241 වන පාබල බලසේනාව සහ 11 වන ශ්‍රී ලංකා ජාතික ආරක්‍ෂක බලමුළුවේ භටපිරිස් විසින්අ ක්කරපත්තුව වෙරළ තීරය පිරිසිදු කිරීම.

“ක්ලීන් ශ්‍රි ලංකා” වැඩසටහනට සමගාමිව 24 පාබල සේනාංකයේ සේනාංකාධිපති මේජර් ජෙනරාල් එච්.සී.එල්. ගලප්පත්ති ආර්එස්පී යූඑස්පී ජ්‍යෙෂ්ඨ නිලධාරීගේ උපදෙස් සහ මඟ පෙන්වීම යටතේ 241 වන පාබල බලසේනාව සහ 11 වන ශ්‍රී ලංකා ජාතික ආරක්‍ෂක බලමුළුවේ භටපිරිස් විසින් 2025 ජනවාරි මස 11 වන දින වෙරළ තීරය පිරිසිදු කිරීමේ වැඩසටහනක් සිදුකරන ලදි.

තවද, මෙම වෙරළ තීරය පිරිසිදු කිරීමේ වැඩසටහන අක්කරපත්තුව වෙරළ උද්‍යානයේ කිලෝමීටරයක පමණ වෙරළ තීරය ආවරණය වනසේ පිරිසිදු කරන ලදි. මේ සඳහා 04 x 35 යුද්ධ හමුදා සෙබළුන්, සිවිල් වැසියන් 50 දෙනෙකු, නගරසභා කාර්ය මණ්ඩලය සහ විවිධ ප්‍රජාසංවිධාන වල සාමාජිකයන් සහභාගී විය.