26th December 2024 22:48:50 Hours
24 වන පාබල සේනාංකයේ සේනාංකාධිපති මේජර් ජෙනරාල් එච්.සී.එල් ගලප්පත්ති ආර්එස්පී යූඑස්පී ජ්‍යෙෂ්ඨ නිලධාරී තුමන්ගේ මගපෙන්වීම යටතේ සහ 241 පාබල බලසේනාවේ බලසේනාධිපති තුමන්ගේ අධීක්‍ෂණය යටතේ, 2024 නත්තල් දිනට සමගාමීව නත්තල් ගී ප්‍රසංගයක් සහ පාසල් උපකරණ බෙදා දීමේ වැඩසටහනක් 2024 දෙසැම්බර් 20 වන දින අක්කරපත්තුව සින්නමුහුත්තුවාරම් මෙතෝදිස්ත දේවස්ථානයේදී සිදු කරන ලදී.
මෙහිදී නත්තල් ගී ප්‍රසංගයක් සහ දෙවි සමිදානන්ගේ පිළිබිඹු වන ආකාරයෙන් ඉදිරිපත් කිරීම් සිදු කිරීමෙන් අනතුරුව සිසු දරු දැරියන් 70 දෙනෙකු සඳහා පාසල් උපකරණ සහ ත්‍යාග බෙදා දීම සිදු කරන ලදී.මෙම වැඩසටහනෙහි මූල්‍ය දායකත්වය දානපතියන් කිහිපදෙනෙකු විසින් දරණ ලද අතර 241 පාබල බලසේනා වෙතින් සම්බන්ධීකරණය කරන ලද කඩවත වෘත්තීය හා තෘතීය පුහුණු මධ්‍යස්ථායේ කථිකාචාර්ය ඒ.අයි.ඒ රංගන මහතාවිසින් ඒ සඳහා අවැසි අභ්‍යාස පොත් ලබා දෙන ලදී .
තවද,මෙම වැඩසටහන සඳහා අලිගම්බේශාන්ත ෆ්‍රැන්සිස් සේවියර් දේවස්ථානයේ ප්‍රධාන පූජක තුමන්,ආලයඩිවෙම්බු ප්‍රාදේශීය ලේකම්, 241 පාබල බලසේනාවේ සිවිල් සම්බන්ධිකරණ නිලධාරීසහ සෙසුනිලයින් සහ සිවිල් වැසියන් 200 දෙනෙකු පමණ සහභාගිවන ලදී.
