10th December 2025 11:17:08 Hours
මෑතකදී ඇති වූ ‘දිට්වා’ සුලි කුණාටුවේ අයහපත් කාලගුණික තත්ත්වයන්ගෙන් පීඩාවට පත් ‘ඇල්කඩුව, ලෙලි අඹේ සහ හංගරවත්ත’ යන ප්රදේශවල ජනතාවට සහාය වීම සඳහා පුළුල් මානුෂීය ආධාර පරිත්යාග වැඩසටහනක් සාර්ථකව පවත්වන ලදී. කුඹුක දකුණු පුරාණ ශ්රී මහා විහාරස්ථ තරුණ බෞද්ධ සංසදය විසින් මෙම වැඩසටහන සංවිධානය කරන ලද අතර, ප්රජා සුභසාධනය සහ ජාතික සේවය සඳහා ඔවුන්ගේ අඛණ්ඩ කැපවීම පෙන්නුම් කරන ලදී.
මෙම වැඩසටහන ගජබා රෙජිමේන්තුවේ මධ්යස්ථාන සේනාවිධායක සහ සමස්ත ලංකා බුද්ධ ශාසන මණ්ඩලයේ මහලේකම් පූජ්ය මුගුණවෙල අනුරුද්ධ හිමියන්ගේ මඟ පෙන්වීම යටතේ සම්බන්ධීකරණය කරන ලද අතර, උන්වහන්සේගේ නායකත්වයෙන් සියලු කටයුතු ක්රමවත්ව සැලසුම් කිරීම සහ ක්රියාත්මක කිරීම සිදු කරන ලදී. මෙම පරිත්යාග වල මූල්ය වටිනාකම ආසන්න වශයෙන් රුපියල් මිලියන 1.2 ක් පමණ වන අතර, ඊට පහත ද්රව්ය ඇතුළත් වන ලදි,
අ. වියළි සලාක පාර්සල් 300ක්,
ආ. ඇඳුම් පැළඳුම්,
ඇ. සනීපාරක්ෂක ද්රව්ය,
ඈ. බෝතල් කළ ජලය, සහ අනෙකුත් අත්යවශ්ය ගෘහ අවශ්යතා.
මෙම භාණ්ඩ කලාපයේ ගංවතුර සහ නායයෑම්වලින් දැඩි ලෙස පීඩාවට පත් වූ පවුල් අතර බෙදා දෙන ලද අතර, එමගින් අභියෝගාත්මක කාල පරිච්ඡේදයක් තුළ අත්යවශ්ය සහනයක් ලබා දෙන ලදී.
8 වන ගජබා රෙජිමේන්තුවේ අණදෙන නිලධාරි සහ භට පිරිස් වැඩසටහන සඳහා ප්රවාහණය, සැපයුම් සහ භාණ්ඩ බෙදා හැරීම සඳහා දායක වෙමින් අත්යවශ්ය සහාය ලබා දුන්හ. පීඩාවට පත් ප්රජාවන්ට ලබාදූන් ආධාර කාර්යක්ෂමව සහ ගෞරවනීය ලෙස බෙදාහැරීම සිදු වන බව සහතික කිරීම සඳහා ඔවුන්ගේ කැපවීම, සහයෝගය සැලකිය යුතු කාර්යභාරයක් ඉටු කළේය.
මෙම සාමූහික ක්රියාවලිය, අවශ්යතා පවතින අවස්ථාවලදී ආගමික ආයතන, යුධ හමුදාව සහ ප්රාදේශීය ප්රජාවන් අතර ශක්තිමත් සහයෝගීතාවයට සාක්ෂියකි. එය ක්ෂණික සහන ලබා දීමක් පමණක් නොව, එකමුතුකම, දයානුකම්පාව සහ සමාජ වගකීම යන බැඳීම් ශක්තිමත් කරන ලදි.
