7 වන සැහැල්ලු කාලතුවක්කු රෙජිමේන්තුව විසින් 78 වන ජාතික නිදහස් දින සැමරුම් උළෙලට සමගාමීව මින්නේරිය වැව්බැම්ම සහ මින්නේරිය දේවාලය ආශ්‍රිත මාර්ගය දෙපස අපද්‍රව්‍ය ඉවත් කිරිමේ වැඩසටහනක් පවත්වන ලදි

78 වන ජාතික නිදහස් දින සැමරුම් උළෙලට සමගාමීව සහ ක්ලීන් ශ්‍රී ලංකා වැඩසටහනට අනුව දිවයිනම ආවරණය වන පරිදි ත්‍රිවිධ හමුදා කඳවුරු මූලික කර ගනිමින් සිදු කරනු ලබන වැඩසටහන් අතුරින් 7 වන සැහැල්ලු කාලතුවක්කු රෙජිමේන්තුව විසින් සැලසුම් කරන සමාජ සත්කාරක වැඩසටහන 2026 ජනවාරී මස 31 වන දින සිදු කරන ලදි.

ඒ අනුව, මෙම පාබසේමු යටතේ පාලනය වන 7 ශ්‍රිලකාහ ඒකකය වෙතින් 04x 25 භඨපිරිස් ප්‍රමාණයක සහභාගිත්වයෙන්​ මින්නේරිය වැව්බැම්ම සහ මින්නේරිය දේවාලය ආශ්‍රිත මාර්ගය දෙපස අපද්‍රව්‍ය (ප්ලාස්ටික්, පොලිතීන් වැනි දිරාපත් නොවන) එක්රැස්කිරීමේ ශ්‍රමදාන ව්‍යාපාරයක් සිදුකරන ලදි.