අක්කරපත්තු ප්‍රදේශයේදි නීති විරෝධි මත්ද්‍රව්‍ය අල්ලා ගැනීම

3 වන සන්නද්ධ බුද්ධි බළකායට අයත් බුද්ධි භටපිරිස් ලද තොරතුරකට අනුව, එම භටපිරිස් සහ තිරුක්කෝවිල් පොලිස් විශේෂ කාර්‍යය බලකා නිලධාරීන් සමග එක්ව 2023 අගෝස්තු මස 20 වන දින අක්කරපත්තු ප්‍රදේශයේදී සිදුකරන ලද වැටලීමකින් පසුව නීතිවිරෝධී මත්ද්‍රව්‍යයක් වන (Methamphetamine) අයිස් ග්‍රෑම් 37.640 ක ප්‍රමාණයක් සමග පුද්ගලයෙකු අත්අඩංගුවට ගෙන ඇත. එම මත්ද්‍රව්‍ය සමග සැකකරු ඉදිරි විමර්ශණ කටයුතු සඳහා අක්කරපත්තු පොලිස් ස්ථානය වෙත භාරදීමට කටයුතු සිදුකර ඇත.

ආරක්‍ෂක සේනා (නැගෙනහිර) ආඥාපති, 24 වන පාබල සේනාංකයේ සේනාංකාධිපති, 241 පාබල බලසේනාවේ බලසේනාධිපති සහ 3 වන සන්නද්ධ බුද්ධි බළකායේ අණදෙන නිලධාරී සමග එක්ව ඉහත වැටලීම් පිළිබදව අධීක්ෂණය කළ අතර, මෙම වැටලීම් මගින් ප්‍රදේශයේ නීතිවිරෝධී ක්‍රියාකාරකම් නැවතෙන අතර, එමගින් යුද්ධ හමුදාව කෙරෙහි සිවිල් ජනතාවගේ විශ්වාසය ඉහළ යනු ඇත.