යුද හමුදා අන්තර් රෙජිමේන්තු ජූඩෝ ශූරතාවලිය 2023 තරඟාවලියේදී ගජබා රෙජිමේන්තු ජූඩෝ කණ්ඩායම පදක්කම් දහයක් දිනා ගනී
යුද්ධ හමුදා ජූඩෝ සංගමය විසින් සංවිධානය කරන ලද යුද්ධ හමුදා අන්තර් රෙජිමේන්තු ජූඩෝ ශූරතාවලිය 2023 සැප්තැම්බර් 11 දින සිට 14 දින දක්වා පනාගොඩ යුද්ධ හමුදා ගෘහස්ථ ක්‍රීඩාංගනයේ දී පැවැත්වුණු අතර මෙම තරඟාවලියේදී ගජබා ජූඩෝ කණ්ඩායම සිය හැකියාවන් මනාව පිළිබිඹු කරමින් අනුශූරතාව දිනාගැනීමට සමත්වන ලදි.
මෙම තරඟාවලිය සඳහා විවිධ බර පන්ති යටතේ ක්‍රීඩකයින් 202 ක් සහභාගී වූ අතර, ගජබා රෙජිමේන්තුව නියෝජනය කරමින් ක්‍රීඩකයින් 22 ක් සහභාගී විය. මෙම තරඟාවලියේදී කෙටේරි ක්‍රීඩකයින් රන් පදක්කම් 02 ක්, රිදී පදක්කම් 02 ක් සහ ලෝකඩ පදක්කම් 06 ක් දිනා ගැනීමට සමත් වන ලදි.
Sinhala
