13th September 2023 16:11:56 Hours
ඉදිරි නඩත්තු පෙදෙස (නැගෙනහිර) ආඥාපති මේජර් ජෙනරාල් එම්ඩබ්ටිසි මෙත්තානන්ද යුඑස්පි එන්ඩිසි ජ්‍යෙෂ්ඨ නිලධාරී 2023 සැප්තැම්බර් 8 වන දින 23 පාබල සේනාංක මූලස්ථානයේ සංචාරයක නිරත විය.
ඉදිරි නඩත්තු පෙදෙස (නැගෙනහිර) ආඥාපති 23 පාබල සේනාංක මූලස්ථානය වෙත පැමිණි අතර, 23 පාබල සේනාංකයේ සේනාංකාධිපති බ්‍රිගේඩියර් කේවිඑන්පි ප්‍රේමරත්න ආර්එස්පි යුඑස්පි පිඑස්සි ජ්‍යෙෂ්ඨ නිලධාරී විසින් ඉතා උණුසුම් ලෙස පිළිගන්නා ලදී. අනතුරුව හමුදා සම්ප්‍රදායන්ට අනුකූලව ඉදිරි නඩත්තු පෙදෙස (නැගෙනහිර) ආඥාපති හට සම්මාන මුරයක්ද පිරිනමන ලදී. ඉන් පසු සේනාංකයේ නිලධාරීන් හඳුන්වාදීමෙන් අනතුරුව, 23 වන පාබල සේනාංකයේ මූලස්ථාන පරිශ්‍රය ඉදිරිපිට 'අඹ' පැළයක් සිටුවන ලදි.
ඉදිරි නඩත්තු පෙදෙස (නැගෙනහිර) ආඥාපති සමුළුව පැවැත්වීමට පෙර කෙටි දැනුවත් කිරීමක් පවත්වනු ලැබූ අතර, 23 වන පාබල සේනාංකයේ සේනාංකාධිපති, බලසේනාධිපතිවරුන් බලඇණි අණදෙන නිලධාරීන් සහ ප්‍රවාහන මාණ්ඩලික නිලධාරීන් සමඟ ප්‍රදේශයට අදාළ පරිපාලන ගැටළු පිළිබඳව සමුළුව අතරතුරදී සාකච්ඡාවක නිරත විය.
ඉදිරි නඩත්තු පෙදෙස (නැගෙනහිර) ආඥාපති, 23 වන පාබල සේනාංකයෙන් පිටත්ව යාමට පෙර 23 වන පාබල සේනාංක අමුත්තන්ගේ පොතෙහි සිතුවිලි සහ ප්‍රශංසා කිහිපයක් තැබීමටද අමතක නොකලේය.
