11 වන බලඇණියේ භටපිරිස් විසින් අක්කරෙයිපත්තුව කන්නගිපුරම් ප්‍රදේශයෙහි අඩු ආදායම්ලාභී පවුල් සඳහා වියළි සළාක මළු පරිත්‍යාග කිරීමේ වැඩසටහනක් පැවැත්විම.

24 වන පාබල සේනාංකයේ සේනාංකාධිපති මේජර් ජෙනරල් එච්.සී.එල්.ගලප්පත්ති ආර්එස්පී යුඑස්පී ජ්‍යෙෂ්ඨ නිලධාරි තුමන්ගේ මඟපෙන්වීම යටතේ සහ 241 වන පාබල බලසේනාවේ බලසේනාධිපති තුමාගේ අධීක්‍ෂණය යටතේ ශ්‍රී ලංකා ජාතික ආරක්ෂක බලකායේ 11 වන බලඇණියේ භටපිරිස් විසින් වියළි සළාකමළු පරිත්‍යාග කිරීමේ වැඩසටහනක් සංවිධානය කරන ලදී. මෙහිදී කන්නගිපුරම් ග්‍රාම සේවා වසමෙහි අඩු ආදායම්ලාභී පවුල් 25 ක් සඳහා අත්‍යාවශ්‍ය පාරිභෝගික භාණ්ඩ අඩංගු වියලි සළාක මළු 25 ක් 2024.12.21 වන දින කන්නගිපුරම් විදුහලේදී බෙදා දෙන ලදී.

මෙම වැඩසටහන සඳහා මූල්‍ය දායකත්වය හේමාස් නිශ්පාදන පුද්ගලික සමාගම විසින් සපයන ලදී. තවද මෙම අවස්ථාව සඳහා 241 පාබල බලසේනාවේ සිවිල් සම්බන්ධීකරණ නිලධාරි සහ 11 වන ශ්‍රී ලංකා ජාතික ආරක්ෂක බලමුලුවේ නිලධාරීන් සහ සෙසුනිලයින්, ප්‍රාදේශීය අළෙවි කළමණාකරු හේමාස් පුද්ගලික සමාගම, සහ අදාළ ප්‍රදේශයේ ග්‍රාමනිලධාරී ඇතුළු සිවිල් වැසියන් 55 දෙනෙකු සහභාගී වූහ.