ආරක්ෂක සේනා මූලස්ථානය (නැගෙනහිර) විසින් 21 වන සංවත්සරයට සමගාමීව වොලිබෝල් සහ සැහැල්ලු පන්දු ක්‍රිකට් තරඟාවලියක් පවත්වයි.

2024 ඔක්තෝම්බර් 31 වන දින ආරක්ෂක සේනා මූලස්ථානය (නැගෙනහිර) 21 වන සංවත්සරය සමරමින්, ආරක්ෂක සේනා මූලස්ථානය (නැගෙනහිර) වැලිකන්ද දී වොලිබෝල් සහ සැහැල්ලු පන්දු ක්‍රිකට් තරඟාවලියක් සංවිධානය කරන ලදී.

වොලිබෝල් සහ ක්‍රිකට් තරගාවලියේ ශූරයන් වීමට කණ්ඩායම් දහසයක් තරග වැදුණි. දැඩි තරඟකාරී මූලික තරඟ වලින් පසුව, අවසන් මහා තරඟය ඔක්තෝබර් 27 වන දින ආරක්ෂක සේනා මූලස්ථානය (නැගෙනහිර) ක්‍රීඩා පිටියේදී පැවැත්විණි. මෙම අවස්ථාවට ප්‍රධාන ආරාධිත අමුත්තා ලෙස සහභාගී වූ ආරක්ෂක සේනා (නැගෙනහිර) ආඥාපති මේජර් ජෙනරාල් එස් එ කුලතුංග ආර්ඩබ්ලිව්පි ආර්එස්පි විඑස්වි යුඑස්පි පිඑස්සි ජ්‍යෙෂ්ඨ නිලධාරී විසින් ජයග්‍රාහකයින් වෙත කුසලාන ප්‍රධානය කරන ලදී.

තරඟාවලිය පුරාවටම කැපී පෙනෙන වොලිබෝල් දස්කම් පෙන්වමින් 7 වන කාරක ඉන්ජිනේරු රෙජිමේන්තු කණ්ඩායම වොලිබෝල් ශූරතාව දිනාගත් අතර 3 (සෙවි) බුද්ධි බලකා කණ්ඩායම අනුශූරතාව හිමිකර ගත්තේය. භකාස අණසක (නැ) කණ්ඩායම ක්‍රිකට් ශූරතාවය දිනාගත් අතර ආරක්ෂක සේනා මූලස්ථානය (නැගෙනහිර) කණ්ඩායම අනුශූරතාව හිමිකර ගත්තේය.