මේජර් ජෙනරාල් එච්සීඑල් ගලප්පත්ති ආර්එස්පී යුඑස්පී
පාබල සේනාංකාධිපති
24 පාබල සේනාංකය
මේජර් ජෙනරාල් එච්සීඑල් ගලප්පත්ති ආර්එස්පී යුඑස්පී ජ්‍යෙෂ්ඨනිලධාරි තුමන් සිප්සතර හැදෑරීම සඳහා රත්නපුර සිවලි මහ විද්‍යාලය වෙත ඇතුලත් වි තම ප්‍රාථමික හා උසස් අධ්‍යාපනය හදාරා ඇත.
පාසල් දිවිය තුලදී තම අධ්‍යාපන කටයුතු මෙන්ම ක්‍රීඩා කටයුතු වලදී ද දක්‍ෂතා පෙන්වා ඇති අතර,විද්‍යාලීය මළල ක්‍රීඩා කණ්ඩායම නියෝජනය කරන ලද හිරණ්‍ය චමින්ද ලොකු ගලප්පත්ති ශිෂ්‍යයා තම පාසල් දිවිය සාර්ථකව නිමකර ශ්‍රී ලංකා දේශය කුරිරු ත්‍රස්ථවාදීන්ගෙන් මුදවා ගැනීමේ පරම පවිත්‍ර හා උදාරතර අභිලාෂයෙන් යුතුව වර්ෂ 1991 ක් වූ ජනවාරි මස 02 වන දින ශ්‍රී ලංකා යුද්ධ හමුදාවට කෙඩෙට් නිලධාරියෙකු ලෙස බැදී ශ්‍රීලංකා යුද්ධ හමුදා විද්‍යාපීඨය දියතලාව වෙතින් කෙඩෙට් නිලධාරි පාඨමාලා අංක 35 සාර්ථකව හදාරා වර්ෂ 1992 අගොස්තු මස 29 වන දින 2/ලුතිතන් වරයෙකු වශයෙන් අධිකාරියට පත්ව අභිමානවත් ප්‍රෞඩ ඉතිහාසයක් ඇති ගැමුණු හේවා රෙජිමේන්තුවට ඇතුලත්ව 8 වනගැමුණු හේවා බළඇණිය වෙත අනුයුක්ත වී ඇත. ඉන්පසුව පිලිවෙලින් එතුමන් 11 වන ගැමුණු හේවා බළැණිය හා 19 වන ගැමුණු හේවා බළැණියන්හි කණ්ඩ භාර නිලධාරි,කණ්ඩායම් නිලධාරි අණදෙන හා දෙවන අණදෙන නිලධාරි අතුළු ඒකකයක් තුල දැරිය හැකි සියලුම තනතුරු හොබවා 5 වන ගැමුණු හේවා බළැණියේඅණදෙන නිලධාරී වශයෙන් රාජකාරී කර ඇත.
මෙම ජ්‍යෙෂ්ඨ නිලධාරි වසර 34 ක විශිෂ්ඨ සේවා කාලය තුල ගැමුණු හේවා රෙජිමේන්තුව,යුද්ධ හමුදා මුලස්ථානය,සේනාංක මූලස්ථාන, බළසේනාවන් හා පුහුණු පාසල් වල විවිධ අණ හා මාණ්ඩලික තනතුරු මෙන්ම උපදේශක තනතුරු රාශියක් හොබවා ඇති අතර,එම තනතුරු පහත පරිදි වේ.
- කණ්ඩ භාරනිලධාරි 8 වන ගැමුණු හේවා බලඇණිය
- ප්‍රධාන මාණ්ඩලික නිලධාරි 3 (ක්‍රියා/පුහුණු ) රෙජිමේන්තු මධ්‍යස්ථානය ගැමුණූ හේවා රෙජිමේන්තුව
- කණ්ඩායම් භාර නිලධාරි අණදෙන - 11 වන ගැමුණු හේවා බලඇණිය ගැමුණූ හේවා රෙජිමේන්තුව
- මාණ්ඩලික නිලධාරි 2 (සම්බන්ධිකරණ) ඒකාබද්ධ මෙහෙයුම් මධ්‍යස්ථානය
- මාණ්ඩලික නිලධාරි 2 (භකාස) රෙජිමේන්තු මධ්‍යස්ථානය
- දෙවන අණදෙන නිලධාරි - 19 වන ගැමුණුහේවා බල ඇණිය ගැමුණූ හේවා රෙජිමේන්තුව
- ප්‍රධාන මාණ්ඩලික නිලධාරි 1 (ක්‍රියා) 56 වන පාබල සේනාංක මුලස්ථානය
- අණදෙන නිලධාරි - 5 වන ගැමුණුහේවා බල ඇණිය
- ප්‍රධාන මාණ්ඩලික නිලධාරි 1 (දේශිය පුහුණු අංශය) - පුහුණු අධ්‍යක්‍ෂ මණ්ඩලය යුධ හමුදා මුලස්ථානය
- ප්‍රධාන මාණ්ඩලික නිලධාරි 1(සම්බන්ධිකරණ) ආරක්ෂක සේනා මුලස්ථානය (යාපනය)
- මාණ්ඩලික නිලධාරි 1- ජනමාධ්‍ය මෙහෙයුම් අධ්‍යක්‍ෂක මණ්ඩලය - යුධ හමුදා මුලස්ථානය
- කර්නල් (ප්‍රධාන මාණ්ඩලික) - 62 වන පාබල සේනාංක මුලස්ථානය
- බලසේනාධිපති 682 පාබල බල සේනා මුලස්ථානය
- අංශාධිපති -පර්යේෂණ හා විශ්ලේෂණ මුලධර්ම යෝජනා අංශය - පශු සම්පත් පර්යේශන හා විශ්ලේශණ අධ්‍යක්‍ෂ මණ්ඩලය
- මධ්‍යස්ථාන සේනාවිධායක - රෙජිමේන්තු මධ්‍යස්ථානය ගැමුණූ හේවා රෙජිමේන්තුව
මෙම ජ්‍යෙෂ්ඨ නිලධාරි තුමන් විසින් තම කීර්තිමත් වසර 34 ක යුද්ධ හමුදා දිවිය තුල දෙස්/විදෙස් පාඨමාලා රැසක් හදාරා ඇති අතර නොයෙක් රටවල පවත්වන ලද විවිධ සම්මන්ත්‍රණ, වැඩමුළු හා පුහුණු වැඩසටහන් රාශියකට සම්බන්ධවී තම වෘත්තීය දැනුම හා නිපුණත්වය ඔප්නංවාගෙන ඇත. එම පාඨමාලාවන් අතුරින් විශේෂිත වූ පාඨමාලාවන් කිහිපයක් පහත පරිදි වේ.
දේශීය පාඨමාලාවන්
- මූලික පැරිෂුට් පාඨමාලාව - කමාන්ඩෝ පුහුණු පාසල කුඩාඔය
- ගුවන් සංග්‍රාමික පාඨමාලාව - ගුවන් සංග්‍රාමික පුහුණු පැසල නිකවැව
- යාන්ත්‍රික ප්‍රවාහන නිලධාරි පාඨමාලාව - ශ්‍රිලංකා යුධහමුදා විදුලි හා යාන්ත්‍රික ඉංජිනේරු පුහුණු පාසල ගන්නෝරුව
- බලඇණි ආධාරකඅවි නිලධාරි පාඨමාලාව - පාබල පුහුණු මධ්‍යස්ථානය මින්නේරිය
- ප්‍රගුණ වෙඩිකරු උපදේශක පාඨමාලව - ප්‍රගුණ වෙඩිකරුවන් සහ සැගවි වෙඩිතබන්නන් පුහුණු කිරිමේ පාසල දියතලාව
- එකක ගිණුම් නිලධාරි පාඨමාලාව - ශ්‍රිලංකා යුධහමුදා පොදුසේවා බලකා වෘත්තීය පාසල පනාගොඩ
- එක්සත් ජාතින්ගේ සාමසාධක පුහුණු පාඨමාලාව - සාමසාධක පුහුණු ආයතනය කුකුලේ ගඟ
විදේශිය පාඨමාලාවන්
- තරුණ නිලධාරි පාඨමාලාව - බංගලාදේශය
- කණිෂ්ඨ අණදෙන්නන්ගේ පාඨමාලාව - ඉන්දියාව
- ජාත්‍යන්තර ආරක්ෂක කලමණාකරණ පාඨමාලාව - ඇමරිකා එක්සත් ජනපදය
