26th June 2025 20:12:05 Hours
ආරක්ෂක සේනා (නැගෙනහිර) ආඥාපති මේජර් ජෙනරාල් ජේ එස් බී ඩබ්ලිව් පල්ලකුඹුර ආර්ඩබ්ලිව්පී ආර්එස්පී එන්ඩියු පීඑස්සී ජ්‍යෙෂ්ඨ නිලධාරීගේ මග පෙන්වීම යටතේ සහ 22 පාබල සේනාංකයේ සේනාංකාධිපතිගේ අධීක්ෂණය යටතේ 222 පාබල බලසේනාව යටතේ ස්ථාපිත 9 වන විජයබාහු පාබල රෙජිමේන්තුවේ විසින් පාසල් උපකරණ සහ පුස්තකාල පොත් බෙදාදීමේ වැඩසටහනක් පවත්වන ලදී.
මෙම උත්සවය 2025 ජුනි 24 වන දින සිරිමංගලපුර කන්තලේ ගාමිණී ප්‍රාථමික පාසලේදී සිවිල්-හමුදා සහයෝගීතා මුලපිරීම්වල කොටසක් ලෙස පැවැත්විණි. අඩු ආදායම්ලාභී පවුල්වල සිසුන්ට මෙම පොත්පත් බෙදාදීම වැඩසටහනේ අරමුණ වූ අතර එයට අනුග්‍රහය දැක්වූයේ භාග්‍යා වීරසිංහ මහත්මිය සහ රගුරන් ජයචන්ද්‍රන් මහතා විසිනි.
මෙම අවස්ථාවට 222 පාබල බලසේනාවේ බලසේනාධිපති, ජ්‍යෙෂ්ඨ නිලධාරීන්, සෙසු නිලයන්, පාසල් කාර්ය මණ්ඩලය සහ ප්‍රදේශයේ සිවිල් වැසියන් රැසක් සහභාගී වූහ.
