පැතිකඩ

ශ්‍රී ලංකා යුධ හමුදාවේ කිර්තිමත් පාබල රෙජිමේන්තුවක් වන ‘සමගිය ශක්තියයි’ යන උද්ධෘත පාඨය පෙරදැරි කරගත් ශ්‍රි ලංකා යුද්ධ හමුදා ගජබා රෙජිමේන්තුවේ කීර්තිමත් ජ්‍යෙෂ්ඨ නිළධාරියෙක් වන මෙතුමන් 1971ඔක්තෝබර් මස 21 වන දින මහනුවර නගරයේදී උපත ලබා සිල්වෙස්ටර් විද්‍යාලය - මහනුවර වෙතින් අධ්‍යාපනය හදාරා ඇත. කුඩා කාලයේදීම පාසලේ බොක්සිං ක්‍රීඩකයෙකු ලෙස දස්කම් දක්වා ඇති ඔහු 1983 සිට 1990 දක්වා පාසලේ අපරාජිත බොක්සිං ක්‍රීඩකයා බවට පත්වෙමි. සහභාගී වූ සෑම බොක්සිං තරඟාවලියකම රන් පදක්කම් සියල්ලම දිනා ගත්තේය. ශ්‍රී ලංකා බොක්සිං කණ්ඩායම සහබාගි වු ස්වීඩනයේ පැවැති ජාත්‍යන්තර තරගාවලියේ හොඳම විදේශීය බොක්සිං ක්‍රීඩකයා බවට පත්වෙමින් රන් පදක්කමක්ද දිනා ගත්තේය.

1990 ජුලි මස 14 වන දින කෙඩෙට් නිලධාරි පාඨමාලා අංක 34 යටතේ ශ්‍රි ලංකා යුද්ධ හමුදාවට බැදුනු මෙතුමන් 1992 ජුනි 06 වන දින අධිකාරියට පත් කර ඇත. එතැන්පටන් වසර 34 කට ආසන්න කාලයක් ශ්‍රි ලංකාවේ සෑම ප්‍රදේශයකම යුධ හමුදාවේ නොයෙකුත් නිලතල දරමින් ඉතා විශිෂ්ඨ ලෙස සේවය කර ඇත.

• ඛණ්ඩභාර නිලධාරි - 1 ගරෙ,
• නිලධාරි අණදෙන මුලස්ථාන බළඇණිය - රෙම ගරෙ,
• විධායක අධිකාරි මුලස්ථාන බළඇණිය - රෙම ගරෙ,
• නිලධාරි අණදෙන - 6 ගරෙ,
• ප්‍රමානි 2 -පුහුණුඅම,
• ප්‍රමානි 2 (ක්‍රියා/පුහුණු) -ආසේමු(නැ),
• මානි 2 - යුසේලේශා,
• දෙවන අණදෙන නිලධාරි - 3 ගරෙ,

ලෙසද කටයුතු කර ඇත.

 එසේම,අණදෙන නිලධාරි - 3 ගජබා රෙජිමේන්තුව, යුධ සේවා ලේකම් ශාඛාවේ මාණ්ඩලික නිලධාරි 1ලෙසද පාබල පුහුණු මධ්‍යස්ථානයේ වැඩ බලන සේනාවිධායක ලෙසද කටයුතු කර ඇති මෙතුමන් ආරක්ෂක සේනා මුලස්ථානය (යාපනය) ප්‍රධාන මාණ්ඩලික නිලධාරි (1) ක්‍රියාන්විත ලෙසද

• නියෝජ්‍ය මධ්‍යස්ථාන සේනාවිධායක - රෙම ගරෙ,
• කර්නල් ප්‍රධාන මාණ්ඩලික - 52 පාසේමු,
• කර්නල් ප්‍රධාන මාණ්ඩලික -ක්‍රියාන්විත අධ්‍යක්ෂ මණ්ඩලය- යුහමු,
• බලසේනාධිපති - 532 බසේමු,
• බලසේනාධිපති - ගුවන් සංග්‍රාමික බලසේනාව,

ගජබා රෙජිමේන්තු මධ්‍යස්ථානය සේනාවිධායක ලෙසත් රාජකාරි කර ඇත.

කොංගෝ හි සාම සාධක මෙහෙයුමේ නිරික්ෂණ නිලධාරි ලෙස 2002 වර්ෂයේ හා ලෙබනන් සාම සාධක මෙහෙයුමෙහි Contingent Commander ලෙසද 2016 වර්ෂයේදී විශිෂ්ඨ සේවයක් කර ඇති ජ්‍යෙෂ්ඨ නිලධාරියෙකි.

මානව හිමිකම් හා මානුෂ්‍යවාදි නීති අධ්‍යක්ෂ මණ්ඩලයේ අධ්‍යක්ෂක, යුද්ධ හමුදා යුධ විද්‍යාලය - බුත්තල සේනාවිධායක තනතුරු හොබවමින් මේ දක්වා සේවය කර ඇති මෙතුමන් අත්දැකීම් බහුල කීර්තිමත් දක්‍ෂ ජ්‍යෙෂ්ඨ නිලධාරියෙකි.

 තම සේවා කාලය තුල මෙම ජ්‍යෙෂ්ඨ නිලධාරි දේශීය මෙන්ම විදේශීය පාඨමාලා රාශීයක් හදාරා ඇත.

• බුද්ධි නිලධාරි පාඨමාලාව,
• මානව හිමිකම් මුලික පාඨමාලාව,
• කණ්ඩායම් නිලධාරි අණදෙන පාඨමාලාව,
• පැරෂුට් පාඨමාලාව,
• අණ හා මාණ්ඩලික නිලධාරි පාඨමාලාව,
• සාමසාධක සෙහෙයුම් උපදේශක පාඨමාලාව- කුකුලේගග හා
• කණිෂ්ඨ අණදෙන නිලධාරි පාඨමාලාව-ඉන්දියාව,
• තරුණ නිලධාරි පාඨමාලාව (පාබල) - ඉන්දියාව,
• රෙජිමේන්තු සංඥා නිලධාරි පාඨමාලාව - ඉන්දියාව,
• ජාතික ආරක්ෂක පාඨමාලාව-ඉන්දියාව,
• එක්සත් ජාතින්ගේ සාමසාධක මෙහෙයුම් නිරික්ෂණ පාඨමාලාව-කොංගෝ,
• එක්සත් ජාතින්ගේ යුධ හා සිවිල් පොලිස් පාඨමාලාව-ඉරානය

යන විදේශ පාඨමාලා හදාරා ඇත.

තම ජීවිතය පරදුවට තබා ක්‍රියාන්විතයන් හිදි දක්වන ලද විශිෂ්ඨත්වය සදහා රණ වික්‍රම පදක්කම 2වරක්ද, රණ ශූර පදක්කම3 වරක්ද පිදුම් ලබා ඇති මෙතුමන් වසර 34 කාලය තුලදි යුද්ධ හමුදාවේ අනෙකුත් බොහෝමයක් පදක්කම් වලින්ද පිදුම් ලබා ඇත.

උදාරි අනුපමා ගමගේ මැතිණිය හා විවාහ වී සිටින මෙතුමන් ආදරණිය දූ දරුවන් දෙදෙනෙකුගේ එනම් ;එක් දියණියකගේ හා එක් පුතනුවෙකුගේ ආදරණීය පියෙකි.

මේජර් ජෙනරාල් යුකේඩිඩිපි උඩුගම ආර්ඩබ්ලිව්පි ආර්එස්පි යුඑස්පි එන්ඩිසි පිඑස්සි තම යුධ හමුදා දිවියේ අසීමිත වූ අත්දැකීම් සම්භාරය තුලින් දැනට ත්‍රිකුණාමලයේ 22 වන පාබල සේනාංකයේ 31 වන සේනාංකාධිපති ලෙස සේවය කරයි.