17th December 2024 16:19:22 Hours
ගුවන් සංග්‍රාමික බලසේනාවේ නව බලසේනාධිපති ධූරයේ රාජකාරි අරඹයි
ගුවන් සංග්‍රාමික බලසේනාංකයේ නව බලසේනාධිපති ලෙස බ්‍රිග්‍රේඩියර් වයිඑම්එස්සීබී ජයතිලක ආර්එස්පී යුඑස්පී, එම මූලස්ථානයේදී 2024 දෙසැම්බර් මස 11 දින ආගමික ආශිර්වාද මධ්‍යයේ හමුදා සම්ප්‍රදායානුකූලව ධූරයේ රාජකාරි කටයුතු භාරගන්නා ලදී. බලසේනා මූලස්ථානය වෙත සපැමිණි නව බලසේනාධිපතිතුමන් බලසේනාවෙහි නිලධාරීන් විසින් උණුසුම් අයුරින් පිළිගැනීමෙන් අනතුරුව භටපිරිස් විසින් යුද්ධ හමුදා සම්ප්‍රදායානුකූල කඳවුරු මුරයේ ගෞරවාචාරය පුද කළේය.
ආගමික වතාවත්වලින් පසුව නව ධූරයේ රාජකාරී භාරගැනීම සනිටුහන් කරමින් එතුමන් විසින් සිය කාර්යාලයේදී නිල ලේඛනයකට අත්සන් තැබීය. පසුව, සමූහ ඡායාරූප කිහිපයකට පෙනී සිටීමෙන් අනතුරුව, එම අවස්ථාව සනිටුහන් කරමින් කඳවුරු පරිශ්‍රයේ පැලයක් ද රෝපනය කරන ලදී.
පසුව නව බලසේනාධිපතිතුමන් භටපිරිස් ආමන්ත්‍රණය කරමින් තම ඉදිරි දැක්ම ප්‍රකාශ කළේය. උත්සවයේ කටයුතු අවසන් කරමින් එතුමන් සියලු නිල තේ පැන් සංග්‍රහයට සහභාගී විය.මෙම අවස්ථාවට ජ්‍යෙෂ්ඨ නිලධාරීන්, නිලධාරීන් සහ සෙසුනිලයන් පිරිසක් ද එක්ව සිටියහ.
