13th February 2023 13:38:23 Hours
7 වන සන්නද්ධ බුද්ධි බළකායට ලද තොරතුරකට අනුව, 7 වන සහ 3 බුද්ධි බළකාවල භටපිරිස් සහ අරලගංවිල පොලිස් විශේෂ කාර්ය බලකායේ නිලධාරීන් සමග එක්ව 2023 පෙබරවාරි මස 10 වන දින අරලගංවිල ප්‍රදේශයේදී සිදුකරන ලද වැටලීමකින් පසුව නීතිවිරෝධී මත්ද්‍රව්‍යයක් වන කේරළගංජා ග්‍රෑම් 182ක ප්‍රමාණයක් සමග පුද්ගලයෙකු අත්අඩංගුවට ගෙන ඇත. එම මත්ද්‍රව්‍ය සමග සැකකරු ඉදිරි විමර්ශණ කටයුතු සඳහා අරලගංවිල පොලිස් ස්ථානය වෙත භාරදීමට කටයුතු සිදුකර ඇත.
ආරක්ෂක සේනා (නැගෙනහිර) ආඥාපති, 23 වන පාබල සේනාංකයේ සේනාංකාධිපති, 234 පාබල බලසේනාවේ බලසේනාධිපති සහ 3 වන සන්නද්ධ බුද්ධි බළකායේ අණදෙන නිලධාරී සමග එක්ව ඉහත වැටලීම් පිළිබදව අධීක්ෂණය කළ අතර, මෙම වැටලීම් මගින් ප්‍රදේශයේ නීතිවිරෝධී ක්‍රියාකාරකම් නැවතෙන අතර, එමගින් යුද්ධ හමුදාව කෙරෙහි සිවිල් ජනතාවගේ විශ්වාසය ඉහළ යනු ඇත.
