03rd June 2025 12:30:46 Hours
මත්ද්‍රව්‍ය වැළැක්වීම, ප්‍රතිකාර හා පුනරුත්ථාපනය, ආතති කළමනාකරණය, අභිප්‍රේරණ සංවර්ධනය, කුසලතා වැඩි දියුණු කිරීම, සතුටු පවුල් ගොඩනැගීම සහ ධනාත්මක දෙමාපිය කුසලතා පෝෂණය කිරීම කෙරෙහි අවධානය යොමු කරමින් මූලස්ථාන බළඇණිය ගජබා රෙජිමේන්තුව විසින් සංවිධානය කරන ලද දැනුවත් කිරීමේ වැඩසටහනක් 2025 මැයි 28 වන දින සාර්ථකව පැවැත්විණි. මෙම උත්සවය සම්බන්ධීකරණය කරන ලද්දේ ලුතිනන් කර්නල් සේනක මුණසිංහ විසිනි. අධ්‍යාපනය සහ බලගැන්වීම තුළින් රාජකාරියේ නිරත නිලධාරීන්ගේ සහ ඔවුන්ගේ පවුල්වල යහපැවැත්ම සහ පෞද්ගලික වර්ධනයට දායක වීම මෙම වැඩසටහනේ අරමුණ විය.
මෙම සැසිය මෙහෙයවනු ලැබුවේ ක්ෂේත්‍රයේ ගෞරවනීය විශේෂඥවරියක් වන චන්දනී තමාරා සෙනෙවිරත්න මහත්මිය විසිනි. ඇය අභියෝග ජය ගැනීම සහ ජීවන තත්ත්වය වැඩිදියුණු කිරීම පිළිබඳ තීක්‍ෂණ බුද්ධිය සහ ප්‍රායෝගික මග පෙන්වීමක් ලබා දුන්නාය. මූලස්ථාන බළඇණිය ගජබා රෙජිමේන්තුවේ අණදෙන නිලධාරී ලුතිනන් කර්නල් නෙරන්දන කුඹුරගේ, ලුතිනන් කර්නල් සේනක මුණසිංහ සහ අනෙකුත් නිලධාරීන්ගේ සහභාගීත්වයෙන්, මෙම වැඩසටහනේ වැදගත්කම සහ ඔවුන්ගේ කාර්ය මණ්ඩලයේ සහ ප්‍රජාවේ සමස්ත සංවර්ධනය සඳහා නායකත්වයේ කැපවීම තවදුරටත් ඉස්මතු විය.
