222 පාබල බලසේනාවේ නව බලසේනාධිපති රාජකාරි ආරම්භ කරයි.

කන්තලේ ජයන්තිගම ප්‍රදේශයේ ස්ථාපිත 222 පාබල බලසේනා මුලස්ථානයේ 22 වන බලසේනාධිපති ලෙස බ්‍රිගේඩියර් ජේ එම් ඩබ් කේ ජයලත් ආර්ඩබ්පී ආර්එස්පී යූඑස්පී ජ්‍යෙෂ්ඨ නිලධාරි 2024.12.09 දින රාජකාරි භාර ගන්නා ලදී.

බළසේනා මුලස්ථානය වෙත සපැමිණි බ්‍රිගේඩියර් ජේ එම් ඩබ් කේ ජයලත් ආර්ඩබ්පී ආර්එස්පී යූඑස්පී ජ්‍යෙෂ්ඨ නිලධාරී හට කඳවුරු සම්මාන මුරයක් පිරිනැමීමෙන් අනතුරුව බලසේනාවේ ජ්‍යෙෂ්ඨ නිලධාරීන් විසින් උණුසුම් අයුරින් පිළිගැනීම සිදුකරන ලදී.

නව බලසේනාධිපති විසින් හමුදා සම්ප්‍රදානකූලව ලිපියකට අත්සන් තබමින් නව ධුරයෙහි රාජකාරි කටයුතු ආරම්භ කරන ලදී. රාජකාරි ආරම්භ කිරීම සනිටුහන් කරමින් පැළයක් රෝපණය කරන ලද අතර, එම අවස්ථාව සඳහා ඒකක අණදෙන නිලධාරීන්, බලසේනාවේ රාජකාරි නියුතු නිලධාරීන් හා සෙසුනිලයින්ද සහභාගී වන ලදී.