නික්ම යන ආරක්‍ෂක සේනා (නැගෙනහිර) ආඥාපති 23 පාබල සේනාංකයේ සංචාරයක් සිදු කරයි.

2024නොවැම්බර් 30 වන දින 23 වන පාබල සේනාංක මූලස්ථානයේ පැවති සමුගැනීමේ උත්සවයේදී නික්ම යන ආරක්ෂක සේනා මූලස්ථානය (නැගෙනහිර)ආඥාපතිමේජර් ජෙනරාල් ශවාන්ත් කුලතුංග ආර්ඩබ්පි ආර්එස්පි විඑස්වි යුඑස්පි පිඑස්සි යන ජ්‍යෙෂ්ඨ නිලධාරි හට උපහාර පුද කරන ලදී. එහිදී 23 වන පාබළ සේනාංකයේ සේනාංකාධිපති මේජර් ජෙනරාල් ප්‍රියන්ත කාරියවසම් යන ජ්‍යෙෂ්ඨ නිලධාරි විසින් උණුසුම් ලෙස පිළිගන්නා ලද අතර, පසුව නැගෙනහිර ආරක්‍ෂක සේනා මූලස්ථානයේ ආඥාපතිවරයා සිය සංචාරය සනිටුහන් කරමින් පැළයක් රෝපණය කර සමූහ ඡායාරූපවලට ද පෙනී සිටියේය. ආරක්ෂක සේනා මූලස්ථානය (නැගෙනහිර) ආඥාපති විසින් භඨපිරිස් අමතා කළ දේශනයේදී, ඔවුන්ගේ සේවයට සහ සහයෝගයට සිය කෘතඥතාවය ඵලකළ අතර, එතුමන්ගේ සේවය ඇගයීම සදහා සමරු තිළිණ ප්‍රධානය කිරීමක් සිදුකරන ලදී. ආඥාපති තුමන් සියලු නිල තේ පැන් සංග්‍රහයකට දසහභාගී විය. අනතුරුව 23 පාබල සේනාංකයේ නිලධාරී නිවස්නයේදී සමුගැනීමේ දිවා භෝජන සංග්‍රහයක් ද පවත්වන ලද අතර, සේනාංකයෙන් පිටත්ව යාමට පෙර, නැගෙනහිර ආරක්ෂක සේනා මුලස්ථාන ආඥාපතිතුමා විසින් ආරාධිත අමුත්තන්ගේ සටහන් තැබීමේ පොතෙහි සිය අදහස් තබන ලදී. මෙම අවස්ථාව සඳහා 231, 232 සහ 233 පාබළ බළසේනාවන්හි බළසේනාධිපතිවරුන්, 23 වන පාබළ සේනාංකයේ මාණ්ඩලික නිලධාරීන්, සියලුම අණදෙන නිලධාරීන් සහ 23 වන පාබළ සේනාංකයේ භඨපිරිස් සහභාගී වූහ.