වැලිකන්ද කඩවත්මඩුව ශ්‍රි බෝධිරාජාරාම විහාරස්ථානයේ අභිනවයෙන් ඉදිකිරීමට නියමිත චෛත්‍ය රාජයාණන් වහන්සේ සඳහා මුල්ගල තබයි.

වැලිකන්ද කඩවත්මඩුව ශ්‍රි බෝධිරාජාරාම විහාරස්ථානයේ අභිනවයෙන් ඉදිවන චෛත්‍ය රාජයාණන් වහන්සේ සඳහා මුල්ගල තැබීම ආරක්‍ෂක සේනා නැගෙනහිර ආඥාපති, මේජර් ජෙනරාල් ශෙවන්ත් කුළතුංග ජ්‍යෙෂ්ඨ නිලධාරිගේ සුරතින් සංඝ රත්නයේ ආශිර්වාදය සහ පිරිත් සජ්ජායනා මධ්යේ වැලිකන්ද කඩවත්මඩුව ශ්‍රි බෝධිරාජාරාම විහාරස්ථානයේ අභිනවයෙන් ඉදිවන චෛත්‍ය රාජයාණන් වහන්සේ සඳහා මුල්ගල තැබීම 2024.09.14 වන දින පෙ:ව 10.03 යෙදුන සුබ මොහොතින් සිදු කරන ලදී.

මෙම ඓතිහාසික අවස්ථාව සදහා ප්‍රධාන ආරාධිත අමුත්තා ලෙස ආරක්‍ෂක සේනා නැගෙනහිර ආඥාපති, මේජර් ජෙනරාල් ශෙවන්ත් කුළතුංග ජ්‍යෙෂ්ඨ නිලධාරි සහ එම මැතිණිය සහභාගිවු අතර, 23 පාබල සේනාංකයේ කර්නල් (සම්බන්ධීකරණ) කර්නල් ඉංදික වික්‍රමසිංහ, ආරක්ෂක සේනා මුලස්ථානය (නැගෙනහිර) සිවිල් සම්බන්ධීකරණ නිලධාරි ලුතිතන් කර්නල් චමින්ද පුෂ්පසිරි යන ජ්‍යෙෂ්ඨ නිළධාරින් සහ සහකාර පොලිස් අධිකාරි පොළොන්නරුව, සහ චෛත්‍ය ඉදිකිරිමට මුල්‍ය දායකත්වය දරනු ලබන නුගේගොඩ ප්‍ර‍දේශයේ ධානපතියකු වන වෙළද ව්‍යාපාරික නානායක්කාර මහතා ඇතුලු ප්‍ර‍දේශයේ ගම්වාසීන් සහ විහාරස්ථානයේ දායක දායිකාවන් විශාල පිරිසක් සහභාගී වූහ.