05th November 2024 12:03:21 Hours
යුද්ධ හමුදාධිපතිතුමාගේ සංකල්පයට අනුව ආරක්ෂක සේනා (නැගෙනහිර) මුලස්ථානය යටතේ ස්ථාපිත 23 වන පාබල සේනාංකයේ 231 පාබල බලසේනාවේ අණදීම යටතේ ශ්‍රී ලංකා කාලතුවක්කු හමුදාවේ 7 වන සැහැල්ලු රෙජිමේන්තුවේ භටපිරිස් විසින් ශ්‍රී ලංකා යුධ හමුදාවේ 75 වන සංවත්සරයට සමගාමීව මින්නේරිය - මහරත්මලේ ප්‍රදේශයේ වාසය කරනු ලබන සෙ/167900 බොම් කුමාර එච්එම්ඒපී යන කොමිෂන් නොලත් නිලධාරී හට ශ්‍රී ලංකා කාලතුවක්කු හමුදාවේ 7 වන සැහැල්ලු රෙජිමේන්තුවේ නිලධාරීන් සහ සෙසුනිල සහයෝගයෙන් ඉදිකරන ලද නව නිවස 2024 ඔක්තෝබර් මස 30 දින පරිත්‍යාග කරන ලදි.
සෙ/167900 බොම් කුමාර එච්එම්ඒපී තම දරුවන් තිදෙනා සහ බිරිඳ සමඟ ජීවත් වන අතර, නිසි නවාතැන් පහසුකම් නොමැතිකම ඇතුළු දැඩි දුෂ්කරතාවන්ට මුහුණ දී සිටියේය. එබැවින් ආරක්ෂක සේනා මූලස්ථානයේ (නැගෙනහිර) ආඥාපතිගේ උපදෙස් පරිදි, 23 වන පාබල සේනාංකයේ සේනාංකාධිපතිගේ මඟපෙන්වීම මත සහ 231 පාබල බලසේනාවේ ආඥාපතිතුමාගේ අධීක්‍ෂණය යටතේ, 7 වන සැහැල්ලු කාලතුවක්කු හමුදාවේ භටපිරිස් ශ්‍රී ලංකා කාලතුවක්කු හමුදාවේ 7 වන සැහැල්ලු රෙජිමේන්තුවේ හිටපු අණදෙන නිළධාරී සහ වත්මන් අණදෙන නිළධාරීගේ උත්සාහයෙන් නව නිවසක් ඉදිකරන ලදී. මෙම උතුම් සත්ක්‍රියාව සඳහා අවශ්‍ය මූල්‍යමය සහ ද්‍රව්‍යමය ආධාර 7 වන සැහැල්ලු රෙජිමේන්තුවේ නිලධාරීන් සහ සෙබළුන් ඇතුළු පරිත්‍යාගශීලීන් කිහිප දෙනෙකු විසින් සපයන ලදී.
7 වන සැහැල්ලු රෙජිමේන්තුවේ අණදෙන නිළධාරී තුමාගේ ආරාධනයෙන් ආරක්ෂක සේනාව (නැගෙනහිර) ආඥාපති මේජර් ජෙනරාල් එස් ඒ කුලතුංග ආර්ඩබ්ලිව්පි ආර්එස්පී වීඑස්වී යූඑස්පී පීඑස්සී ජ්‍යෙෂ්ඨ නිලධාරී විසින් නවතමයෙන් ඉදිකරන ලද නිවස සෙ/167900 බොම් කුමාර එච්එම්ඒපී සහ ඔහුගේ පවුල වෙත භාර දෙන ලදී. මෙම සුවිශේෂි අවස්ථාව සදහා 23 පාබල සේනාංකයේ සේනාංකාධිපති මේජර් ජෙනරාල් ඩබ්ලිව් පී කාරියවසම්, බ්‍රිගේඩියර් ප්‍රධාන මාණ්ඩලික - ආරක්ෂක සේනා මූලස්ථානය (නැගෙනහිර) බ්‍රිගේඩියර් ඩබ්ලිව් එස් වී ප්‍රනාන්දු යූඑස්පී එන්ඩීසී අයිජී, කාලතුවක්කු බලසේනාවේ අණදෙන නිලධාරී බ්‍රිගේඩියර් ටී ජී අයි ඒ ආරියරත්න ආර්එස්පී අයිජී, 231 පාබල බලසේනාවේ නිළ අණදෙන නිලධාරී කර්නල් එම් ජී ඒ මලන්දෙණිය ආර්එස්පී ජ්‍යෙෂ්ඨ නිලධාරීන් සහ නිලධාරීන්, සහකාර දිස්ත්‍රික් ලේකම් - හිඟුරක්ගොඩ එම් එම් එස් ආර් කේ සෙනෙවිරත්න මහත්මිය ඇතුළු රාජ්‍ය නිලධාරීන්, පරිත්‍යාගශීලීන් සහ ගම්වාසීහු ද මෙම අවස්ථාවට සහභාගි වූහ.
