ගජබා රෙජිමේන්තුවේ රෙජිමේන්තු මධ්‍යස්ථානය 1983 ඔක්තෝබර් 14 වැනි දින ආරම්භ කරන ලදී. රෙජිමේන්තු මධ්‍යස්ථානය යනු සියලුම නිත්‍ය සහ ස්වේච්ඡා බලඇණි සම්බන්ධීකරණය වන ගජබා රෙජිමේන්තුවේ කේන්ද්‍රස්ථානය වේ. රෙජිමේන්තු මධ්‍යස්ථානය යටතේ දැනට නිත්‍ය බලඇණි 13ක් සහ ස්වේච්ඡා බලඇණි 04ක් පරිපාලනමය වශයෙන් ක්‍රියාත්මක වේ.
රෙජිමේන්තු මධ්‍යස්ථානයේ මෙහෙයවීම හා පාලන කටයුතු රෙජිමේන්තු මධ්‍යස්ථාන සේනාවිධායක යටතේ සිදුවන අතර, ඔහු රෙජිමේන්තු අධිපති තුමාගේ උපදෙස් හා මගපෙන්වීම යටතේ රාජකාරීන් ඉටුකරනු ලබයි.
රෙජිමේන්තු මධ්‍යස්ථානයේ ප්‍රධාන වගකීම වනුයේ ගජබා රෙජිමේන්තුවට අයත් සියළුම නිලධාරීන් සහ සෙසු නිලයින් බළඇණි වෙත හා ඒකකයෙන් පිටත රෙජිමේන්තුවට පුරප්පාඩුව පවතින රාජකාරී ස්ථානයන් සඳහා යොමු කිරීමහා ඔවුන් රාජකාරීන්හි යෙදවීම, රෙජිමේන්තුවට අයත් නිලධාරීන්ගේ උසස්වීම් සහ නිර්දේශ ඉදිරිපත් කිරීම, සෙසුනිළයින්ගේ උසස් කිරීම් කටයුතු සිදුකිරීම, නිලධාරීන් සහ සෙසුනිලයින් හට පුහුණු පාඨමාලාවන් සහ පුහුණු වැඩසටහන් සඳහා යොමු කිරීම,එක්සත් ජාතීන්ගේ සාමසාධක මෙහෙයුම් රාජකාරීන් සඳහා නිලධාරීන් හා සෙසුනිළයින් තෝරා ගැනීම, බලඇණියන්හි පරිපාලන කටයුතු යුධ හමුදා මූලස්ථානය හා සම්බන්ධන්ධතාවයෙන් යුතුව නිසි අයුරින් පවත්වාගෙන යාම, චාරිත්‍රානුකූලව පවත්වනු ලබන සියළුම උත්සව කටයුතු සම්බන්ධීකරණය කිරීම, රෙජිමේන්තුවට අයත් මූල්‍ය කටයුතු සම්බන්ධීකරණය කිරීම, රෙජිමේන්තුව සඳහා ආධුනික සෙබළුන් බඳවා ගැනීමේ සම්බන්ධීකරණ කටයුතු සිදුකිරීම සහ රෙජිමේන්තුවේ අනෙකුත් සියලුම පරිපාලන හා භට කාර්ය සම්පාදන කටයුතු ඵලදායි හා කාර්යක්ෂමව ක්‍රියාත්මක කිරීම වැනි කටයුතු සිදුකිරීම කරනු ලබයි.මෙම කටයුතු ක්‍රියාත්මක කිරීම සඳහා රෙජිමේන්තු මධ්‍යස්ථානය ප්‍රධාන වශයෙන් ප්‍රධාන ශාඛාව, පාලන ශාඛාව හා භකාස ශාඛාව වශයෙන් අංශ තුනකට බෙදා ඇත.
රෙජිමේන්තු මධ්‍යස්ථානයේ ප්‍රධාන තනතුරු හොබවන්නන්
| තනතුර | නම | |
|---|---|---|
| 1 | රෙජිමේන්තු අධිපති | මේජර් ජෙනරල් එම් ජී ඩබ්ලිව් ඩබ්ලිව් ඩබ්ලිව් එම් සි බී වික්‍රමසිංහ ආර්ඩබ්ලිව්පී ආර්එස්පී එන්ඩියු පීඑස්සී |
| 2. | මධ්‍යස්ථාන සේනාවිධායක | බ්‍රිගේඩියර් කේ ආර් කලුපහන ආර්එස්පී යූඑස්පී |
| 3. | නි: මධ්‍යස්ථාන සේනාවිධායක | කර්නල් එස් ජී ඒ එල් ඩබ්ලිව් සපුගොඩ ආර්ඩබ්ලිව්පී ආර්එස්පී |
| 4. | ප්‍රමානි 1 | ලුතිතන් කර්නල් ඒඒආර් පෙරේරා ආර්ඩබ්ලිව්පී ආර්එස්පී |
| 5. | මානි 1 ( පා ) | ලුතිතන් කර්නල් ඩබ්ලිව්එම්ඒයුකේ වීරසිංහ |
| 6. | මානි 1 (භකාස) | ලුතිතන් කර්නල් ඩබ්ලිව්පී හේමජිත් ආර්එස්පී |
| 7. | ස්වේච්ඡා සම්බන්ධීකරණ නිලධාරි (Vol) | ලුතිතන් කර්නල් කේකේ ජයසිංහ |
| 8. | මානි 1 (VA) | |
| 9. | විධායක අධිකාරි | මේජර් යූඑල්එච්අයි බංඩාර පිඑස්සී |
| 10. | රෙජිමේන්තු සැරයන් මේජර් | බනි I ඩිඑම්එස් දිසානායක යුඑස්පී |
