09th January 2025 09:58:19 Hours
මේජර් ජෙනරාල් යුකේඩිඩිපි උඩුගම ආර්ඩබ්ලිව්පි ආර්එස්පි යුඑස්පි එන්ඩිසි පිඑස්සි විසින් 2024 දෙසැම්බර් 31 වන දින යුද්ධ හමුදා මූලස්ථාන ප්‍රධාන මාණ්ඩලික ශාඛාවේ පැවති උත්සවයකදී අධ්‍යක්ෂ ජනරාල් මාණ්ඩලික ලෙස නිල වශයෙන් රාජකාරි භාර ගන්නා ලදී.
මෙම උත්සවයේදී ප්‍රධාන මාණ්ඩලික ශාඛාවේ ජ්‍යෙෂ්ඨ නිලධාරීන් විසින් අධ්‍යක්‍ෂක තුමන් ඉතා උණුසුම් ලෙස පිළිගන්නා ලදී. ආගමික ආශිර්වාද මධ්‍යයේ නව තනතුර නිල වශයෙන් භාරගැනීම සනිටුහන් කරමින් නිල ලේඛනයකට සංකේතාත්මකව අත්සන් කළේය.
රාජකාරි භාරගැනීමෙන් අනතුරුව නව අධ්‍යක්‍ෂක තුමන් විසින් පැමිණ සිටි භට පිරිස් ඇමතීමෙන් පසු ඔවුන් සමඟ සමූහ ඡායාරූපයකට පෙනී සිටි අතර, ඉන් අනතුරුව උත්සවයේ කටයුතු අවසන් විය. මෙම උත්සවය සඳහා ජ්‍යෙෂ්ඨ නිලධාරීන්, නිලධාරීන් සහ සෙසු නිලයින් සහභාගි වූහ.
