“ගජබා විරු සවිය ශිෂ්‍යත්ව ප්‍රදානය කිරීමේ වැඩසටහන”

ගජබා රෙජිමේන්තුවේ නිලධාරීන්, සෙසු නිලයන් සහ සිවිල් කාර්ය මණ්ඩලයේ දරුවන්ගේ අනාගත අධ්‍යාපන අවශ්‍යතා සඳහා සහාය වීමේ අරමුණින්, ගජබා රෙජිමේන්තු සේවා වනිතා ශාඛාව විසින් කාලෝචිත ශිෂ්‍යත්ව ප්‍රදානය කිරීමේ වැඩසටහනක් සංවිධානය කර පවත්වන ලදී. ඒ අනුව, සුදුසුකම් ලත් දරුවන් සඳහා ශිෂ්‍යත්ව 113 ක් ප්‍රදානය කිරීමට සැලසුම් කර ආරම්භ කරන ලදී.

රෙජිමේන්තු අධිපති මේජර් ජෙනරාල් යූ කේ ඩී ඩී පී උඩුගම ආර්ඩබ්ලිව්පී ආර්එස්පී යූඑස්පී එන්ඩීසී පීඑස්සී සහ ගජබා සේවා වනිතා ශාඛාවේ සභාපතිනි උදාරි අනුපමා ගමගේ මහත්මියගේ සංකල්පයකට අනුව මෙම උත්සවය සංවිධානය කරන ලදී. සංකේතාත්මක ශිෂ්‍යත්ව ප්‍රදානය කිරීමේ වැඩසටහන 2026 ජනවාරි 03 වන දින "ගජබා නිවහනේදී" පවත්වන ලද අතර, එහිදී ඉහත දරුවන් 49 දෙනෙකුට ශිෂ්‍යත්ව ප්‍රදානය කරන ලදී.

ගජබා රෙජිමේන්තුවේ සේවා වනිතා ශාඛාවේ සභාපතිනිය, අනෙකුත් සාමාජිකයින්, රෙජිමේන්තු කවුන්සිලයේ සාමාජිකයින්, මධ්‍යස්ථාන සේනාවිධායක, ජ්‍යෙෂ්ඨ නිලධාරීන් සහ ගජබා රෙජිමේන්තුවේ නිලධාරීන් ඇතුළු ආදරණීය දෙමාපියන් ද මෙම අවස්ථාවට සහභාගී වූහ.