන්ද කුමරු පැවිදි කිරීම ආදී වූ සාසනික වශයෙන් අතිශය වැදගත් වු සිද්ධීන් පාදක කොට ගෙන බෞද්ධයන් හට වැදගත් පොහොය දිනයකි. 2025 ක් වු මැදින් මාස 13 වන දින ආරක්ෂක සේනා මුලස්ථානයෙහි බටපිරිස් විසින් පූජ්‍ය දෙල්විට මෙත්තාලංකාර ස්වාමීන් වහන්සේ ආරක්ෂක සේනා මූලස්ථානයට වඩම්මවා බෝධි පූජාමය පිංකමක් සහ කෙටි ධර්මදේශණාවක් පවත්වා මියගිය රණවිරුවනට පිං පැමිණවීමත් රණක්ෂිතයට පත් රණවිරුවන්ට ඉක්මන් සුවය ප්‍රාර්ථනා කිරීමත් රාජකාරියෙහි නියුතු රණවිරුවන්ට සහ සමස්ථ ශ්‍රි ලංකාවාසි සියලු දෙනා වෙත සෙත් පැතීම ඇතුලු ආරක්ෂක සේනා මුලස්ථානයේ රාජකාරි නියුතු සියලු දෙනාගේ අධ්යාත්මික ගුණධර්ම වර්ධනය කිරීම යන අරමුණු මුල්කොට ගනිමින් ආරක්ෂක සේනා ආඥාපති (නැගෙනහිර), මේජර් ජෙනරාල් පී ආර් පතිරවිතාන යූඑස්ඒඩබ්ලිව්සී පීඑස්සී ජ්‍යෙෂ්ඨ නිලධාරිගේ උපදෙස් පරිදි සිදුකෙරිණි.
